الحلقه الاولى ( المغارة ) مع ( طبيب الهوى )

[morshooo]

بسم الله الرحمن الرحيم


مزاج الخير

زى ماكلنا عارفين ان ( سهر ) نزلت اعلان توبيك جديد بعنوان

( المغارة )



التوبيك فى السريع هو عبارة عن ( 6 اختيارات ) بنستضيف

عضو من المنتدى وبيشوف الاختيارات دى وبيستبعد اختيار واحد فقط

والاختيارات الخمسه الباقيين هنكلم معاه فيهم انا والعضوة ( سهر )

كمان من حق الضيف انه يستخدم ( كارت الاعتراض ) على اى سؤال

وساعتها هيكون ليه الحق انه مايجاوبش عليه

الحوار هيكون على مدار يومين او تلاته حسب تواجد الضيف

كمان فى فقرة ثانيه وهى ( مسابقه ) هتكون عبارة عن صور

افلام او مسلسلات ومطلوب من الضيف يعرف اسماء الصور دى

وكانت فى اعمال ايه .



ودلوقتى مع الاختيارات :

1 / المنتدى 2 / حياتى

3 / علاقاتك فى المنتدى 4 / مدونتى

5 / الاقسام الادبية 6 / اسئله متنوعه

ياترى الضيف هيختار يستبعد ايه

عشان نكلم معاه فى الباقى

ضيف الحلقه الاولى المتميز .

طبيب الهوى

تحياتى .

سهر

morshooo

[Sea Pearl]

عجبتنى الفكرة
فى انتظاار طبيب الهوى
متابعة معاكم

[Fatma eissa]

أحسنت بجد
لاختيار
الضيف لأول
في افتتاحية
البرنامج
وفي انتظار
طيب الهوي
فكره جميله جدا

[حـيـــــآة ❤]

جميله الفكره

واختيار موفق جدا في اول ضيف

عمي واستاذي الاول ابو عصام

متابعه باذن الله
تسلموا سهوره واحمد

[انجي_1]

بالتوفيق
مستنيين الضيف

[طبيب الهوى]

من أولها يا مورشو

تنزل التوبيك من غير ما تقولي

أنتَ اللي جبته لنفسك بئا

موافق علىَ جميع الأسئلة ولن أظهر كارت الاعتراض لك

خذ راحتك وأبدأ

في إنتظار أسئلتك أنت وأبنتي سهر

تحياتي وودي وورودي

أبو عصام

[morshooo]

يا كابير اختار حاجا مانسالكش فيها
خلينا نمشى حسب التوبيك
^_^

[طبيب الهوى]

ماشي يا مورشو

لا تسأل عن الأقسام الأدبية

أتفضل أسأل وأنا في إنتظارك

تحياتي وودي وورودي

أبو عصام

[morshooo]

تمام ياريس نبدء مع اول فقرة وهى
( حياتى )

السؤال الاول :

1 / بعد وفاة زوجتك الحياة بقت ازاى معاك ؟ وشايف ان فى حد ممكن يعوضك وجودها ؟

[طبيب الهوى]

تمام ياريس نبدء مع اول فقرة وهى
( حياتى )

السؤال الاول :

1 / بعد وفاة زوجتك الحياة بقت ازاى معاك ؟ وشايف ان فى حد ممكن يعوضك وجودها ؟


الحياة أصبحت عصام وريم وعملي

لا توجد إمرأة في هذا الكون تستطيع أن تعوضني فقد أم عصام

هل تستطيع وَصيفَة القيام بمهام مَليكَتِها؟

أم عصام في عيني مَلِكَة وَجميع النِساء لها وصيفات

رحمها الله وأسكنها فسيح جناته آمين