لماذا يلجأ العضو لعمل عضوية بنت .. قضية للنقاش

[مهيب الركن .]

دعونا نتفق أن المنتديات مثل أى مجتمع لا ينتقى أفراده
فسنجد بيننا المثقف والذى يبحث عن أفاده واستفاده
وأيضا سنجد المرضى النفسيين الذى ابتلاهم الله بعقول غير سويه
وأنفس مريضة فيلجأوا لعمل عضويات وهميه لبنات حتى يستطيعوا
الدخول على ملفات العضوات واستدراجهم بطريقه خبيثه لمعرفة أسرارهم
الشخصيه مثل الأسم والحاله الأجتماعيه وشيئا فشيئا يصبح صديق مقرب
وربما يتم أئتمانه على أدق الأسرار وأيضا الصور وهذا ما يسعى
اليه هذا المريض الشاذ واعذرونى لأستخدام لفظ شاذ
لأن مفيش راجل فى الدنيا مهما بلغت بيه درجة الوقاحه والأنحطاط
انه يعمل عضوية بنت لمعرفة أسرار زميلاته فى المنتدى

أولاً لا ينتقى اى عضوه ليفعل معها هذا بل العضوات
التى تستجيب لرسائله المتكرره والتى تتفاعل معه
طبعا هو ما بيصدق حد يتجاوب معاه وتلاقوه بقى عامل زى اللازقه
فى الملف الشخصى والخاص ويدخل يرغى فى أى شئ
لمجرد انه يفتح مجال للكلام فقط لا غير واستظراف عمال على بطال
والأهم وأركز هنا ان كل هذا تمهيد منه للحصول على الأسرار الشخصيه
يعنى يبقى عنده أصرار انه يعرف الأسم الحقيقى للعضويه وكل شئ عنها
لأن دا هدفه من البدايه


والسؤال هنا ما الذى يضطره لفعل هذا ؟


أولاً فضوله معرفة أسرار زميلاته فى المنتدى ومن ثم الحصول
على ورقة ضغط عليها ربما تهديدها فيما بعد بعضويته الأصليه
وساعتها مش هيقولها ان هو صاحب عضوية البنت لأ طبعا
هيقولها ان عضوية البنت دى صديقته وهى من أخبرته بكل التفاصيل
وطبعا دا بيعمله ولا تتعجبوا منه نتيجة عوامل كتير
منها تدنى أخلاقة أو ربما لأنه بلغ من الكبر عتيا وانتهت صلته بالعالم الخارجى
فحدث عنده ضمور فى خلايا المخ مما تسبب له فى خلل فى تفكيره
وهذا ما يدفعه لعمل تلك الأفعال القذره

السبب الاخر الذى يدفع عضو لعمل عضوية بنت انه يعملها
للفت الأنظار اليه والسبب ده بيلجأله الأشخاص اللذين
يظنون أن المنتديات وكر لأصطياد العضوات وعمل علاقات
ولما بيلاقى مفيش حد بيعبره ولا بيسأل عنه
فيختلق عضوية بنت و يظهرها أمام الجميع
انها ميته فى دباديبه كده لله فى لله متعرفش ليه
عشان يحرك الباقى ويظهر لهم ان فيه حد بيعبره
وبالرغم من أنه عامل زى الوطواط فى كل الملفات بتلاقيه يجى عند
العضويه الوهميه اللى مخترعها دى ويبقى سايق التقل والدلع عليها ومبيعبرهاش
طبيعى لأنه هو اللى مخترعها ولانه عملها أصلا عشان يحرك بيها الباقى

وتفضل تعمل قصايد تتغزل فى جماله وحسنه
وطبعا بيخليها المتحدثه الرسميه بتاعته
لو غاب شويه هى اللى بتدخل تقول كل أخباره

خلاصة الكلام

اللى بيعمل عضوية بنت

دا فعلا أنسان شايف نفسه مش راجل
ولا ينفع يبقى راجل فحب يدور ليه على حاجه يعملها يحس بيها بنفسه

