رد على (a7med -3del )تلاجه فاضية

[السفيره عزيزه]

تلاجه فاضيه
ورساله قاضيه
على حلمنا

وصقفه راضيه
رد الشباب
على ميلة
بختنا

البخت مايل
وريس هايل
بيقولنا

ايامك سوده
والميه م لها
لو صبرنا

يفتح ببان
للنهش تانى
من رزقنا

سمعتوا حلو
بيقول تانى
نعيش على
ادنا

احنا الشباب
كان الخطاب
تصريح لنا


الميه كافيه
نشرب ونحمد
ربنا .

مجاري صافيه
وصحة وعافيه
على قلبنا

طيب يا بومه
ما بلاش نشرب
وتشرب لنا

ونموت فداك
ونمشي وراك
بقبرنا

اما الموارد
الرصيد الجامد
مش مقسوم لنا.

احنا العبيد
آآمر يا سيد
وغنى لحن
مرنا.

لحن الندامة
تقوم قيامة
وتحسب لنا.

شربنا كام
يا ريس همام
خطط لنا.

يا بياع الوهم
يا طالق السهم
فى
قلبنا

سنين عجاف
والبقر السمين
ما ساب لنا

تلاجه كبيره
فى مصارف
نهرنا

اما الغلابة
انياب ديابه
نهشت
يا عالم
لحمنا

صقف يا شعب
المخ الصعب
ملك زمام
امرنا

قاولوا ورايه
وانا السفيرة
وحده فقيره
من هنا.

صبري خلاص
خلص يا ناس
وهينفجر فى
وش نا

سكتين ليه
فاضل ايه
تانى يقول لنا

قولولو
لااااااااااااا
كده منتهاها
ظلم خلاص
خنقتنا

اكلنا ايه
نشرب عليه
بلاها الميه
يا قاتل
شببنا وحلمنا

قلمي

[αЛαstoOorα]

ههههه
قلبوتها مظاهرات .؟
عجبك كدا ياعم آحمد؟
هتخليني آنا كمان آجي آتظاهر معاكم ^^

[السفيره عزيزه]

والله يا اخوة استفزاز غير عادي
بيخلى القلم يجري علي السطر
لوحده .

قولو ا ما لازم نقول ما احنا ال هنضيع

تحياتى لك اخى فارس
ولكل حر

[العاشق الذى لم يتب]

انه ابتلاء عظيم
اللهم فرج الغمة

[حـيـــــآة ❤]

من ناحية استفزاز فاهو استفزاز فوق المحتمل كمان يازوزّه

وقلمك الجميل ايضاً يستفز القارئ لقراءته..

وقريباً بالمنظر دا.. تلاجات الشعب كلها هتفضي

عشان تلاجه السيسي تتملي ميه

اصله لازم يشرب كويس عشان يعوم البلد

تسلمي جميلتي

[ايمان طلعت]

انتوا اصلا مش فاهمين
مهي التلاجه فاضيه عشان مش بيشرب من المصرف زينا
اومال مين اللي هيشرب المعدنيه يا نااااس
ولا هياكل اكل بايت تاني يوم زينا بردو
فالتلاجه لازمتها ايه بس
افهوا بقى