فى ضيافة اعضاء زمان(m@hmoud)

[دمعه حائره]

أهلا وسهلا أعضاءمنتدى بنات مصر الغاليين ويتجدد اللقاء مع عضو من اعضاء زمان ومعانا النهاردة عضو اثر بشكل كبير فى تميز الاقسام الرياضية تواجده كان هادى ومميز وتعامله بكل احترام مع الجميع رحبوا معايا بكابتن محمود الزملكاوى M@HMOUD مشرف الاقسام الرياضية سابقا أهلا بيك فى برنامج فى ضيافه اعضاء زمان هاسمح لنفسي اكون ضيفتك ولو لدقايق اعرف فيها منك بعض الذكريات عن تواجدك فى المنتدى من اول ماسجلت بس الاول لازم تعزمنى على حاجه اشربها ده انا ضيفتك فى منتداك اهلا وسهلا اكيد منوره الدنيا العزومه ع كوكتيل الف هنا وشفا الله يهنيك شكرا محمود طبعا مش محتاج نتعرف عليك لكن عشان الاعضاء الجداد يتعرفوا ممكن بعض المعلومات الشخصيه عنك زى الاسم والبلد ومحل الاقامة والوظيفه ؟ محمود من الجيزه انت مسجل فى المنتدى من سنة كام؟ من 2009 فاكر اول قسم شاركت فيه واول موضوع؟ كانت حاجه ملخطبه فى قسم الخواطر اكتر هوايات بتشارك بيها هنا؟ الكوره واليوتيوب اكتر موضوع ليك بتحبه وفخور انك كتبته؟ معتقدتش انها توصل للفخر بس اي حاجه نزلتها وحد استفاد منها او خد منها معلومه دى اللى ببقي سعيد انى نزلتها ومضعيتش وقت ف نزولها تفتكر اعضاء مين من ايام زمان كانوا معاك ؟ كان ف ناس كتير موجوده زمان ومبقتش تدخل فى ناس منعرفش عنها حاجه وف ناس فى بنا تواصل ع الفيس ولسه فيه منهم مكملين؟ فى منهم مكلمين بس دول قليلين المنتدى تقريبا منوا دلوقتى 90 % جداد فاكر شكل الاستايل كان ازاى ودلوقت احسن ولازمان؟ كل وقت وليه زوقه وكل حاجه فى تطور اكيد الشكل القديم وقتها كان اجدد حاجه ودلوقتى بسم الله ما شاء الله جميل وكل فتره هيحلو ايه الاقسام اللى كانت موجوده واختفت؟ وايه الجديد؟ اللى فاكروه ان كان فى قسم للاغانى واتشال وكان ف قسم مصر بينا احلى واتشال اكتر قسم كنت بتحب تشارك فيه؟ فى الاقسام الرياضيه والترفهيه والتصميم ايه اكتر مسابقه او فاعليات كان بتجمع الاعضاء؟ اي مسابقه تفاعليه او مسابقه بتعتمد ع التنافس كانت بتجمع الاعضاء وكان مقربه الناس من بعض وعامله روح للمنتدى فيه فترات غيبت عن المنتدى كانت مدتها قد ايه؟ احيانا للظروف واحيانا رغبه منى ف عدم التواجد ايه بيخليك تتمسك بوجودك فى المنتدى وترجع للمنتدى تانى؟ بدخل اشوف ايه الجديد وايه اللى اتغير قدمت دعوات لمعارفك يسجلوا فى المنتدى؟ اكيد قدمت ف ناس لسه موجوده وفى ناس مبقتش تدخل ايه الاقسام اللى كنت مشرف عليها؟ الرياضيه لو طلبت منك تقدم اى فكره لتنشيط الاقسام هاتكون ايه؟ انا شايف ان المنتدى دلوقتى نشيط بس عمتنا المسابقات هى اللى بتنشط الاقسام وخصوصا التفاعلية هاطلب منك اسم عضو او اتنين مفتقدهم تبعتلهم دعوة يرجعوا تانى للمنتدى ونعيد معاهم الذكريات فى اعضاء كتير مبقاش موجودين ومعتقدتش انهم هيرجعوا علشان اختفوا نصيحة تقدمها لكل عضو فى المنتدى وخصوصا الجداد استمع بوقتك وحاول تفيد وتستفيد متخلينش المنتدى وسيله للتعارف او المرح وبس خليك بقدر الامكان تجمع معلومات وتزيد من ثقافتك وفكرك واكيد هتتسبط وسط اخواتك بشكرك على قبول الدعوة وعلى وجودك الدائم فى المنتدى ومنتحرمش من تواجدك المميز انا اللى بشكرك وبتمنى ليكى التوفيق دايما لانك من الناس اللى ليها بصمه واضحه ف المنتدى شكرا يامحمود وهنا تنتهى الحلقه مع كابتن محمود بشكرك على تواجدك وبقدملك شهادة شكر وتقدير على وفائك للمنتدى شكرا ليكم على المتابعه

[العاشق الذى لم يتب]

مرحبا بحوده
وحشنى كتير
ومنورالمنتدى
بلاش غياب كتير
منة
وجميل حوار
فى روعة برنامج
تسلم ايدك
ومساء الانوار

[ايمان طلعت]

استضافه حلوة مع محمود
ربنا يديم تواجدة
برنامج رائع بجد
يدوم النشاط منه
تحياتي

[شاعرة الرومانسيه]

استضافه رائعه لشخصيه اروع

تسلمى منه حبيبتى

ويدوم نشاطك ياقمر

[همس الكناريا]

منور محمود الاستضافة
دام حضورك
تسلمي حبيبتي ع الحلقة
مودتي

همس الكناريا

[Eng Esraa]

محمود .. اخويا بقا
منور اكيد
تسلمي حبيبتي ع الحلقة
موفقين

[حـيـــــآة ❤]

شايف انه المنتدي نشيط دلوقتي ازاي بقي

منور اخي الكريم ودايما تتواجد معنا بقي

تسلمي منه ع الاستضافات والبرامج الحلوه دي

في حفظ الله

[Just Ahuman]

مع إني مش متفق معاك فى نقطة إن المنتدي نشيط دي بس ماشي نمشيها نشيط
منور يا محمود وإن شاء الله ترجع تنور مكانك تاني

[عاشقه الورد]

برنامج رائع تسلموا

[محمود الصاروخ]

راجل زملكاوي جدع
منور يابوالصحاب