أنــا وقلــمي ( بانــوراما العاميــة )

[حنان الروح]

حروفك مختلفه
في كل شيء
في أحسآسها الجميل
سلمتي وسلم ابداعك
ومتابعه ياقمر

[همس الكناريا]

اقتباس المشاركة الأصلية كتبت بواسطة فصيح لا حرمنا الله جميل ابداعك همس قلم يستحق المتابعة كل التجبة والتقدير

شرفتني بمرورك العذب سيف
دمت ودام حضورك
احترامي

همس الكناريا

[همس الكناريا]

اقتباس المشاركة الأصلية كتبت بواسطة حنان الروح حروفك مختلفه في كل شيء في أحسآسها الجميل سلمتي وسلم ابداعك ومتابعه ياقمر

يسلم قلبك ومرورك حنان
شرف ليا متابعتك
مودتي

همس الكناريا

[همس الكناريا]

وجوا الروح ..
سنين بتروح وبتعدي
ورود بتفوح على خدي
وبايدي زرعت انا أرضي
سقيتها حناني مع ودي

/

ويا ما جروح عليها ننوح جوانا
ويا سطوح بنطلع نشم عليه هوانا
فرحة وطرحة .. وأيام صعبة ويانا

/

وجوا الروح طيبة حنية
على خدود ورود الحب ندية
وفي الغيط قاعد
ويا الشمس وبهية
وروح الأرض تندهلي
وتصحي الزمن فيا

/

ازرع وافلح
واحلم واطمح
وافشل وانجح
حياتك كلها ليك
وبلدك أمانة في عنيك

/

وشمسها تنادي عليك
يا ابني اوعى تسبني خليك
انا بتعكز عليك
مليش بعديك ولا قبليك
مليش ضهر انا غير بيك

[همس الكناريا]

ف عقلى جنى مجننى
قالى الشعر دا منى
لابد تكون رسماله
ولو هاتموت ف سطوره
أحفر على قبرك دستوره
وكفه توازى ميزانه
تعدل مقلوب
وإن كان مغلوب
تسند مظلوم أيامه
/

وانا بينى وبين الشعر سنين
تتخبى ف كم حزين مسكين
وتعافر سطوة الآمه
أتشال واتحط
وحبرى الفنط
يأمر حرفين
مابين قوسين
يتعشوا لحن مواله
على عزف نشيد
عزم شديد...
وقلبى وحيد
لكنى روحى سقايه
لدين الله...وطن م الآه
يدوس على سلمه بملامه

[همس الكناريا]

أنا من كتر الهم شايل
بس صابر
بغزل خيوط من حرير
وغُرزتي صبار
دمعي في نني عيني زي
الجبل جبار
تشوفني عود
يابس علي الحوال
واقف كما الزنهار
وعفيتي خدمة بلد
فلاح عامل وجندي
عيني لم تنام في نهار
حيلي اتنصب زي القصب
بس الزمن عصار
........
لولا التعب ياسيدي
كان المدي ضاق بقولي
بكرة يعود المطر
ويملا بالمدد حولي

[αЛαstoOorα]

ملكيش حل بكل المقاييس ياهمس
روعة الروعات ياسندريلا...

[همس الكناريا]

جي رايح كله له
ياوجع ومتأصل معايا
من يوم خلاصي
ميت ألف صرخة ولا
حد سامع يواسي
ياآهة الحسرة مُرة
الفرح ليه ناسي
تبات جوه الحلق تنضح
مرار في كاسي
ياوجع متوضي في عيوني
وعلى شفاف القلب راسي
القلم سنه اتبرى واندار على
سني ..وحبره منه نفذ بسقيه
من النني ..صرخة ميلادي
كانت ألم مني ...ياجرح قواني
وياصبر صباني
ونقشني ع الورق حبة حروف
متنعكشه مترتبه وعجباني...يا شمسي
يا تايهه من سمايا معنداني
الهم عندي إني.
حني وبالدفا حني
كفي وبلاه عند تاني
أنا بنت الأصول
والكف ملوه خير
أبويا وصاني
أنا زيك بتخبط وبتلخبط
بين الجهل والمعرفه
دنيا والعجب فيها سمه والجفا
ببكي على الأوطان وبور الغيطان
وخايفه من العتمه وصوم الحيتان
خايفه على الفرات
اللي اتحنى بدم ناسه
وبلح النخيل بكي أمهاته
مواطن وايه المواطنه
مال ضهري مع حظي
وتاهت سكتي واتعلت بسمتي
الشمعة بينحت منها
طول ليلي حته حته
وخوف مسامير مدقوقه في الجته
بزعق بعلو الصوت لكنه مبحوح
أنا ليه وإيه .؟


همس الكناريا

[همس الكناريا]

وصيت حمام السلام
ينسى اللوم والخصام
ويحود على أرضى
ينشر حب وغرام
يملى الكون ابتسام
وورود من سردى
رفرف جناحه وقال
العدل ف بلدك مال
والحب ماهوش مرضى
ياللى انتى ف الخيال
بنيتى بيوت برمال
هاتعودى كما كنتى
وانا عندى صبور بصراحه
وحروفى ماهيش جراحه
لو جرحت يوم تهدى
اكمن إيمانى كبير
وبحب إلهى بطير
بفرش للناس أساطير
وسعادتى من فرضى
وصيته كمان وصيه
عن بنت اسمها هدية
وجه الحضارة دراعها
والعود كما البنية
ولا عمر حد وجعها
نيلها ف سماره صبية
واهرماته.. حرية
قنديل ف وسط شموع
وختمت ع الوصية
مغزول نغم عالنول
لكل المصراويه
بلغ ياحمامى وقول
عمرى لبلادى هدية

[همس الكناريا]

يا عاشق الليل ليه ليلك ماليلشي
ليلك عشق سهرك ونوم ...مبتنمشي
ورد حبك العطشان تسقيه ميشربشي
دي نظره عين وصابت طرفت بها رمشي
دي خلت طيري بعد العشره جفاني وهجر عشي
وصبحت كما درويش سكران مبيفقشي
واللايم صعب عليه حالي بكاني صبح مبيلمشي
يا مبلغين بلغو طيري يرجع ميبعدشي
حبيبك من بعدك يموت ...وميعشي