أسوار الكتمـــان

[*فجر الاسلام*]

السلام عليكم ورحمة الله وبركاته

كل ما اجى احكى الكلام يتحشر فى الزور
انا بس جوايا يبكى والكتمان يقول عليا الدور

ع اساس ان اتاخد منك بطل طمع وغرور
وسبنى مره ابعد عنك يمكن بعدك الاقى سرورو

ماسمحليش وقالى ارجعى واياك اشوفك بره السور
من امتا وانتى بتطلعى ولا حد غيرى ليكى بيزور

رجعنى وسابنى عليها ارض صحرا ارض بور
الكلام مابيتلعش فيها ووهمنى ان ده النور

وهى ضلمه ومخيفه اسوارها حاجه كده زى القبور
واتقفل خلاص ابوابها وقالوا احنا عبد المامور

انا اللى ليهم اتزليت وبقيت ماليش حضور
وعلى الكل انا خبيت ومحدش غيرى المضرور

يقولوا ليه الغموض طلعى حتى على السطور
مايعرفوش انه مفروض وانى زى الابواب عبد المامور

فجـــر
الخميس 3 صفر 1438

[حـيـــــآة ❤]

طب ماتحكي

كلمات جميله زي حضورك غاليتي

تسلم ايدك

[*فجر الاسلام*]

اقتباس المشاركة الأصلية كتبت بواسطة حيــــــاة ❤ طب ماتحكي كلمات جميله زي حضورك غاليتي تسلم ايدك

:d:d:d
ليكى ودان
انا مالييش لسان هههه
انتى الاجمل حبيبتى تسلميلى يارب يخليكى

[واد حبيب]

بلاش كتمان واتكلمي
كلمات جميله منك

[حـيـــــآة ❤]

اقتباس المشاركة الأصلية كتبت بواسطة fagr alislam :d:d:d ليكى ودان انا مالييش لسان هههه انتى الاجمل حبيبتى تسلميلى يارب يخليكى

هههه هرميكي من سور العاميه

[*فجر الاسلام*]

اقتباس المشاركة الأصلية كتبت بواسطة واد حبيب بلاش كتمان واتكلمي كلمات جميله منك

ما انا كاتبه ده شئ مفروض
مرورك اجمل اشكرك

[*فجر الاسلام*]

اقتباس المشاركة الأصلية كتبت بواسطة حيــــــاة ❤ هههه هرميكي من سور العاميه

مش هتقدرى واتعلمى بقى

[د/ عبد الله]

كل واحد بيبقى جواه حاجات محتفظ بيها لنفسه
لكن أغلب حياتنا بنحكيها مع بعض
والمهم ان السور ميفضلش يعلى لحد ما يحجزنا عن أقرب الناس لينا
تمنياتي ليكي بكل الخير فجر
تحياتي

[ايمان طلعت]

سور الكتمان محاوط كل واحد فينا
واحنا اللي بنعليه بايدينا
اتكلمي وخرجي اللي جواكي
بس احذري مش اي حد بيداوي

[fanaa]

اغلب الا وقات الكتمان بيكون افضل واحسن
كلمات جميله ياقمرى