رحلة رعب (6) (مهيب الركن .)

[ايمان طلعت]

السلام عليكم ورحمه الله وبركاته كل منا في داخله شيء يهابه ممكن ان يكون خيالي او واقعي لكن هذا الخوف مخفي داخلنا لا يظهر إلا اذا تعرضنا لقوة هذا الخوف برنامجنا رحلة رعب عبارة عن عدة مواقف مرعبه بل مميته تعالوا نشوف رد فعل الاعضاء ايه لما تخيلوا انهم اتعرضوا للمواقف دي معانا النهادرة مهيب الركن . ماذا تفعل لو كنت نايم وبتتقلب فتحت عينك لقيت حد شكله غريب واقف يبصلك ؟ هغمض عينى وأكمل نوم واحمد ربنا على نعمة العزوبيه وعلى فكره الموقف ده بيحصل مع ناس كتير كل يوم كنت ماشي فطريق لوحدك ولقيت على الارض خيالين ؟ هوقف أى تاكسى وأركبه عشان أشترى دماغى كنت في الحمام وبتغني ومندمج وفجأه تسمع صوت بيقولك كفايه بقي ارحم وداني ؟ مش هكمل الأغنيه طبعاً كنت بتعوم في وسط البحر ولقيت جمبك سمكه قرش ؟ هتغدى بيها قبل ما تتعشى بيا كنت نايم وحسيت ان فيه حاجه على رجلك وتبص تلاقي ايد بتطقطقلك صوابعك ؟ لو على طقطقة صوابع رجلى مش مشكله المهم مش أكتر من كده كنت قاعد بتاكل في مطعم ولقيت واحده بتقرب عليك عنيها حمرا ونازل دم من بوقها ومسكالك سكينه ؟ طبعا هقرف ومش هكمل أكل الا لما الست دى تمشى كنت راكب طياره ولقيت كل اللي معاك اختفوا فجأه و دخلت للطيار ملقتوش ؟ هدور على الصندوق الأسود أكيد هعرف منه ايه اللى حصل كنت نايم وصاحي تمد رجلك عشان تلبس الشبشب مش لاقي الارض تبص تلاقي نفسك متشعلق في السقف ؟ معرفش دى جت ازاى بس أكيد هحاول أنزل أدور على الشبشب كنت قاعد بتتكلم مع صاحبك والتليفون يرن تلاقيه هو ؟ هقفل المكالمه وأكمل كلام معاه عشان الرصيد أو أستأذن منه وأكمل كلام معاه موبيل بعد ما أسيبه كنت نازل بــ براشوت وجيت تفتحه مفتحش معاك ؟ هرجع أغيره بواحد تانى بيفتح كنت بتزور حد في المقابر ولقيت ايد بتطبطب عليك ويقولك معلش يابني كلنا لها لفيت لقيته هيكل عظمي ؟ حلى فرصه انى أتكلم مع حد لا بيحقد ولا بيحسد ولا بيغل فى نفسه والدنيا بقت عنده زى قلتها كنت باصص في المرايه ولقيت شكلك زي الزومبي ؟ عادى بتحصل وأنا غضبان بيبقى شكلى غريب وأى حد لو بص فى المرايه وقت غضبه هيتصدم هاتلنا اكتر صورة مرعبه في نظرك ؟ الصور المرعبه مش صور دراكولا ولا مصاصين الدماء دى ناس غلابه وعاوزه تتعالج الصور المرعبه صور الناس اللى بتتخانق على كرسى نصهم بيخون النص التانى والنص التانى بيكفر الأول والبلد يتتقطع بينهم يا ترى فيه موقف مرعب ليك متذكرش في البرنامج ؟ أثناء خدمتى فى الجيش كنت ظابط احتياط أقوم بتأمين احد نقاط الحدود وكنت لسه جديد فى الوحده دى المهم تم ابلاغى بالنقطه التى سأتواجد بها للمبيت وزهبت وجدتها غرفه فى وسط الجبل بلا كهرباء او اى شئ ( دى اللى المفروض هنام فيها ) برغم ان الكهرباء موجوده فى النقطه الرئيسيه ولكن تم اخبارى ان النقاط الفرعيه للضباط تم التوصيه بعد توصيل كهرباء اليها للتأمين ولعدم لفت الأنتباه بدأت التكيف مع الأمر ولكن ما لفت انتباهى هو عنبر مهجور يبعد حوالى 50 متر عن الحجره التى انام فيها بمفردى المشكله ان العنبر ده كل يوم بالليل تصدر منه أصوات خبط لا أعلم مصدرها برغم انه غير مسكون ولا يقترب منه أحد أبدا وعندما سألت احد قدامى المكان عن الأمر قال متشغلش بالك انت هتشوف هنا حاجات كتير والعنبر ده شكله مسكون بالجن تعودت على اصوات الخبط فى هذا العنبر بمجرد حلول الليل يبدأ الخبط ومرت ايام على هذا الحال ثم حدث ما لم يكن فى الحسبان وجدت أحد الجنود فى الثانيه صباحا يقوم بأخبارى انه تم العثور على جثه مجهوله فى منطقه قريبه من هذا العنبر أقسم بالذى رفع السماء بلا عمد أن هذا كله حدث ذهبت وجدت ان الجثه شبه متحلله لرجل يرتدى جلباب وقمت بأبلاغ الأمر وتم تسليمها وفى تلك الليله لم أستطع النوم تخيل نفسك وانت نايم فى حجره فى وسط الجبل بلا كهرباء ومنذ ساعات كنت تعاين جثه وقريب منك عنبر لا يتوقف ضجيجه طوال الليل وقررت ان أنهى الأمر وأذهب لهذا العنبر لأنهى هذا الخوف الذى بدأ يتسرب لنفسى وأخذت كشاف وسلاحى وانا أعلم أنه لن يجدى ولكنى أخذته كان قبل الفجر مباشرة وعندما أقتربت من العنبر والله ساعتها فكرت أنى اعود مره أخرى ولكنى تمالكت نفسى ودخلت بمجرد ان دخلت المكان وأضأت الكشاف وجدت المفاجأه كميات هائله من الفئران الضخمه الفار تحس انه أرنب بيجرى تعدو فى كل مكان وعلمت انها هى ما كانت تصدر أصوات الخبط عند عدوها فوق بقايا هنجر صفيح كان موجود بالعنبر وضحكت وأنا أتذكر الوقت الذى كنت اتحاشى من المرور أمام هذا المكان والسبب مجموعة فئران ومن وقتها تأكدت أن افضل شئ لمواجهة اى خوف انك تواجه خوفك ولا تهرب منه ايه رايك في البرنامج بقى و مواقفه ؟ المواقف دى أجمل حاجه فيها رد الفعل الوقتى عند حدوثها انما تخيل الموقف بيبقى صعب شويه بس هو برنامج حلو واتمنالك التوفيق فيه انتهت حلقتنا اليوم لكن لسه اللى اجي احلى تحياتي

[السفيره عزيزه]

وما زال الرعب مستمر
وفى الرحله شفنا المر
وما بين فر وكر .

ويارب بعد الشر
علينا من الرعب والشر ..

ضيفك مهيب ناس جامده
تحياتى لحضرته ومش كل الطير
ال يتاكل لحمه ..

تعيشي ليه يا حببتى يا اختى
وترعبينى .
ودي ودعواتى بكل الخير ايمي

[Fatma eissa]

حلقه جميله جدا
مع مهيب
عجبتني
إجابته
علي لاسئله
رسيه ومنطقيه
ربنا يسعدك يارب
وبرنامج جميل جدا ياايمان
تسلم ايدك

[همس الكناريا]

منور مهيب
حلقة جميلة اخي واجاباتك جميلة
تسلمي ايمي ع الحلقة
مودتي
همس الكناريا

[حـيـــــآة ❤]

واثق من نفسه واجوبته مبينه

منور استاذي الفاضل

تسلمي ع الخلقه الجميله ايمي

[فصيح]

حلقة جميلة ومهيب منور بجد
تحياتي لكما وتقديري