اسره المنتدى على الهواء(الحلقه الاولى)

[طارق طروق]

سيداتى ســادتى مخــداتى لحــافاتى
معكم على الهواء مباشره المذيع الفز
المذيع الفلته المدهول على عينه
طارق حبهان ومستكه من قناه اهرشلى فى كوعى قبل ما تنزل دموعى
النهارده يا احبابى الحلوين والحلوات هحاول احل مشاكل اسره
منتدى بنات مصر وربنا يجعله عامر بحسكم قولوا امين
ومعنا الان اول اتصال الو الو
ايوه يا استاذ طارق معاك احمد الماجيك من باريس محافظه القليوبيه
اهلا وسهلا يا استاذ احمد اتفضل واعرض مشكلتك
الماجيك: انا مشكلتى كبيره اوى يا استاذ طارق وعايزك تساعدنى
المذيع طارق: اتفضل يا استاذ احمد انت على الهواء مباشره
بس خد بالك ليجيك برد
الماجيك: ها ها ها دمك خفيف يا منيل على عينك
مشكلتى انى صحيت الصبح
المذيع طارق: اول مره اسمع عن حد بيصحى الصبح كمل كمل معاك
الماجيك: انا مشكلتى انى لما صحيت الصبح وجيت احلق دقنى
ملقتش ولا ماكينه الحلاقه ولا معجون الحلاقه ولا فرشه الحلاقه
وشاكك ان حد فى البيت يكون سرقهم وخباهم
المذيع طارق:هى دى مشكلتك الكبيره؟ ربنا يصبرنى طيب هبعتلك غيرهم
ولا تزعل نفسك شرفت يا غالى
وناخد الاتصال التانى ونقول الو الو
ايوه يا استاذ طارق معاك رعد بجد مش مصدق نفسى
انا بكلمك على الهواء وربنا يخليك لينا
المذيع طارق: متشكر متشكر قولى مشكلتك ايه اتفضل
رعد: مشكلتى انى لما باجى اكل اكلى بيكون بسيط جدا
زى ما تقول كدا بيبقى نفسى مسدوده واكلى بيكون قليل جدا جدا
المذيع طارق: ولا يهمك كل مشكله وليها حل بس عايزك تقولى بتفطر وتتغدا وتتعشى ايه؟
رعد: ابدا فى الفطار بفطر 30 بيضه مسلوقه و20 بيضه مقليه و10 بيضات اومليت
وربع كيلو جبنه شيدر وربع كيلو جبنه براميلى وطبق كبير بلاستيك مليان فول وبرطمان مربى
وربع كيلو زيتون مخلى يعنى مفهوش بذر وطبق كبير اوى فيه عسل نحل بالقشطه
وحوالى بقى 20 رغيف بلدى مش بقولك نفسى مسدوده
المذيع طارق:لا واضح واضح والغدا بقى؟
رعد: بتغدى تلات فراخ محمره وتلات فراخ مشمبره و3 فراخ مكعبره
ونص كيلو لحمه مشويه ونص كيلو لحمه مقليه ونص كيلوا لحمه مسلوقه
مع كام صابع كوفته وحله مكرونه بالدمعه وحله شوربه وحله ملوخيه
و10 ارغفه بلدى وطبق سلطه كبير اوى وطبق طحينه وطرشى
وفى العشا باكل
المذيع طارق: خلاص يا عم الحج متكملش دا انت ناقص تيجى تاكلنى وناخد اتصال الو الو
ايوه يا استاذ طارق معاك الاسطوره
اهلا وسهلا يا الاسطوره قولى مشكلتك ايه انت على الهواء بس حاول تقفل شباك وبلكونه اوضتك
عشان انت على الهوا والجو برد
الاسطوره: ها ها ها دمك خفيف يا مضروب
المذيع طارق: اتفضل يا رعد اعرض مشكلتك
الاسطوره: شكرا يا برنس
المذيع طارق: برنس دى شتيمه ولا كلمه كويسه؟
الاسطوره: مش عارف برنس يعنى ايه وشغال مذيع؟
المذيع طارق: اصل انا دبلون صنايع ومخدناش الكلمه دى فى المدرسه
الاسطوره: اولا اسمها دبلوم مش دبلون وبعدين ازاى انت مذيع ومعاك دبلون قاصدى دبلوم؟
المذيع طارق: انا اشتغلت مذيع بالدبلوم بالواسطه والمحسوبيه والكوسه عندك مانع؟
الاسطوره: لا عادى عادى مشكلتى بقى انى معايا دكتوراه من جامعه ام عباس سرقت الترباس بفرنسا
وحاليا شغال على توكتوك معايا يا استاذ طارق ولا نمت؟
المذيع طارق: لا معاك لسه صاحى منمتش كمل كمل
الاسطوره: لما اتخرجت بقى من الجامعه وخدت الدكتوراه الوليه ام السيد
المذيع طارق: لحظه لحظه مين الوليه ام السيد دى
الاسطوره: دى بتاعت الجرجير قالتلى نشترك انا وانت ونجيب توكتوك ده مشروع حلو اوى
معايا يا استاذ طارق ولا نمت
المذيع طارقك خ خ خ خ خ خ خ خ
الاسطوره؟ شكلك نمت وبتشخر انا سامعك بتشخر مذيعين اخر زمن

والى اللقاء مع الحلقات القادمه مع باقى اسره المنتدى
ومع السلامه بقى

[انجي_1]

انتو الاربعة اهبل من بعض يا صديقي
ربنا يكملك بعقلك يا بشمهمندس طارق
والناس الي كانو معاك على الهوا كمان ناس ظراف ربنا يكرمهم ويرجعو لعقلهم هم كمان
تسلم على الحلقة
والحمد لله اني مكلمتكش انا كمان

[Eng Esraa]

هههههههههه
انت مين فكرلك تشتغل اعلامي اصلا !
هههههههه .. جميلة دي
منتظرة الباقي بقا .. ^^

[αЛαstoOorα]

الاسطوره: لا عادى عادى مشكلتى بقى انى معايا دكتوراه من جامعه ام عباس سرقت الترباس بفرنسا
وحاليا شغال على توكتوك معايا يا استاذ طارق ولا نمت؟
/
ههههههههه
ملكش حل وربنا انت
وساكت علي نفسك وعلينا لينا اعم؟
حارمنا من الحلقات دي ليه\؟
انا كنت متخيل ان مفيش حد بيعرف يكتب حلقات فُكايه غيري
بس انت كدا عديت وصفي هههه
/
مثبتة بقة ..بعيد عن ام السيد ^^

[همس الكناريا]

لا مذيع مذيع يعني مفيش كلام
نايس خزعبلاية طارق
احترامي
همس الكناريا

[رعد السـماء]

هههههههههه
رعد اللي هو انا ؟؟؟

الله يسامحك ياشيخ
كل ده ونفسي مسدودة
ههههههههه

عسل والله يا طروووق

[طارق طروق]

بشكركم جميعا على تعليقاتكم الجميله والظريفه
ودوم ضحكتكم
نورتوا وشرفتوا

[ضـى القمر]

ههههههههههههه حلوة اوى
يلا منتظرين باقى الحلقات
بس ضيوفك دول والله مشاكلهم يا حرام صعبه اوى الله بعونهم هههههههه
تحياتى