وقع الدولار ف المصيدة

[د/ عبد الله]

وقع الدولار ف المصيدة
هاتوا حبل وكتّفـوا
لأجل الغلابة يقدروا
ياكلوا منه ويغرفوا
بيعوا يلا رخيص رخيص
والحقوه بالتذكرة
ده الجنية بكرة عريس
والدولار بقى مسخرة

هما بس يدوب يوميـن
كل السعادة هتترسـم
أصل الزعيم حمّر عنيـه
وادّى الأوامر للحشـم

عدّوا اليومين
والزكايب نايمة ف بيوت الاكابر
شيلوا يلا وحمّلوا
شيلوا بالسعر اللي صادر
ولا تندموا ولا تسألوا

أصل الحكاية مهيش خيال
ولا سحر هو وشعوذة
ما الحال يا بيه نفس الحال
ايه الجديد ف الأستذة

اللعبة لعبة ناس كبار
واحنا اللي تايهين المصير
وأما تقدر ع الدولار
ابقى اشتريلي معاك كتير.

[حـيـــــآة ❤]

والله انت الصادق الجنيه والدولار والدنيا كلها بقت مسخره

ونهاية العالم دي..

ربنا يصلح حال الدنيا او يخرجنا منها علي خير

تسلم ايدك يادكتونا

[ŅĢM]

حلوه الكلمات
بس ع فكرا هوا الدولار نزل فعلا وكل حاجة
ولسا هينزل كمان بس مش متوفر أصلا
جرب كدا وحاول تشترى مش هتلاقيه اصلا
أما بالنسبه للسلع الدهب نزل والحديد نزل
وكل حاجة بس ال منهم لله التجار مش عاوزين يبيعوا
ع أمل ان الدولار هيرفع تانى

[د/ عبد الله]

اقتباس المشاركة الأصلية كتبت بواسطة حيــــــاة ❤ والله انت الصادق الجنيه والدولار والدنيا كلها بقت مسخره ونهاية العالم دي.. ربنا يصلح حال الدنيا او يخرجنا منها علي خير تسلم ايدك يادكتونا

والله يا هاجر احنا اللي بقينا مسخرة العالم
والله أعلم باللي جاي
ربنا يصلح الأحوال
تسلمي لمرورك الجميل دايما
تحياتي ليكي

[د/ عبد الله]

اقتباس المشاركة الأصلية كتبت بواسطة ŅĢm حلوه الكلمات بس ع فكرا هوا الدولار نزل فعلا وكل حاجة ولسا هينزل كمان بس مش متوفر أصلا جرب كدا وحاول تشترى مش هتلاقيه اصلا أما بالنسبه للسلع الدهب نزل والحديد نزل وكل حاجة بس ال منهم لله التجار مش عاوزين يبيعوا ع أمل ان الدولار هيرفع تانى

طيب ايه سبب النزول الرهيب ده في كام ساعة؟
مفيش حاجة جدت علينا
دي لعبة مترتبة + الغاء استيراد بعض السلع اللي لازم هنرجع نستوردها تاني بعد ما المخزون منها يخلص
وساعتها كل حاجة هترجع زي الأول وأكتر كمان.

كلها كام يوم والدولار هيرجع 20 جنية
الدولار ينزل لما يكون متوفر ف البلد ودلوقتي معظم الناس باعت الدولارات اللي معاها للحيتان الكبار
والحيتان هيرجعوا يبيعوها بأغلى سعر بعد كام يوم.

