تكــــة واقفــــة

[شاعر الحب الحزين]

تك سجارته وجت التكة واقفة

بص ف ساعته لقاها واقفة

شاف حبيبته وعملت مش شايفة

كلم صاحبه وقاله مش فاضي

قعد يقلب في دفاتر الماضي

يدور على حد يونسه ويحكيله السالفة

طلع موبايله ورجعه ف جيبه

ي أف أف مش عارف عيبه

قام ياكل ولا كلشي غير حتة عيش ناشفة

قفل الباب وقعد يكلم نفسه

غابوا الأحباب ف غلبه يأسه

أهل بيته بيندهوله إلا أمه كانت حاسه بس خايفة

جه صاحبه يسأل عنه هو فين

قالوا بنخبط عليه بقالنا ساعتين

يمكن خرج لا ما خرجش طب ماله مش بيرد .مش عارفة

طب اعمل ايه اكسر الباب عليه؟

اكسر يا ابني اما نشوف فيه إيه

كسر الباب وشاف صاحبه ع الأرض واقع والصمت مالي الغرفة

الأم خدته ف حضنها وفعنيها الدموع

عمالة تفوق فيه وقلبها عليه موجوع

اخواته حواليه بيبكوا عليه ..صاحبه شاله وجري ع المستشفى

ف الشارع شافته حبيبته وهو ما شافها

قربت شوية خافت وقعت الشنطة من فوق كتافها

بقى كل مناها يفتح عنيه عشان يشوفها بكت بحرقه وقالتله آسفة

دخلوه الإنعاش وقعدوا يستنوا بره

صاحبه يلوم نفسه ع تعامله اخر مرة

طلع الدكتور ..ها يا دكتور طمنا ..قال شدوا حيلكم للأسف هو اتوفى

اتمناهم يبقوا جنبه وهما عايشين ولما مات اتمنوه وبدأ قلبهم يصفى

الساعة رجعت تدور وتمشي.. واختفت بين زحمة سجايره التكة الواقفة



شـــــــــــــــــــــــــــــــــــــ . حـــــــــــــــــــــــــــــــــــــــــــ

[ندوشه 2011]

....الله يرحمه. ..

[*فجر الاسلام*]

دموعى نزلت
العمر بيخلص فى لحظه ومحدش بيحس بالتانى غير لما يمشى
ويقول ياريت ساعتها مش هتنفع ياريت
مؤثره اوووووى
ربنا يرحمنا برحمته ويحسن خاتمتنا

[جبل عالي]

وكأني ع ميعاد بحروفك الهادفه
ليها قصه وحكايه ...مهياش سهله
وميعادي معاها راح ....
عشان ساعتي كانت واقفه ...

وحلم جيت أقراه ...لقيت
حروفه كلها خايفه




وتكة شاعر بتوصف بدقه الحالة
وسيبانا من غير ماتدينا الوصفه


اصل المعنى لما يتشاف ...
بتخلص القصه والسالفه ...







ماشاءالله فتحت لقيت روائع وابداعات
لناس كتير شوامخ وامجاد وتمجيد ....

لكن ورب الكون ...لم يستوقفني الا متصفحك
ربما هي الاقدار اخي ...
فما مررت به منذ ساعات وما قرأته الآن
لهو العجب ...... والله تعالى هو الاعلى والاعلم


ولتعذرني لشرود ردي ياصديق


ولك كل التحيه وكل التقدير

[حـيـــــآة ❤]

يخرب عقلك.. والله وما اتأثرت بحرف قد ما تأثرت بقصيدتك اليوم

وانا اتخيل المشهد وابطاله..

تبارك من جل لك الموهبه

تقييمي ونجومي
والله دخلت من الجهاز التاني كي اقيم جميل حرفك شاعرنا

في حفظ الله;

[همس الكناريا]

أن تأخذ منا كلماتك أخذ البكا والتأثر
فهذا يعني مدي نجاح الكاتب وتوصيل إحساسه بشكل جيد
هنا سألتزم الصمت...!
دمت كما أنت

همس الكناريا

[SaMa.]

هيندمو...وموش هينفع ندمهم حاجة
ثانكس خالد عجبتني

[راجعة لحبيبى]

تسلم خالد
انت تاخذنامعاك وين ماتروح
روعه الكلمات
لروحك السعاده

[مهيب الركن .]

كلمات روعه اخى الغالى
تقبل تحياتى وتقديرى

[العاشق الذى لم يتب]

وكده حال الدنيا
فيها الافراح والاحزان
وكله راحل
وشاعرالحب الباسم
سلمت يمناك