أسدل الستار عن أنتخبات أمريكا

[ابو نصير]

اقتباس المشاركة الأصلية كتبت بواسطة حازم34 اهلين اهلين اهلين اخي الحبيب ابو نصير منور قسم النقاش نعم اسدل الستار علي انتخابات ديموقراطيه كل شاشات العالم كان تراقبها وللاسف نحن المسلمين ايضا وكان الحل سياتي من قبل هؤلاء كنت اعلم تمام العلم بفضل الله ان السيد ترامب هو من يفوز رغم خبره كلينتون ولكن الشعب الامريكي يحب التغيير ولايعطي فرصه اثانيه لحزب ادار البلد ثمان سنوات ولكن من يحزنون علي هزيمه كلينتون لما الحزن وفي عهد حزبها وعلي راسه اوباما القتل والخراب والدمار في حقنا نحن العرب والتحالف المكشوف مع ايران ضد السنه يا حبيبي هم يحللون ويقراون ان اهل السنه هم اكثر المسلمين تمسكا بكتاب الله ولايكون الخوف الا منهم وليفهم المهللون الذين طغي حب انفسهم علي حب بلادهم ان ترامب ما هو الا حاكم لدوله مؤسسات تعرف مصالحها جيدا اعجبني فعلا وحقا الديموقراطيه وهي درس لنا كشعوب وان تعلمناها جيد واخترنا من يمسلنا فسوف ننسي امريكا ةغيرها ولعل ممن نحذره يكون افضل من سابقه ويمكرون ويمكر الله والله خير الماكرين تسلم اخي الحبيب صاحب القلم الحر

دكتورنا
الراقى
فيلم من أفلام المافيه الأنتخابيه التى يمولونها اللوبى الصهيونى لكى يصبحوا هؤلاء الحكام
يعملون بوظيفة عبيد لكى لا يخرجون عن السيطره ويملون عليم ماهو يملى
وومازلنا نصدق تلك الأكذوبه
مودتى

[ابو نصير]

اقتباس المشاركة الأصلية كتبت بواسطة ahmed 22 والله أنا واحد من الناس شايف ان الرجل ده يعتبر مرتضي منصور بتاع امريكا يعني ظاهرة صوتية محب للظهور ... هايف يعني و90 في المية من تصريحاته اللي قالها قبل الانتخابات سواء ضد العرب ولا حتي المكسيك وغيره هيتفاجأ بتشريعات واتفاقيات تمنع اي تصرف ليه .. وامريكا ماتقدرش تخل بيها .. والا فقدت ثقة المستثمرين وغيره هو يعني اكيد مش داخل يلعب في تيكية ابوه وبرضه هيلتزم في اوقات كتير بالكونجرس والاطار العام للحكم شايف انه بالنسبة للعرب خيار افضل من كلينتون لأن هيلاري كانت هتسير علي نفس منوال اللي قبلها انما هو شخصية غير متوقعة .. ماتقدرش تخمن هو هيعمل ايه ومالوش حسابات كتير .. وماكنش ليه حراك سياسي قبل كدا بس اللي عاجبني ان الرجل قدر يفهم عقلية المواطن الأمريكي بمعني اللي احنا لازم نفهمه ان الشعب نفسه عنده تراكمات مشاكل وفساد كتير ... الاعلام يمكن مش مصوره لينا علي الرغم انه كله بيقول امريكا اعظم اقتصاد ودولة والمواطن هناك شايف انه تنفيذ مطالبه الحياتية أكبر من انه يتقال عليه بلد الحريات يعني اللي لازم نفهمه انه اختيارات الامريكان لترامب عالرغم من تصريحاته اللي كله بيقول عليها عنصرية مؤشر لازم نقف عنده .. وهو أنهم شايفين كونهم ان العالم بينظر لأمريكا كبلد الحريات والفرص حمل بقا تقيل عليهم يعني اللاتينين والافارقة والهنود المهاجرين وغيرهم بقوا حمل علي لمواطن المولود هناك .. وبياخد من فرصهم وحياتهم . وشايف الموضوع لصالحنا مش ضدنا ... بمعني أنك تختار واحد بيقول عليه الناس مجنون معناه أنك كمواطن امريكي سئمت من توجه الرؤساء للمشاكل الخارجية والحروب والقواعد وغيره وأنك تبعت الجنود يتقتلوا في حملات وغيره.. ونسيت مشاكلك الداخلية وده اللي غالبا هما مفتقدينه اكتر انهم يقفلوا علي نفسهم شوية ... هو بس هيكون بوء كبير في الاعلام .. يعني واحد بينقد ان امريكا صرفت مليارات علي الحروب وبيتهم اوباما وبوش انهم هما اللي صنعوا تنظيم داعش وان امريكا مابقتش عظيمة بسبب التصرفات دي وان السعودية ودول الخليج لازم تدفعلهم فلوس مقابل الحماية الامريكية ليهم هيدخل يعمل زيهم يعني .. اكيد ليه حسبة مختلفة والعرب هيكون ليهم اتجاهات مختلفة .. وتحالفات مختلفة واحنا كمصر بدأنا تحالفات مع الصين وروسيا مسبقا انا عن نفسي متفائل بالرجل ده ..

الأخ الفاضل
أبو حميد
تحياتى لفكرك وتحلبلك الرائع
ولكن سيدى نسيت أهم شىء دائما اللوبى الصهيونى يضع جميع الحكام فى سلة بيض فاسده
لاتقوى على إنجاب العداله بين البشر وأما التحالفات الأقليميه ليس لها وزن ولا قيمه والقيمه الحقيقيه عندما يحترمونك العالم أن تبنى وطنك بالحريه أولا وبقوة الفكر وعندما تكون الأمه عاله على شعبها
لا تحترم لأن المصالح هى السائده
وقلت فى هذا المقال لا يهمنى من هو رئيس امريكا القادم وكل مافى الامر الصندوق هو الفيصل
وصوتك كان بإراداتك ولبس الاصوات تضع فى الصناديق بقهر الدبابه والقمع
مودتى
لك منى اجمل تحيه ولا تحرمنا من فكرك الرائع

[ابو نصير]

اقتباس المشاركة الأصلية كتبت بواسطة طارق الجميل والله مشكلتنا العرب ان احنا اللى كل منا فى وادى لابنساعد بعض ولا بنوقف مع بعض ولا بنتاجر مع بعض ولا بتربطنا مصلح مشتركه الا فى اقل اقل الاشياء اللى لاتثمن ولا تغنى من جوع دا غير تحالفاتنا مع الكفره دول على نفسنا وغيرنا من المسلمين طبعا لكنهم مش فارقين ترامب كلينتون يخافوا مننا اذاى ويعملولنا حساب واحنا اللى بنبيع ليهم نفسنا ونتحالف معاهم على اخواتنا من العرب والمسلمين والله الواحد زهق ... وخلاصة القول .. ان الله لايغير مابقوم حتى يغيروا ما بأنفسهم

حبيب قلبى
طارق الجميل
صدقت والله العظيم دائما نرفع القبعه للذين أبادونا أولا بالفكر ثم بالحروب على بعضنا البعض وكانت النتيجه انقسام وانفصام فى تلك الشخصيات المستعبده لشعوبهم من حكام تخضع للوبى الصهيونى
منوارنى يااستاذ الفكر الراقى