أنــا وقلــمي ( بانــوراما العاميــة )

[همس الكناريا]

أنا كان نفسي أشوف نورك
و أتبتل بمحرابك

وكان نفسي يا محروسه
ألاقي الفرح علي بابك

و كان نفسي تضميني
وانا قاعد علي ترابك

لقيت دمعك مغطيني
قوليلي ياامه أيه صابك

وكان نفسي أبوس إيدك
أتاريني ببوس نابك

[همس الكناريا]

بعد يوم تعبان وطافح
بالمشاكل رحت أنام

شفت رؤية إن الجنيه
بيه دجاجة وجوز حمام

قلت أديله التمام
أتاريه سابني و عام

[همس الكناريا]

ميك اب رباني وانا
الزمن علمني وعلم
عليه وكمان رباني
الشط بر الامان وانا
راكبه في مراكبي
والصبر هو رباني
الحق طبعي ومنهجي
والحكمة سطور عل
يها نشاني رب أني
ياللي تحب العياقة
لطم الموج قاسي
خليك ياجدع رباني
مية الف قول ومعنى
كل حودايتنا منعادة
ما غير يكرر لساني
احنا حبة هوا طرحه
النيل ع الشط خلاك
ياجدع فارس وخلاني
طبع الاحبة الوفا ولو
فاتك وفاتوني خلاني
انقش على الضل قبل
النور نقشك يضوي
للحيارى في ليل توهان
سنيوره مسحوره الدنيا
ميك اب صدقني ما هو
اصلي ولا رباني
لو نكشت جلدها تلاقي
تحتها مية الف وش تاني
هتجري منها مشاوير
حالف ما تأمن لها تاني
ياللي تحب العياقة شوف
مفيش احسن من خط
مستقيم مش هتلاقي
حد له تااااا ني
وان تنيت الخط واتعوج
صعب تعدله تاني
عودن يجف ع الاستقامه
مستحيل له تواني
السنين كلها في الاصل
تباريح ومعانداني
لكن بعد البوش هتعرف
ان السنين يادوب ثواني
ميك اب للبيع يااخوانا حد
قال ياذواق تاني؟؟

[همس الكناريا]

‏فضفضه
أطفش يا ناس مخنوق
وروحى طلعاته
لا الناس دى حسه بوجع
ولا حتى طيقانه
و غلبت اقول مش كده
والخلق تعبانه
ولا حد عبَرلى صوت
ولا حد قام جانا
يا موشوشين الودع
اللى اتوجعت اانا
وانا جاى اقول فضفضه
و النفس زهقانه
أسرق و اعيش بالحرام
و الناس تعيَبنى
هتقول حرامى و سرق
ولا حد هيسيبنى
وولادى بعد امَا اموت
هتشوف عذاب يااما
كلام يسم البدن
و مذلَه و اهانه
هيجينى على تربتى
ابنى و هيزورنى
هيقوللى عجبك كده
وللا هيعذرنى
يارب دانت القوى
سلَمت لك أمرى