انــا والعســل .. الحلقـه الثـــالثـــــــــــة

[سهـــر]

مساء الخير اهلا وسهلا بيكم في حلقه جديده حلقات انا والعسل ومعايا ضيفه محبوبه من الكل هنا ومني انا شخصيا منوره ي حيــــــاة ❤ ازيك عامله ايه ؟؟ منوراني دآ نورك والله حبيبتي.. انا كويسه بخير نحمد ربنا مستعده نبدأ استعنا ع الشقي بالله؛ الفقرة الاولى من الأسئلة كلمينا في الأول عن نفسك شوية ؟ بنوته يعتبر نفسي لسه صغيره ع الدنيا بدرس الآداب تخصص فلسفه وليا احلامي ف المجال دا باذن الله تتحقق احكيلي معانتك هنا بعد ما استقريتي في مصر ؟ معاناه دي كلمه قليله سهوره.. تغيير بشكل جذري اول حاجه فراق ناس عشره وصحاب وارض جميله كمان معاناة نقل ورقي كله كان اسبوع بحاله روحي القاهرة اعملي ورق ارجع يقولوا ع ورق تاني.. اول اسبوع دا كان مجزره بالنسبالي وعلي راي بابا انا نحست الثانويه هههه يعني لما جيت ادرس بمصر حصل التسريبات.و.. و.. بس فانا لو قعدتك احكي هاخد صفحتين ندمانه انك رجعتي مصر ؟ جداا انتي مش متخيله^^… ندمانه علي اي حاجه حصلت وانا بمصر للعلم انا بقالي ف مصر سنتين بس بندم علي ناس عرفتها لما جيت مصر سواء برا او ع النت بندم عشان صحاب عمري.. مازلت بكلمهم الحمدلله بس نناقص قعدتنا مع بعض زي زمان.. وبتدم عشان ضيعت راحتي النفسيه اللي كانت كل سنه بتتجدد بزيارة بيت الله الحرام حاسه بيكي انا بقالي 5 سنين هنا ولسا مش عارفه اتعايش ايه هو حلمك اللي نفسك تحققيه ؟ رضا الله اولا ثم احلام دنيتي في تخصصي وكدا في دماغي حاجات كتير بس مش في مصر طبعا^^ اكتر حاجه بتخوفك ؟ نظرة ربنا لي وانا ف معصيه لو قولتلك غمضي عينكي ثواني ايه اول حاجه جت في دماغك ؟ سواد الفقره الثانيه من الاسئله انتي شايفه المعاني دي ازاي وشايفه نفسك فيها ايه : - الجمال الروح .. - الذكاء حسن التصرف - الموضه مش انا - شهاده المعادله الخروج من الدنيا برضاً من الله.. اكبر شهاده - الخير اللي بيحبوني - الشر اللي بيكرهني الفقره التالته حد السيف ( مسموح عدم الاجابه على سؤال واحد بس ) 1/ جواز الصالونات ولا عن حب ؟؟ مبقاش في حب اساسا سهوره.. الشاب اللي بيحب اليومين دول عايز يسيطر وخلاص وياخد وقته مع البنت.. واذا جيتي وقت الجد يطلع يجري الا من رحم ربي^^ الصالونات بئا.. بيكون الشاب مش حاطط ف دماغه بنوته معينه لما يقعد معاكي ويحس بقبول وتحسي نحيته بقبول ساعتها هيبتدي الحب الصادق.. الحلال 2/ ظلمتي اي شخص قبل كدا ؟؟ 3/ فتره في حياتك نفسك ترجع تاني ؟ فترة اقامتي في السعوديه.. او بالاحرى وجودي مع صديقاتي 4/ في حاجه في المنتدى مش عجباكي وعيزاها تتغير ؟؟ ااه جيتي ف ملعبي هههه العنصريه اولهم لازم فعلا تنعدم العلاقات الشخصيه يعني انا دلوقتي هعمل مسابقه عشان اكسب حد معين بقي ومش مشكله الباقي يتعب ع مفيش.. وانا بقي دي حبيبتي فا هكرمها فاهمه انتي الكلام دا سهوره او مثلا بينك وبين حد خلاف.. يبقي دوسي عليه.. لا كل دا مينفعش كمان نقاشات مورشو اللي بتقلب الوضع ههههههه بهزر طبعاً 5/ لو جتلك فرصه تقعدي مع كل واحد فيهم 5 دقايق هتقولي ايه ؟ سعد المجرد تستاهل كم قفا لا القفيان شويه عليك هيثم علي ( صاحب المنتدى ) Come back haytham كاظم الساهر سيبيني بئا دا حبيبي دا هعمله كدا. دكاتره الكليه عندك _ اللي دايما مزوغين من الماضرات _ هههههه هقولهم يلا ياكليه ياللي مفيكيش دكاتشره وهقول لدكتور خليفه اللي مصمم ميدخلش تاني ينصر دينك يا استاذ نفيييسااا (بصوت عادل امام) واقول لدكتور سيد تعا يلا احضر المحاضراااا اي هاا هيي اه ياوله (بصوت علي ربيع) 6/ امتى بتحسي ان المنتدى مكان خنيق ومش عايزة تكوني فيه ؟؟ دايماً.. بس انا بتواجد عنداً لشعوري دا كلمه اخيره تحبي تقوليها كنت مبسوطه اوي معاكي حبيبتي:* شكرا ي هاجر قبولك الدعوة يارب تكون الاسئله خفيفه ومش رخمه انتي جميله يارب تكون الحلقه عجبتكم استنوني في حلقه جديده وضيف جديد سهــــــــــر

