مش طبيعي

[a7med -3del]

مش اصول يعني بصراحة
انا اللي غارق في التناحة
يعني ايه
يعني ايه ا مسك ف حلمي
واقول طموحي
وفي ليل نهار اشتكي
وطالعانة روحي
مش اصول
مش اصول برضه البجاحة

يعني ايه اطلب بحقي
واقول قليل
روحت فين انا ولا جيت
مانا برضه عيل
هما اللي فاهمين كل حاجة
وانا... انا!!!!
حاضر خلاص هاتنيل

هما كانو علموني
عشان اقاوحهم واجادل
اعمل كاني قاضي مرة
واقول ده قاتل
مش كويس انهم خلوني افهم
ولا كانو سابوني جاهل

افهم ايه عن سعر عملة
ان كان جنيه او دولار
مش خبير انا ولا بفهم
عشان افتي فتوة واقول حصار
الجنيه اهو لسه عايم
مفيش حاجة اسمها بينهار
انا اللي خيبةو مش فاهم
انا اللي طلعت حمار

بس برضو مش طبيعي!

مش طبيعي اعيشها حالة
اسيب مصالحي وابقي عالة
واتسول كل اللي عايزه
واجيب هدومي من رسالة

ومش طبيعي ابقي ساكت
واقول كرامتي عشان دي ماتت
اموت في جلدي واقول تمام
وانا اللي بحر همومه سالت

مش طبيعي انا

[حـيـــــآة ❤]

كلمات صارخه معبره حقاً

تسلم اخي عبرت عن الحاله بطريقه جميله

ربنا يسهل ويصلح الحال يارب

تحياتي لاسلوبك

[.Lamar]

و ايه فى اللى بيحصل حوالينا طبيعى
ربى يحرمنا برحمته
كلمات تعبر عن واقع مرير

سلمت يمينك اخى
تحياتى

[همس الكناريا]

وايه الطبيعي في حياتنا كلها
رائعه جدا وصادقه وواقعيه
أحسنت شاعرنا الخلوق
احترامي

همس الكناريا

[طبيب الهوى]

ما هو ده الطبيعي

ولا انت طمعان تبئا قاضي

ولا بتحلم تكون رتبة تقاضي

دي سُعاد قالت بمبي ربيعي

مصر أصلها أوبرا عايدة

وشعبها لقمة عيشه جاحدة

نموت احنا وتحيا المتحدة

هو ده تطور الارهاب الطبيعي

هذيان قلمي المجنون

أخي أحمد

خاطرتك راقت لي كثيراً وأجبرت قلمي علىََ الهذيان

تقييمي البسيط + ***** 5

مع التثبيت + وسام التَمَيُز

تحياتي لفكرك الرقي وقلمك المُبدِع

أبو عصام

[حنان الروح]

حروفك كآنت مختلفه اخي
في احساسها الجميل ..
وطرحها الرائع ..
سلم قلمك وابداعك
لك تقديري واحترامي

[فصيح]

تسلم يا احمد ودا المنتظر من قلم حر
كل الشكر لك عزيزي
تحياتي

[أميرة محمود]

بالعكس أنت الــ طبيعي
وهم المختلون ذهنيا ونفسيا
كلمات واعية أعجبتنى
سلم العقل والقلم
ولكن التعبير هنا
عشان افتي فتوة واقول حصار
فتوى المقصودة هنا
بالألف اللينة تكتب ياء وتنطق ألف وليست التاء المربوطة
لأنها تعني كلمة أخري