الحلـقه الثـانيه و <<Fagr Alislam>>في متـاهـة الفضفضـةة

[حـيـــــآة ❤]

السلام عليكم ورحمة الله وبركاته اتمني تكونوا جميعا بخير النهارده معايا ف المتاهه ضيفه بحبها اوي وكلنا بنحبها واثبتت وجودها خلال فتره مش كبيره معانا ومعاكم Fagr Alislam مشرفة صفحات مكشوفه المرحله الاولـي :اسئله شخصيه:: 1؛ بطاقه تعزيفيه عنك تتضمن: اسمك الحقيقي وسنك ووظيفتك ووزنك وطولك اسمك الحقيقي: فجر وسنك: 21 ووظيفتك :لا اعمل ووزنك : انا داخله الجيش ولا ايه 64تقريبا وطولك؟ 163 (لا مش جيش ولا حاجه احنا هندبحوكي ع العيد) 2/ آدم بتاعك.. بتاع بنات بس بيحبك اوي.. هتثقي فيه؟ لا مشش هثق فيه لانى مش هكمل معاه اصلا مايستاهلنى 3/علاقتك مع ربك.. كم %تديها؟ هى العلاقه ماتتحددتش ابدا بس اقول ممكن 70% 4/لو اصبحت رئيس مصر.. ايه اول حاجه هتعمليها بصراحه؟ هطور المدارس وازود المدرسين لانهم اساس البلد التعليم لو كويس البلد هتبقى كويسه (تعليم ايه استهدي بالله هي دي بلد فاضيه للتعليم:/) ودلوقتي انتهت اول مرحله وفجر عدت معانا ..تعالوا نشوف وصلت فين المرحله التانيه عن المنتدي:: 5/المنتدي شهد تكرييمات وترقيات كتيره الفتره دي.. شايفه انك اخدت حقك؟ شايفه مين كان مفروض يتكرم او يترقي ومحصلش.. وشايفه مين اتكرم او اترقي وهو لايستحق؟ اه اخدته الحمد لله انجى لا مافيش الكل يستحق (فعلا من ناحيه انجي طبعا ^^) تعالوا نتخيل فجر اداره ممكن تعمل ايه Fagr Alislam 6/لو اصبحتي مديره المنتدي هتعمل ايه؟ وايه التغييرات اللي هتعملها؟ هغير الصوره اللى على الشمال دى عشان مش عجبانى اللى هى رمز بنات مصر (وانا عشان بحبك هقول للمار انها مش عاجباكي؛) 7/بنات مصر لو طلبوا منك اسم تاتي المنتدي هتختاري يكون ايه؟ امممممم ممكن ابناء مصر لان المنتدى فيه شباب (وجهة نظر برده ) 8/راضيه عن رتبتك بالمنتدي؟ الحمد لله فــــــل ( طالعه منك بنفس كدا ليه ) 9/عضو تريد ان توجه له رساله او نصيحه؟ الى بنوته بحبك فى الله اتمنالك السعاده دايما وبكدا تكون فجر فلتت من متاهه المنتدي تعالوا نشوف بقت فين المرحله الثالثه.. متاهه جوا قلبـك.. ": 10/ جوا قلبك حب مكتوم؟ جوا كل قلب حـــب يسع الوجود مكتوم لانه لسه ماطلع للشخص اللى يستحقه 11/ حلفتي قبل كدا كذب؟ كيد طبعا انا مش ملاك بس مش فاكره (اكيد محدش كامل) 12/حكاية حب وفشلت.. الجمله دي بتعبر عن مرحله ف حياتك؟ لا ماحبتش انا 13/ هل تؤمني بوجود الحسد؟ ايووووووون اؤمن به بس ايمانى بقضاء الله وقدره اقوى (اكيد ونعم بالله ) 14/موقف.. لو كان مسلل بتحبه اوي شغال ومش هيتعرض الا الوقت دا وهيفوتك وقت الصلاه وحبيبك بيتصل وسيغضب ان لم ترد؟ ويجب عليك الاستجابه لامر واحد من هؤلاء رتبهم حسب الاولويه؟ بوصى بقى المسلسل بيبقى تقريبا ساعه الاربع حبيبى الرد عليه مافيش 10 دقايق االصلاه بتبقى 5 دقايق يبقى الاقل وقتا هو المفروض يتعمل الاول الصلاه الرد المسلسل 15/كتاب حياتي ياعين! قولنا علي ابرز عناوين كتابك*حياتك*؟ رغم الالم يبقى الامـــــــــــــــل (ماشااء الله اختصار رهيب بس الامل شديتي فيها اوي ) ودلوقتي تعالوا نشوف فجر بعد ماعدت متاهه جوا قلبها وصلت لفين جاهزه ياقموره للمتاهه الرابعه رالاخيره مرحله ::همسه ف ودني 16/كم ترتيب آدم بالنسبه لاهتماماتك؟ الاول اكيد لان ادم ده ابويا واخويا (طب مش ممكن يكون زوجك برده ..ربنا يخليهم ليكي يارب) 17/خنتي قلب قبل كدا؟ يا لهوى خنت قلب والله ما فاكره بس اكيد لا (يالهوي.. كلمه تفيد الاندهاش والتعجب ) 18/فجر.. شخصيتها بتتعبها..؟ ايوه بتتعبنى اووووووووووى (بس مبتتعبناش ) 19/انتي متكبره.. كم قيلت لك؟ الحمد لله ولا مره تواضع تواضع هههه (اخدت بالي) 20/اي هذه الاسئله كذبت في اجابتها؟ الاسم والسن وربنا يسامحنا بقى (جيتي ف الاخر ووقعتي ياحلوه ) تعالوا نشوف فجر وهي لازقه ف الحيط بعد ما كذبت ف سؤالين كان نفسي تعدي المتاهه معانا والله يافجر.. اتشرفنا بيكي جدا وكنتي منوراني اوي ياحبيبتي استنوني بقي مع ضيف جديد في متاهة الفضفضه^^ في رعايه الله وحفظه [/SIZE]