[*فجر الاسلام*]

انادايما بقفل المواضيع الطويله مابحبش اقراها
بس دى حياة الروح حوار جميل اوى
بغض النظر على اللى حصلها فى مصر هههه
لما ترجعى الحرم. خدينى معاكى نفسى وربنا
تسلمى سهر على الحلقه الحلوه
تحياتى

[morshooo]

ياختى مش عاجبك مصر سبيها
هههههههههههههه
على الاقل هتوفرى اكلك لحد تانى

بقا مش عاجبك مواضيعى الى بتقلب المنتدى
خلاص اوعدك كل يوم انزل موضوع منهم
هههههههههه
بس ماتقلقيش المنتدى مش مستاهل حاجا اصلا
هو جاب الاخر .
نورتى التوبيك

وسهر مجهود جميل
وتوبيك جميل
بالتوفيق

[سهـــر]

فجر
منوره ^^

مورشو
وانت الصادق توفر السكر بتاعها -_-
منور ي خويا

[حـيـــــآة ❤]

اقتباس المشاركة الأصلية كتبت بواسطة fagr alislam انادايما بقفل المواضيع الطويله مابحبش اقراها بس دى حياة الروح حوار جميل اوى بغض النظر على اللى حصلها فى مصر هههه لما ترجعى الحرم. خدينى معاكى نفسى وربنا تسلمى سهر على الحلقه الحلوه تحياتى

تسلمي ياقلب حياة انتي:*
منوره اكيد

[حـيـــــآة ❤]

اقتباس المشاركة الأصلية كتبت بواسطة morshooo ياختى مش عاجبك مصر سبيها هههههههههههههه على الاقل هتوفرى اكلك لحد تانى بقا مش عاجبك مواضيعى الى بتقلب المنتدى خلاص اوعدك كل يوم انزل موضوع منهم هههههههههه بس ماتقلقيش المنتدى مش مستاهل حاجا اصلا هو جاب الاخر . نورتى التوبيك وسهر مجهود جميل وتوبيك جميل بالتوفيق

ايه ياعم اكلك دي
هو انا بستهلك اوي كدا
مش منور

[حـيـــــآة ❤]

اقتباس المشاركة الأصلية كتبت بواسطة سهـــر فجر منوره ^^ مورشو وانت الصادق توفر السكر بتاعها -_- منور ي خويا

هههه اولا اتبسطت معاكِ
تانيا مالكم عليا

[سهـــر]

هههههههههههههه
انا معاكي والله
وعايزة اسيبها انا كمان

[شاعرة الرومانسيه]

تسلم ايديكى ياقمر

[ايمان طلعت]

حلوة الحلقه مع حياه وخفيفه الدم
بس هاجر انتي لسه صغيرة عالنكد دة ولسه مشوفتيش السوااااااد علي حق ههههه
ربنا يكرمك بقي
مشكورة سهر للحلقه الجميله دي
تحياتي