اللى بيعمل عضوية بنت

دا أنسان بيتتبع عورات الناس وهذا من وجهة نظرى عملية
تعويض بيعملها نتيجة تتبع الناس لعوراته بره النت
يعنى بيكون اتعرض لفضيحة كبيره جعلت المحيطين به
يعايرونه بتلك الفضيحه فأصبح أنسان مريض نفسى ويسعى
للحصول على أسرار من حوله حتى يفعل معهم ما يتم فعله معه
طوال الوقت خارج النت عافانا الله واياكم

ومش عارف هيستفيد ايه لما يعرف ان زميلته فى المنتدى متجوزه ولا مطلقه
ولا اسمها ايه بالكامل ولا هى متخانقه مع خطيبها ولا لأ

ناس مرضى وأشكال ضاله ربنا يسترها على كل بنات المسلمين
من كلاب النت اللى مورهمش لا شغله ولا مشغله غير كده

قضية للنقاش أرجو التفاعل

[*فجر الاسلام*]

يا ساتر يارب الضمير والخوف من ربنا راح فين
ربنا يهدى مش هقول غير كده
ويحفظنا بحفظه

[morshooo]

اكلمت على الموضوع دا كذا مرة
وقولت قبل كدا
الى متاكد من عضو بيعمل كدا يقول هو مين
ويريح نفسه ويريحنا معاه ^_^
وطالما انت بتكلم عن الحكايه دى بالشكل دا
المفروض انك متاكد من حد عامل كدا حاليا .

[حـيـــــآة ❤]

علفكره هما مكشوفين فعلا

ودي اكتر حاجه تحرجهم

والمفروض من نفسهم يبطلوا التصرفات دي..

[ايمان طلعت]

اصبح الضمير معدوم في كثير من الناس
والعقول اصابها سوس ينخرها فاصبحت جوفاء
فتلك العقول المريضه تحسب انها ذكية
لكنها تنكشف يوما ما

[واد حبيب]

الواد مروشو مسجل باسم بنت وانا مش راضي اقول

[Just Ahuman]

الموضوع بقي مُنتشر جداً مش في المواقع بس كمان على السوشيال ميديا وقابلني مواقف من دي كتير .. وأي واحد أو واحده بتفهم هيكتشفو الموضوع بسهوله لأن طريقة الكلام والأسلوب بيكونو واضحين وضوح الشمس .. وزي ما مورشو قال لو فيه حد أنت مُتأكد منه بلغ عنه وتبقي عملت خير في بنات المُنتدي .. أنا واحد من الناس شاكك ف حساب متواجد ف المنتدي حالياً مستني أتأكد عشان مظلمش حد برضو وهكشفه إن شاء الله

تسلم على النقاش مهيب

[morshooo]

اقتباس المشاركة الأصلية كتبت بواسطة واد حبيب الواد مروشو مسجل باسم بنت وانا مش راضي اقول

ليه بس كدا يابنى تفضحنى
ايه معندكش ولاايا ياض
اوعى يكون قصدك على عضويه
سارة الجامدة

[مهيب الركن .]

اقتباس المشاركة الأصلية كتبت بواسطة just ahuman الموضوع بقي مُنتشر جداً مش في المواقع بس كمان على السوشيال ميديا وقابلني مواقف من دي كتير .. وأي واحد أو واحده بتفهم هيكتشفو الموضوع بسهوله لأن طريقة الكلام والأسلوب بيكونو واضحين وضوح الشمس .. وزي ما مورشو قال لو فيه حد أنت مُتأكد منه بلغ عنه وتبقي عملت خير في بنات المُنتدي .. أنا واحد من الناس شاكك ف حساب متواجد ف المنتدي حالياً مستني أتأكد عشان مظلمش حد برضو وهكشفه إن شاء الله تسلم على النقاش مهيب

انا بلغت فعلا
وشكك فى محله ومش كده وبس دا عملها حساب على الفيس بنفس الأسم
عشان اللى يوقعها هنا يكلمها بره براحته على انه بنت زيها

( بحول الله ) ربنا يبقى ينتقم من عضمه عشان هو مبقاش فاضل فيه
غير شوية عضم

[Just Ahuman]

ربنا يصلح الأحوال أخ مُهيب