فى ضيافة اعضاء زمان(دمعه حائره)

[دمعه حائره]

السلام عليكم ورحمة الله وبركاته أهلا وسهلا أعضاء منتدانا الغالى وحلقه جديدة فى ضيافة اعضاء زمان ضيف الحلقة النهاردة دمعه حائره أيوة بستضيف نفسى عشان مناسبة خاصه جدا زى النهاردة من 6سنين سجلت فى بنات مصر المنتدى اللى اتعلمت فيه اعبر عن هواياتى المنتدى اللى عرفنى بأحسن اخوات واصحاب المنتدى اللى علمنى ازاى اتعامل مع الناس فى كل المواقف وقدرت فيه اغير حاجات سلبيه فى شخصيتى المنتدى اللى مهما اغيب برجع بسرعة تانى عرفت منتدى بنات مصر عن طريق جوجل سجلت فيه بالصدفه اقتبست الاسم من بيت شعر لخالد الفيصل اضحك ودمعى حاير وسط عينى لان بطبيعتى بحاول اخبى احزانى وماادايقش اللى حواليا زمان كنت بهتم بقسم النقاش فى الاول وبعد كده الخواطر اتعرفت فى البداية على السفينه وواد حبيب وشاعرة الرومانسيه وشاعر واسير الحب بعدها عرفت اعضاء كتير جبل عالى ونيمو وقلم وقلم بلا حبر وطارق واحمد تكنكال ميشو وحنون وآيه حكاية ومروشو طائر الشرق وماجيك وامجد اسماء وسما ورحيق الجنة سكره واحمد الحلو وبحر ولكن نونا وروح الروح وزهرة النسرين شاعر الاحساس والقيصر دول كانوا فى اول سنه وسورى لو نسيت اسم منهم بعد كده اتعرفت على باقى الاعضاء اللى فيه منهم كتير موجود دلوقت مش هاقدر اذكرهم لانى مش عاوزة انسى حد منهم كلهم غاليين عليا واتعلمت منهم كتير تقريبا جربت كل الالوان فى المنتدى ماعدا لون الرمادى كانت رحلة طويلة اوى شوفت فيها تعب وعرفت فرحة النجاح اكتر فتره غيبتها 3شهور كانت فى 2014 لظروف عائليه وسفر المنتدى مش مجرد موقع بالنسبه ليا لآ المنتدى زى بيتى بحس انى مسئوله عن كل عضو /ة فيه وبالمناسبه دى ببعت دعوة لكل غايب يرجع لاننا فعلا مفتقدين الروح الجميلة اللى كانت بتجمعنا زمان اكتر اعضاء بيحتاجوا مننا اهتمام هم الاعضاء الجدد والسنين اللى فاتت اثبتت ان فيه من الاعضاء الجدد اللى قدر يثبت وجوده ويصبح فى مكانه مهمه فى المنتدى لانهم موهوبين ومميزين فعلا وبنصحهم انهم يعبروا عن كل موهبه جواهم من غير خوف انها ماتكونش موهبه كبيرة لانها مع الوقت بتكبر وبتكون مميز بيها وبتمنى من كل اعضاء المنتدى يخافواعلى المكان ويحافظوا عليه لان كل ركن فيه زكرى حلوة عند ناس كتير وننسي كل حاجة زعلتنا فى يوم من بعض ونبدأ صفحة جديدة مافهاش غير كل حب واحترام دى ذكرياتى مع المنتدى اللى قدرت اذكرها حاليا يارب يكون وجودى بينكم خفيف مش مدايق او مزعل حد منى ولو حد زعلان منى يسامحنى ويبقى كريم معايا ويدعيلى ربنا يوفقكم ويديم المحبة بينكم

[ahmed 22]

انا يمكن جديد علي المنتدي
بس اللي بلاحظه دايما من ردودك ومواضيعك
أنك من الشخصيات المحترمة والخلوقة
وعطاءك دايم للمكان بأفكار مميزة ..
ربنا يحفظك ويوفقك دايما

[طبيب الهوى]

منة حسن أم نور

أختي التي لم تلدها أمي

أنتِ وأيمن الرحال وأمجد ساحر الاحزان

كنتم السبب الرئيسي لحبي وعشقي

لقسم الإبداعات الأدبية

أختلفت معكم في وجهات النظر

لكن كان يجمعنا الاحترام المتبادل

وأنتِ كُنتِ ولا زلتِ بالنسبة لي شمس المنتدى التي لا تغيب

أنتِ مع كثيرون هنا المكسب الحقيقي لي

لأنكم بالنسبة لي أخوة واخوات وأبناء وبنات

أحبكم جمبعا في الله ولوجه الله

الله يسعدك يا منة ويسترك ويحفظك من كل سوء وشر

ويبارك في أبناءك وأسرتك ويباركلهم فيكِ آمين

أبو عصام

[فصيح]

وهذه هي شمس المنتدى
رائعة في صدقها في محبتها للمكان
تعاملها مع الأعضاء والأصدقاء
الاف من الشكر لكي دمعه حائره
وخالص التحيات

[ندوشه 2011]

حبيبتي انتي عثوله ربي يحفظك ويوفقك ويسعدك

[ايمان طلعت]

كل عام وانتي بخير وعقبال السنه العشرين
وتفضلي دايما منورانا بوجودك
وان شاء الله كل اللي قولتي عليهم يشوفو كلامك ويرجعوا تاني
ومفيش حد اكيد زعلان منك
ربنا يوفقك ويسعدك
تحياتي

[morshooo]

ايه الحلقه الرخمه دى ^_^

طبعا منه من الاعضاء الى ليهم بصمه كبيرة فى المنتدى

سواء بدايتك او فترة وجودك فى الطاقم الادارى

من الاعضاء الى شافو حاجات كتير فى المنتدى

وشافو نجاحاته وسقطاته ولسه لحد دلوقتى بتدخل

وبتشارك ببرامج او مواضيع او مسابقات

ان شاء الله تفضلى دائما منورة المكان يا شمس المنتدى

^_^

[شاعرة الرومانسيه]

حبيبة قلبى يارب السنه المليون وانتى منورانا حبيبتى

الله يطول لنا بعمرك حبيبتى

[Aya 7ekaya]

منه
انتى من احب الناس لقلبى
انا فاكرة زمان خالص بعتلك رساله قولتلك عايزة اكون صاحبتك انتى الوحيده اللى بعتلها الرساله دى و كنت حابه افعلا اكلمك واعرفك
فى ناس جت ومشت من المنتدى بس انتى هتفضلى مميزة و هتفضلى شمس المنتدى

[بنت خديجة]

يديمك ع المنتدى نعمة منونة انتي شخصية حبوبة جدا وراقية
الله يسعدك