حضـرتك كله تمــام ؛؛

[همس الكناريا]

*حضرتك كله تمام* لو في نفسك مره تسأل عن حياتنا باهتمام تلقي رد سريع و جاهز حضرتك كله تمام والحياه بقي لونها بمبي قول كده ، شط الغرام الضمير مظبوط وصاحبه عمره ما يقبل حرام والطُرق واسعة و مُريحه كله ماشي بالنظام خدها مني يابيه صريحة حضرتك كله تمام والبيوت زي القصور حتي لو كانت خيام واللي قالك فيه مشاكل يبقي ده عنده إنفصام دا الجنيه بيه كيلو لحمه أو فرخة وجوز حمام أما لو تسأل هقولك عن بلادنا و العلام تلقي كل شبابنا طالع م الأوائل كل عام وف بلادنا مفيش بطالة والشباب كله احترام الوظايف بالزكايب والحياه آخر انسجام فيها إيه لو رُحت مشفي لو سليم جالك زكام فيها إيه لو تقضي يومك ف المواصلات و الزحام فيها إيه لو عدّي عمرك يلا قول، حسن الختام واللى قالك فيه مشاكل يبقى .. بيعادى النظام واللى يحب الرقص قالك يا انت يا الموت الزؤام أصله فاكر نفسه صالح والفساد طافح .حرام والصلاح على إيدك أنت دى الحقيقة .. مش كلام بس قولى إزاى هتصلح وإنت داعم للحرام وإنت بتوالى الغرب واليهود .مفيش كلام حتى بتفضى ف سينا كله. إرهاب .. ياحرام فيها إيه لو عشت ساكت واتحبس فيك الكلام أما لو نفسك ف حاجة هتلاقيها ف المنام فيها إيه لو قُلت دايما حضرتك كله تمام ::::::::::::::::::::::::::: همس الكناريا

[طبيب الهوى]

ديننا الحنيف يا بتي مش بيحارب يهود او نصارىَ

لأن التوراة والأنجيل كُتب سماوية أنزلها الله

علىَ موسىَ وعيسىََ عليهم السلام

لكن ديننا يُحارب العنصرية

الصَهيونية والصَليبية

أعلم أنك لم تقصدين يا همس وأنكِ أخطأتِ التعبير

أما خاطرتك الرائعة راقت لي كثيراً

فكرة وسرد أجاد قلمك المُبدِع

تصويرها علىَ الورق مشاعر مصدومة مكبوتة

تقييمي البسيط + ***** 5

مع التثبيت

تحياتي لفكرك الراقي والقيم ولقلمك المُبدِع

أبو عصام

[a7med -3del]

خليها يهود بس المرادي
عجبتني وحسيت اني فيها من موضوعي
مش تشابه كلمات خالص لا سمح الله انتي الاصل
بس الفكرة
او موضوع مش طبيعي بيكمل هتا
انتي مبدعة اوي
الف تحية

[حنان الروح]

امر من صفحاتك واقف امامك صامتة.
من جمال ما أراه من عذب بوحك
وحسن ابداعك وصياغتك المتقنة
وبووح قلمك نثر ما قد يجول
في الأنفس دون استشعااار
لك مني كل التقدير والاحترام
على جمالية همسك الراقي
دمتي بكل هذا الجمال

[همس الكناريا]

تم التعديل أستاذي
شرفتني بمرورك العطر وحضورك المميز
دمت ودام تواجدك الراقي
احترامي لشخصك الكريم

همس الكناريا