عالم غريب

[ahmed 22]

مابين سمانا وأرضنا
عازف كمان
فارد جناح بألحان
ماسك في إيده ميزان
مضرب عن الألوان
سمع بكرب الحال
فعزفله ميت موال
.
.

ملاك وشيطان
ده سوق بلد حيران
شايف عماه في شخوص
ما بين وعود ونكوث
يفتح عنيه بيبوس
يرفع في ناس فوق روس
ينزل لسابع جذر
يرجع يزرع في حبر
والحبر بلونه جاف
صابغ قلوب جفاف
.
.
من ناس تفزك تستفزك
ورئيس بيحكم يفقد شهية
وصاحب قضية ألفله أغنية
وقاضي فاهم بس سايس
محتج حج وصوته عالي
وفي وسط الدوشة كيوت و هادي
يهرب في الجد ده أمر عادي
وغيره ماشي في أرضه هامل
يقلب أسد وسط المحافل
وبمجده الشخصي جرئ و فاخر
.
.
لا شئ يعجبني
قالها شاعر زمان
وفي وقت غيره غني
قال عالدنيا جنة
صاحبنا قام و صلي
قلب بتاع كمانجة
.
.
عالم غريب في شكله
مالوش ميزان لعدله
عجيب كمان في ظلمه
الناس في خوفها راقدة
شجاعها نامله فترة
ما بين هموم حياته
وفي وسط رجعله أمله
خباه ما بين ملامحه

[حـيـــــآة ❤]

احسنت الوصف واختبارك للعنوان كمان

هو فعلا عالم غريب بكل مقاييس الكلمه.

ربنا يهدي الشؤون

ويصلح الحال يارب

تسلم ايدك.. تبارك الله مبدع

ومازلت عند رايي اختياراتك للالفاظ معبر رغم بساطته
وعندك قدره بايصال المعني بشكل سلس وواضح

تسلم احمد جزاك الله خير

[همس الكناريا]

أحسنت وأجدت في وصف حالة واقعية أحمد
وفي انتظار الفوقة والمدد
سلمت وسلم القلم وصاحبه
احترامي

همس الكناريا