لجوء(ق.س.ك)

[ahmed 22]

اقتباس المشاركة الأصلية كتبت بواسطة *:•. إيمان طلعت.•:* في كل مرة تزداد عمق استمر

ان شاء الله بيكون القادم افضل
شكرا لدعمك وتشجيعك
كل التقدير ..

[ahmed 22]

اقتباس المشاركة الأصلية كتبت بواسطة αЛαstooorα رائعه ومتابع آن شاء الله

هنسعد بمتابعتك اكيد
كل التقدير ..

[ahmed 22]

اقتباس المشاركة الأصلية كتبت بواسطة أميرة محمود أين الـ لجوء في هذا؟ إن كان يعتبر أبنائه كـ أوراقه فلعله يعتبر تربية الأبناء السليمة هى أهم إنجازات الأب التى تفوق الأوراق والشهادات ويبدو لى أنه معنى سليم وليس ساتر لــ يلجأ إليه إلا إن كان المعني أنه لم يحقق أى إنجاز سوي أنه أنجب أبناء دون أن يحسن تربيتهم حتى فربما يلجأ لعدهم ليخفي فشله في باقي أمور الحياة

طب ما تجربي تاخد القصة من مفهومها البسيط
لقضية اللاجئين عموما اللي بيهربوا من دولهم عشان الحروب
لدولة اوروبية وغيرها ..

واقريها مرة تانية .. يمكن تتضح الصورة اكتر ..

[أميرة محمود]

أصل لو جربنا
الــ لجوء
من منطلق هذا المعني
الخلل هيكون في نسيج القصة
لأن وقتها الأوراق المقصودة
هتكون الباسبور والتأشيرة
وهتطلبها الدولة الأوروبية
هتكون الخاتمة ملهاش علاقة بالقصة
أيه علاقة أنه يحصر لها عدد أبنائه
هل فكرة استعطاف ؟؟

ليه متكونش الخاتمة انه
فأشار على موقع بلاده

يعني ..
طالبته بأوراقه فأشار على موقع بلاده
وكدا القصة انتهت نهاية سليمة موافقة لعنوان الــ لجوء
لأنه أصبح لاجيء لأسباب منطقية وهي الحرب
لكن فكرة عدد أبنائه في حد ذاتها لا تجعله لاجيء

معلش مجرد رأي
حاسه هتطردنى من الموضوع ههههه
بس لما حاجة بتعجبني بتشغل دماغي

[ahmed 22]

لاء بالعكس ههههههه
ده اللي بتمناه دايما هي النوعية دي من الردود
وكلامك جميل فيه وجهة نظر تحترم ..

ولكن
القصة علي فكرة أعمق مما تبدو عليه ..
والناس بتشوف خمس او ست كلمات في القصة بتتخيل أنه حوار بسيط ..
وغالبا مش بتشوف ما وراء السطور وما وراء كل فعل وحرف وكلمة
اللي علي اساسهم بيتبني النوع ده من القصص ..
والمفروض تداعب عقول الناس ويدلوا برأيهم فيها زيك كدا ولو اختلفنا ..
والتمعن فيها المفروض بيطلق خيال القارئ للتفكير
في ابعاد غير اللي شايفها بعينه.. من خلال رؤية كاتبها واسلوبه ..
وخلينا متفقين أن كل كلمة في النوع ده بيكون ليه اهمية ومعني فوق المعني ..

وجميل أنه أنتي طرحتي كلامك عشان اوضح المقصود ..
اللجوء كفكرة عموما ترتبط بالخوف ومن ثم الهروب طلبا للحماية

والمقصود هنا ان القصة تتحدث عن وطن بكامله بصورة مجازية
وليس شخصا بعينه ..
والوطن كيانه أشخاص يعيشون فداءا له ويموتون دفاعا عنه وليس اقتتالا فيما بينهم ..

القصة كالتالي
هناك وطن بكامله خائف .. فلما سألوه عن أوراقه عند هروبه ..
فحصر لهم من مات من ابناؤه
طالبا اللجوء لكي يحتمي من المتبقي منهم ..
وفي الآخر بيظهر لينا مدي حالة اليأس والشقاء اللي بيعيشها أي وطن يؤثر ابناؤه في حقه .

والفكرة كلها في الفعل ( حصر ) لأنه لو كان شخص كان بطبيعة الحال هما قدامه هيعدهم ليه ولا هيستعطف بأي اساس زي ما قلتي ..
بس هو بيكلم بصفة الغائب عن وطن جريح يحاول الهرب من ابناؤه لجحودهم ..

– والعنوان ( لجوء ) اللي زي ما قلت كمصطلح ليه ارتباط ب3 مصطلحات كل واحد فيهم نتيجة للي قبله ..
الخوف , الهروب , حماية .. واللي من خلالهم بيتكون الشكل الحقيقي لمضمون القصة والعنوان المعبر الاساسي عنها ..