بيقولو عليا ...شاااعر ؛؛

[همس الكناريا]

بيقولو عليا .... شاااعر ؛؛ عمرك قصيَر عمرك قصيَر مش طويل يااادى القلم علشان وجودك والكلام زى العدم و تمللى ترسم ع السطور الشمس وعروسة البحور و عملت شاعر بالألم و ملكش لازمه ف أى دور بلا منظرة وكدب و غرور وفَر حروفك وأطوى كراسك فصَل لنفسك توب على مقاسك واتعلم الإحساس م الناس و قول طيب ركَز على الموضوع و الفكرة من راسك علم على الأيام تلاقينا حرَاسك خلَيك كما البركان صادق فى إحساسك مهمان تغيب الدنيا هتذكرك بالخير وحب الغير و إخلاصك وكأن روح القلم متعلَقه ف ايدك وكأنى حرف انكتب على آ’ه فى تنهيدك / أل ايه بيقولو عليا شاعر وانا ال ما رصيت القوافي وﻻ رحت عكاظ وزاحمت بكتافي وﻻ رسمت الحروف صور وقلت كلام داااافي وﻻ قلت فلوعة العاشق من حبيب جاافي ولا غنيت عن الغربة وحرقة المنااافي أنا ال سبتلكم نصهاا ورضيت بال حوااافي / أنا في وسطكم يا شعراااا كما الحااافي قالو الشعر بحور حروف تشع النور تبني بيوت وقصورر تبقا ما بينا جسوور لازمت أنا شطكم وجمعت اصدااافي وقلت أقول زيكم أمشي علا خطاكم أحلم يا ناس حلمكم يمكن أصير منكم واحقق أهدااافي / وأزي دا راح يتحقق ومين ياناس هيصدق ماديي الجدار متشقق والبنااا كان بيشلفق فطبيعي كان ينهار معدش فيه أسرار ماتت بقا الأعذار منعول أبو داا حوااار رايحين تعملو ف سنااار والخلفة مهي باينه مالعقد كان باطل مديون وبيماطل و الأب كان خاين والأم مش صاينة نزل الجنين ممسووخ وحيطه مليهاا شرووخ والحق بقا مطخووخ الله يجزييك يا نفووخ يلي بتفكرر / أأأه يا رايق بقا معكر وبباب ومتسكررر خسيس بيتشكرر وأصيل بيتهكررر وكل ده تخاريف زي سحابة صيف عقلي باااينه خفيف زهيمر وجاي عنييف أدعولي بالتخفيف أل إيه بيقولو عليا ...شاااعر :::::::::::::::::::::::::::: : همس الكناريا

[ايمان طلعت]

الشاعر مش بالحروف والقوافي
الشعر احساس صادق
مهما كانت الحروف مشقوقه
كلمات جميله منك همس
تحياتي

[شاعر الحب الحزين]

بيقولوا عليا شاعر

وانا كل اللي جوايا حبة مشاعر

مرة تفرح مرة تبكي

مشاعري في طريق حياتي الواعر


التألق والإبداع حليفان لقلمك دوما همس

فكر متجدد وأحاسيس فياضة والفكرة واصلة

مبدعة دوما همس وليس بجديد عليكي

دام ضياء الحضور القيم

كل الشكر والتقدير

[حنان الروح]

بحق وبدون مجامله همس
انك بحر كبير ملئ بالابداع
والإبداع صفه اساسيه من صفاتك
دائما اجد الجمال بين سطورك
دمتي بكل هذا الرقي والابداع
ودام قلمك شامخ وجميل
تقديري واحترامي لك ولقلمك

[فصيح]

دا أنتي أميرة الشعراء همس
إنما الحالة يملاءها الشجون
ومعبرة جدا ، سلم الله قلبك من كل هم
تحياتي لقلمك الهمام