[العاشق الذى لم يتب]

اه هو يدوب حمر عنيه
بقدرت قادرنزل الدولار
وفضل ينزل لحد ماوصل السما السابعة
عجبنى اوى كلام الاخ الفاضل ده

اقتباس حلوه الكلمات بس ع فكرا هوا الدولار نزل فعلا وكل حاجة ولسا هينزل كمان بس مش متوفر أصلا جرب كدا وحاول تشترى مش هتلاقيه اصلا أما بالنسبه للسلع الدهب نزل والحديد نزل وكل حاجة بس ال منهم لله التجار مش عاوزين يبيعوا ع أمل ان الدولار هيرفع تانى

كلامه بجد يفتح النفس

[ŅĢM]

يعنى اكدب عليك طاااا

مش بقولك حاجة انا متأكد منها عامتا ى اوساذ

قدر محصلش وانى مش قولت حاجة

[ahmed 22]

الدولة مش قادرة تكاشف الناس
فبتطبق بيت الشعر اللي بيقول

(بيبعولك الأمل في الاعلانات )

بس اضطراريا
دلوقتي كل أمل الدولة انها تلبي مطالب صندوق النقد الدولي
عشان تاخد القرض ابو 12 مليار دولار

فهي لازم تعمل رأي عام ايجابي للناس عن طريق الاعلام
وتبين للمجتمع الدولي ان احنا قادرين
ودي استراتيجية لازم نتحمل عواقبها
فقامت عامل قام قرار اقتصادي قيد التنفيذ من يومين
ووقفت الاستيراد لكام سلعة بالاتفاق مع التجار
وبرضه الناس ناسية ان موسم الشتاء اساسا جيه
فبالتالي في منتجات صيفية زي العصاير
وغيره بيقل الطلب عليها في السوق كبند من البنود
وبالتالي الاستيراد بيقل لعدد من المنتجات
وبالتالي الدولار بيتوفر ... فسعره بيقل شفويا
فبيعمل نفس للدولة في الخارج وبيطبق بعض المعايير المطلوبة
في وقت اصلا الناس متوقفة عن الاستيراد .. وممكن بعض شركات الصرافة
ماترضاش تصرف بالأسعار الموجودة حاليا
عشان الدولار يعملوله أرضية قبل ما يتعوم
والبنك المركزي يقوم شايل ايده
فسعره الرسمي بدل ما كان 8 في البنك يوصل 12
والسوق السودا يستقر علي 15.. لمدة كام شهر
وبعد كدا لما حركة البيع والشرا تنشط تاني
في ظرف 6 شهور في الصيف او رمضان الجاي يوصل 20 و 25
بعد ما نكون اخدنا القرض واتنعمنا بيه شوية

لأن اساسا معني ان الجنيه يتعوم ده معناه انك لازم تكون دولة مصدرة
عشان السعر بتاعه يقل او يستفر ... انما طول ما احنا دولة مستوردة
وبنستورد فوق ال 60 ولا 70 في المية من احتياجتنا من بره
هنخلينا دايما في ازمة في الدولار
مع الأخذ بالحسبان الزيادة التدريجية في السكان كل سنة
...
اللهم الا يمكن الدولة عندها استراتيجية طويلة الأمد
وده اللي مش هنقدر نحكم عليه دلوقتي
يعني اكيد مش اغبياء اوي كدا

ربما التعويم خطوة جريئة ومطلوبة علي الرغم من كل مساوئها
بس المشكلة في التعويم أن احنا هنكون تحت رحمة المضاربين والتجار
ومافيش ثقة في الجهة الرقابية اللي بتطلع عليهم
مجازفة كبيرة هنشوف هتوصل لايه

والناس اللي مستنية الاسعار تنزل ...
لازم تاخد بالها أن اصلا الاسعار زادت
لما الدولار وصل 10 و12 جنيه ووصل سعره في البنك 8 وكسر
فمش معني أن نزل من 18 ل 15 ولا حاجة
يبقي انجاز ...
لما ينزل عن 8 جنيه وده مستحيل يعني
ابقوا انتظروا ان الاسعار تنزل
غير كدا فلازم نتمني أنها ماتزيدش عن كدا


ماحدش يقدر يتنبأ باللي جاي
ان شاء الله يكون خير

[ŅĢM]

زعلان يسطا اهو رفع تانى من ساعه بالظبط لحد 11

مبسوط كدا اعمنا

عشان متقولش بس انى بجيب معلومات اى كلام

[fanaa]

فعلا زى ماقولت مترتبه
تسلم ايدك ع الكلام