[*فجر الاسلام*]

ايه ده بقى كدهانا
طيب الهى اشوفك لابسه فى حيطه يا ممات انتى هههه
ده اخرة الصدق يا ناس كان ممكن اقولك ماكدبتش ف حاجه
اصل اتولدت ف الفجر فسمونى فجر يختى هههه
موتينى ضحك ياريت الحيطه تكون سفنج عشان وشى مايتعورشى
شكرا ليكى بجد

[حـيـــــآة ❤]

مش عذر دا هااا
منا مولوده الفجر مسمونيش فجر ليه؟؟
ومولوده يوم الجمعه مسمونيش جمعه ليه
بعدين انا ممات ياظهر انتي:/

[*فجر الاسلام*]

اقتباس المشاركة الأصلية كتبت بواسطة حيــــــاة ❤ مش عذر دا هااا منا مولوده الفجر مسمونيش فجر ليه؟؟ ومولوده يوم الجمعه مسمونيش جمعه ليه بعدين انا ممات ياظهر انتي:/

دمك خفيف ياجمعه تصدقى ههه
بس بدل ما اوريك النجوم ف عز الظهر

[طبيب الهوى]

جميل البرنامج يا هاجر وفكرته أجمل

أما بخصوص أبنتي فجر

لا يوجد شيء في هذه الحياة الفانية يستحق الكذب أبنتي

أمتنعي عن الجواب أفضل

راقني كثيراً اسئلتك يا هاجر ورأني أكثر أجوبة أبنتي فجر

الله يسعدكم ويستركم ويحفظكم من كل سوء وشر آمين

أبو عصام

[ايمان طلعت]

لبستيها في الاخر في الحيط
انا عارفه فجر كام سنه
هي 75 سنه عشان كدة مخبيه سنها وبتطلع الفجر بس هههههه
مشكورة هاجر للحلقه الجمييييله
تحياتي

[*فجر الاسلام*]

طبيب الهوى

استاذى ماتخافش انا بكره الكذب والحمد لله مش بكذب
بس كان لازم تتحط اى اجابه عشان نشوف هوصل للمتاهه فين
والحمد لله لبسنا فى حيطه
لكن لما حد بيسالنى مش بجاوبه
تسلم يارب يسعدك نورتنا

[*فجر الاسلام*]

*:•. إيمان طلعت.•:*

يا اروبه عرفتى ازاى ده انتى مديره فعلا
بس انتى اللى عجوزه ومش قادره تمشى
نورتى يا حبيبتى ربنا يسعدك دايما

[حـيـــــآة ❤]

اقتباس المشاركة الأصلية كتبت بواسطة fagr alislam دمك خفيف ياجمعه تصدقى ههه بس بدل ما اوريك النجوم ف عز الظهر

كفايه نجوم رمزيتك

[حـيـــــآة ❤]

اقتباس المشاركة الأصلية كتبت بواسطة طبيب الهوى جميل البرنامج يا هاجر وفكرته أجمل أما بخصوص أبنتي فجر لا يوجد شيء في هذه الحياة الفانية يستحق الكذب أبنتي أمتنعي عن الجواب أفضل راقني كثيراً اسئلتك يا هاجر ورأني أكثر أجوبة أبنتي فجر الله يسعدكم ويستركم ويحفظكم من كل سوء وشر آمين أبو عصام

بس دا مش كذب ياعمي
منورني اكيد دايما
الله يحفظك يارب