الحموات الفاتنات/بقلمى

[طارق طروق]

طبعا كلنا بنحلم بالحياه الزوجيه عشان هى الاستقرار
بعد بقى ما معظمنا جرب الحب سواء حب وهمى او حب حقيقى
وده صعب فى الزمن ده ومحدش يسألنى صعب ليه عشان ده مجال تانى
مش وقته انى اتكلم عنه ممكن اخليه موضوع لوحده مره تانيه
بعد الزواج بقى كل واحد وواحده مننا هيكون ليه حماه اللى هى ام الزوج وام الزوجه
ودول بقى لو مؤخذه عاملين زى البطيخه انت وانتى وحظكم بقى وهقولكم ليه بقول كدا
بعض الحموات سواء ام الزوج او ام الزوجه بيكون ليهم دخل كبير فى اثاره المشاكل بين الزوج وزوجته
سواء بقصد او بدون قصد وخصوصا اذا كان الزوج شخصيته ضعيفه وبيسمع كلام امه
فيه حماه مثل ام الزوجه تستلم بنتها فى بدايه زواجها وتقولها
بقولك ايه انا عيزاكى تمشى زوجك على العجين ما يلغبطه عيزاكى تحطى زوجك خاتم فى صوباعك
وخلى السيطره ليكى انتى وحاولى تقصقصى ريشه عشان ميتجوز عليكى ويبص لغيرك
البنت تقولها يعنى ازاى يا ماما اقصقص ريشه هو طير ولا ايه؟ امها تقولها يا خايبه يعنى اقصد
تخليه يصرف فلوسه اول بأول يعنى دايما تطلبى منه طلبات ليكى وللبيت على طول ومتدهوش فرصه
انه يحوش فلوسه او يحطها فى البنك عشان لو عمل كدا مصيره هيتزوج عليكى انا امك وبقولك الصح وبخاف عليكى طبعا البنت على طول تسمع كلام امها وتروح تطبق الخطه الشريره بتاعت امها
على الجانب الاخر نيجى لحماه البنت اللى هى ام زوجها
تقول لأبنها فى بدايه حياته الزوجيه بص بقى انا عيزاك تدبح القطه لمراتك من اول ليله عشان تخاف منك وتعمل حسابك ولو قالتلك يمين انت تقولها شمال واديها مصروف بيت بسيط جدا على قد متطلبات البيت ولو طلبت منك اشياء تخصها من ملابس وغيره قولها حاضر ومش تنفذ ولو نفذت جيبلها حاجات بسيطه جدا عشان لا تتعود على كدا وعشان لا تطمع فى فلوسك يقولها حاضر يا ماما اطمنى
كل كلامك هنفذه طبعا الزوج ده اللى هو ابن امه زى ما بيقولوا وشخصيته ضعيفه
طبعا دى نماذج موجوده فى الحياه صدقونى وخصوصا لو الحماه عايشه فى بيت بنتها او عايشه فى بيت ابنها ومش بيحطوا فى راسهم ايه نتيجه نصائحكم الفتاكه دى ونتيجه لكدا بيحصل طلاقات كتيره بسبب الحماه ونصائحها
وبعتذر لكل واحده وكل واحد والدته متوفيه وبقولهم الله يرحمهم ويحسن اليهم
بس خلاص
مع السلامه بقى

[حـيـــــآة ❤]

بعض الحمـوات صعبه شوي ع قولتك

دا يرجع للرجل او المراه

بايده او بايدها تلين حماتها عليها

بتعاملك هتفرض احترامك ع الجميع

الا بقي المغضوب عليهم..

واللي بيبقوا حقيقي مافي طريق او مجال لي التعامل معهم او تليينهم

ربنا يهدي الحال يارب

ويرزق الجميع الاهل الصالحين والبيت الصالح..

فضفضه من قلب الواقع طارق

في حفظ الله

[طارق طروق]

امين يارب العالمين
كلامك صح يا هاجر
والزوجه العاقله هى اللى بتحاول تكسب حماتها
حتى لو جت على نفسها شويه
ومصيرك يا مرات الابن تكونى حماه
شكرا لتعليقك ومرورك الغالى
نورتى وشرفتى هاجر
وتحياتى

[شاعرة الرومانسيه]

هههههههههههه فكرتنى بالفيلم

رائع طارق تسلم ايديك

[طارق طروق]

هههههههه متشكر شاعره
الاروع تعليقك ومرورك الغالى
نورتى وشرفتى ودوم ضحكتك
ومع تحياتى

[توحد ارواح]

الامر بيكون بيد الزوجه انها تقدر تكسب ام الزوج لصفها

بالمعامله الحلوه والكلمه الطيبه لاننا مش ف حرب

وباذن الله الامور تبقى تمام لان الحماه اذا غضبت على زوجة ابنها

بتكون مشكله كبيره والبيت يبقى ف مشاكل وحيره للزوج بين الاثنين

تسلم ا/ طارق ع الفضفضه الواقعيه والمشكله الازليه

[طارق طروق]

تسلمى استاذه توحد
فعلا كلامك صح
الزوجه بيدها تكسب حماتها
بالكلمه الحلوه والمعامله الحلوه
وتعتبرها زى والدتها وبالتالى الحماه هتعتبرها زى بنتها
وبكدا تتحل المشكله
شكرا لتعليقك ومرورك الغالى
نورتى وشرفتى
وتحياتى

[ايمان طلعت]

طيور وقطط كدة مبقاش بيت

والله كل ام تحب ابنها او بنتها يكونوا سعداء
فيه النوعفيه دي فعلا وفيه اسوء من كدة بكتير
بس الاساس بيكون على الزوج و الزوجه انهم ميدخلوش حد بينهم حتي ولو الام
ولو كل طرف اعتبر ام الطرف التاني والدته الدنيا هتبقى حلوة

موضوع جميل طارق
تحياتي

[انجي_1]

انت تقصد الحماوات الفتانات
مش الفاتنات

الفتانات هم الي بيفتعلو المشاكل يا عم
الفاتنات هم الموزات بقى

انا مش عايزة اكلم في الموضوع

[Doaa Hammam]

لو كل واحد يعرف انه كما يدين يدان كنا ارتحنا من زمان

طرحك راقي

تحياتي