قشطه عليكم

[طارق طروق]

اكتر جمل بيقولها الاب والام فى مصر

امشى جاتك مشش فى ركبك .
جتها نيلة اللى عايزة خلف تيجى تتفرج .
ذاكر ياجزمة مش فالح غير فى الهيافه والكلام الفاضى.
ربنا يرزقك بعيل يوريك اللي ورتهوني.
هات كيس عيش وانت راجع
هو ده اللي انت فالح فيه طول اليل والنهار قاعد علي الزفت الكمبيوتر بتاعك لحد مهيجلك تخلف عقلي منه .
هتذااااااااكر هتاخد عنية مش هتذااااااااااكر هتاخد بالجزمة
ابقى ورينى مين حينفعك فى الاخر من شوية الصيع اللى انت مشيلى وراهم .
قوم اقرا لك كلمتين ينفعوك
انت فاكرنا نايمين على ودانا ؟
ياريتك تحفظ دروسك زى مانت حافظ الاغانى.
عيـــب ... لازم تحترم اللي أكبر منك
طارق ده عيل بايظ متمشيش معاه
مين منى دي انتى كل يوم تصاحبي واحدة جديدة ؟.
قومي ساعدي مامتك ده اللي هيتجوزك أمه داعية عليه.
لمى هدومك انتى مش عايشة فى زريبة بكرة اشوف بيتك هيبقى ازاى خرابة طبعا.
ادلعى ياهبة فى ايامك المهببة .
قومي سخني الأكل لأخوكي.
خلاص كدا
مع السلامه بقى

[ندوشه 2011]

ههههههههههههههاي بيحصل كدا

[حـيـــــآة ❤]

هههههههههه آشطـا عليك ^^

[fanaa]

مع الاصف حكيكه

[مريم™]

بارك الله فيك على هذه المواضيع الرهيبة

[طارق طروق]

بشكركم جميعا على مروركم وتعليقاتكم
شرفتوا ونورتوا

[^^khL oUD]

الله يكون ف عون ال هيتجوزك
بيقولوا كدا برده
هههههههههههه تسلم

[طارق طروق]

اقتباس المشاركة الأصلية كتبت بواسطة ҜҢÓlỘuď الله يكون ف عون ال هيتجوزك بيقولوا كدا برده هههههههههههه تسلم

ههههههههه ايوه صح فعلا بيقولوا كدا
امى دايما تقولهالى بس بتقولى اللى هتتجوزها
نورتى وشرفتى خلود ودوم ضحكتك

[Lawrence]

بيحصل كده واكتر

ربك يصلح الحال