فاضل إيه

[شاعر الحب الحزين]

فاضل إيه عشان أبكي عليه

فاضل فيا إيه تجرحه

هو اللي مات حلمه قصاد عنيه

أي فرح اللي هيفرحه

قدموله الدور وحطهوله بين إيديه

بس خدوا منه مسرحه

عاش بالأمل واليأس محاوطه وحواليه

يروح وييجي وهو ف مطرحه

راهن ليغير حياته مهما جت الدنيا عليه

صمم يكسب رهانه ويربحه

حاول يعيش بينهم ومفيش حد حاسس بيه

بقوا يقفلوا ف كل باب يفتحه

قد ما ظلموه عمره ما عاتبهم ولا سألهم ليه

رفض إن أي حد منهم ينصحه

لا شاف سعادة ولا نوم سأل نفسه ذنبي إيه

بس الجواب تعبه اكتر ما يريحه



فاضل إيه عشان أفرح بيه

راح مني إيه عشان أبكي عليه


فاضللي مين وأنا كان ليا مين

ولإيمتا هبتسم وانا قلبي حزين

مش قادر امثل تاني

إني عادي ومش بعاني

سهدي وحرماني بيموتوا جوايا الحنين


فاضل إيه غير حبة أوهام

حكم عليا اني اصدقهم

ومن السطور شوية كلام

بحزني ودمعي أزوقهم

ومن العمر ساعات وأيام

مكتوبلي ف الاخر افارقهم



شــــــــــــــــــــــــــــــــــــــــــ . حـــــــــــــــــــــــــــــــــــــــــــ

[ندوشه 2011]

ياعيني يابني قطعت قلبي بجد انا زعلت علشانك وايه دونيا

[عاشقه الورد]

ربنا يسعد قلبك

لبه احزن ده كله الدنيا مش مستاهله
ربنا قادر على شئ

[*فجر الاسلام*]

لسه فاضل حجات حلوه كتيره
لسه عندنا امل بربنا كبير
ربى يسعدك شاعرنا تسلم ايدك
تحياتى

[أميرة محمود]

الخطأ هو أنك تركت آخرين
يخططون ويلعبون بأحلامك
وأنك اختزلت احلامك في رقم 1
ولكن الأفضل أن تجعل الأحلام عديدة
إن ضاع الحلم الأول كان هناك حلم ثاني وثالث ..
شاعر الحب كلمات جميلة رغم انها مؤلمة
ولكنها مؤثرة ومعبرة

[راجعة لحبيبى]

فاضل نقول يارب
ومو نبكى
كلمات حلوه
تسلم اخوى خالد
لروحك السعاده

[حازم34]

ابدعت في الابيات شاعرنا الراقي رغم الالم


ولكن العرض المسرحي قائم بعمل جديد


بمسرحيه الامل والحياه الجميله

ربي يسعد قلبك شاعرنا الراقي


يارب اااااااااامين

كلمات مؤثره والله

[دمعه حائره]

مافيش غير ربنا قادر يغير الحال للاحسن
وفاضلك قلب يحس بالحب مهما شاف من الناس ظلم
يقدر يخليك تعيش مرتاح
سلمت خالد وربنا يسعد ايامك

[حـيـــــآة ❤]

ليه كدا خالد

حرفك يتجمل بنكهة السعاده ياشاعر بنات مصر

الله يسعدك دايما يارب ويبعد عنك اي حزن يارب

اتمني ان تتحسن وتعود لنا بحرفك المبهج

مبدع كالعاده طبعاً

الله يسعدك ويجزاك الجنه

[ايمان طلعت]

فاضل امل في ربنا
و ثقه في التفس
تحياتي