مين اللي فرّط ف الحلق؟؟

[د/ عبد الله]

حبة قلق..!!
ريحة عرق..!!
جري الوحوش
وسط الملأ..!!
غلّوا السولار
رفعوا الدولار
والمم من ايدنا اتسرق..!!

هيساوي ايه اللي جرى
جنب اللي كان واللي سبق!!!

أنا دمي فيكي اللي اتحرق
وشوفت أوسخ ما اتخلق
شوفت الحياة متبعترة
عزّوا عليها المقبرة
والجاني بيذيع النبأ

حبة قلق..!!

شوفت السجون متكلفة
شوفت الايدين متكتفة
العدل فوق الأرصفة
والحق وسطينا اتشنق

حبة قلق..!!

شوفتوا الهوان ؟
مين السبب.؟
يادي العجب
مين اللي فرّط ف الحلق؟؟

حبة قلق..!!

[حـيـــــآة ❤]

رائعه منك دكتورنا

جسدت الحقيقه علي لساننا جميعا

تسلم ايدك يادكتور
دمت في حفظ الله

[شاعر الحب الحزين]

أجمل من الجمال إحساسك وكلماتك دكتورنا الغالي

قوية ومعبرة جدا كلماتك يستشعرها الكثيرون ويفهمونها

دمت بكل الألق والجمال دكتور عبدالله

كل الشكر والتقدير

[حنان الروح]

يسلموو يديك اخي
كلمات اكتر من رائعه
كتبت فابدعت
دمت ودام قلمك الراقي

[السفيره عزيزه]

حبة قلق
اي وربي ال خلق

ساعة شروق ولا
شفق

الحلم من بكره
اتسرق

الصوت فى حناجرنا
اتخنق

السهم لصدرنا
سبق

والقلب فى ضلعنا
اتحرق

على السجين والدَّفن
والعاش والغرق

ليه الواد ابو ضحكة
حلوة يتشنق

ليه فيك لازم
الحبايب تفترق

طريقك مش دغري
ليه يا بلد .

ليه فيك كل عرف
اتخرق

والرعد فى سماك
زمجر وبرق

وخدعنا نوره
وبانت شروره
نشف زرعنا
و حرق

يا رب الخلايق
الظلم سايق
لابس وعايق
وبوق الغدر نعق


تكلنا يا رب عليك
ومنك احنا واليك
يارب فرج قريب
ييجي كده فى
اول نبأ

تسلم الروح العفيه
ويسلم قلم يكتب بالقوة ديه
اصل لازم ان شاء الله
وحق عليك وكمان عليه
نغير حتى بالقلم البلد ديه

احترامي

[فصيح]

الله عليك يا د. عبدالله
وعندك حق وكل الحق في كلماتك
معبرة ، مؤثرة
تحية للإحساس الصادق
وكل التقدير لك حببنا

[د/ عبد الله]

اقتباس المشاركة الأصلية كتبت بواسطة حيــــــاة ❤ رائعه منك دكتورنا جسدت الحقيقه علي لساننا جميعا تسلم ايدك يادكتور دمت في حفظ الله

للأسف الحقيقة مرة يا هاجر
تسلمي لوجودك المميز
تحياتي ليكي

[د/ عبد الله]

اقتباس المشاركة الأصلية كتبت بواسطة شاعر الحب الحزين أجمل من الجمال إحساسك وكلماتك دكتورنا الغالي قوية ومعبرة جدا كلماتك يستشعرها الكثيرون ويفهمونها دمت بكل الألق والجمال دكتور عبدالله كل الشكر والتقدير

تسلم يا خالد لكلامك الجميل وذوقك العالي
كل التحية ليك

[د/ عبد الله]

اقتباس المشاركة الأصلية كتبت بواسطة حنان الروح يسلموو يديك اخي كلمات اكتر من رائعه كتبت فابدعت دمت ودام قلمك الراقي

تسلمي أختي الكريمة لوجودك الجميل
تحياتي ليكي