آعتراف لآول مرة ..المنشاوي

[αЛαstoOorα]

قصتي الحقيقية يمكن هكتبها ف الخزعبلات لآن آحداثها كلها من الخيال
وآني آخدها بشيئ طريف دا هيسهلها عليا
عمري مافكرت آحكيها بس من جوايه محتاج آتكلم
ف يوم من الايام كنت واقف ف محل توك اللى هى التوك بتاعة البنات دى؟
اللي بيحطوها ف شعرهم ودا كان بسبب بنت واحد صحبي اوي وانا ماشي بيها شاورت ع التوكة وقالتلى عاوزه دى ..المهم مكدبتش خبر وقومت داخل بيها المحل وانا بشترلها التوكة سمعت زعيق وخناق بره
ف طلعت ابص لقيت بنت لا يتجاوز عمرها عن 22 او 23 سنة كدا خبطتها عربية بسبب انها كانت جايه برضه محل التوك دا
والناس ماسكة السواق بتضربو وسايبنها ع الارض بتنزف
ف ظل الخناق والدوشة والزحمة الا اني مش شايف غير البنت اللي ع الارض دي والدم نازل من وشها ..قولت للي وقفة ف المحل بتاع التوك دا خلي البنت الصغيرة معاكي وجريت عليها واقتحمت الزحمة كلها وشلتها ووقفت تاكسي وطلعت بيها ع المستشفي ..بعد ما روحنا المستشفي آدارة المستشفي متصورين ان انا اللي خبطتها اتخانقت معاهم لحد ما اقتنعو بالحكايه واخدو بطاقتي وقالولي هنعمل محضر قولتلهم وماله المهم البنت محتاجة دم وفصيلة دمها نادرة شوية لفيت عشان اجيب دم مش لاقي وف الآخر جبتلها وقالو هتعمل عمليه ومحتاجين تآمين 5 تلاف جنيه انا طبعاً معرفش هي مين ولا اهلها مين والعملية مش هتتعمل غير لما ادفع يعني اصبح حياتها كلها ف خطر ومتوقفة علي التآمين دا ..كتبت شيك علي نفسي بالفلوس دي ومضيت عليه وقولتلهم يدخلوها العمليات وبالفعل عملولها العمليه كان شرخ بسيط ف الجمجمه وكسر ف الفك والعملية استغرقت 4 سعات
المهم طلوعها من العمليات انا كنت مش عارف اعمل ايه اتصلت بصحبي ابو البنت الصغيرة اللى معايه قولتله يروح ياخد بنته من المحل دا وحاكتله القصة قام جيلي المستشفي ..وبقيت قاعد معاها بعد ماخرجت من العمليات ونفسي اتعرف علي اي حاجة تدلني على اهلها ملقتش معاها اي شيئ ..نزلتها صورتها ع الفيس وكتبت انها ف المستشفي الفولاني واللي يعرفها يببلغ اهلها ويشير البوست
بعد ما فاقت كلمتني وهي فاقدة الوعي وبتقولي انا فين؟؟
قولتلها انتي عملتي حدثة بسيطة وحكتلها اللي حصل بالمختصر وقولتلها انا مستحملتش اشوفك بتنزفي وكنت خايف يحصلك حاجة والناس كلها كانت ماسكة السواق وسابينك وبتاع ..المهم اتعرفنا علي بعض اسمها ميرنا ..وقالتلى انا ساكنة ف الحتة الفولانيه والموبايل مش معايه وقع سبتها زي ما هي ف المستشفي وروحت لآهلها ف العنوان اللي قالتهولي لقيت آهلها ناس مبسوطة جداً يعني وفيهم ناس مستشارين وبتاع
بلغتهم وحاكتلهم اللي حصل ..نزل معايه ابوها واخوها وامها واختها وتقريباً الآسرة كاملة ..دخلو المستشفي بنتهم حاكتلهم اللي حصل وقالتلهم الشاب دا هو اللي نقذني ولما طلعو لآدارة المستشفي اكتشفو كمان اني ماضي على نفسي شيك بالفلوس بتاعة التآمين رجعو قالولها ع اللي عملته ..كبرت ف نظرها آكتر ..اطمنت عليها واديت لآبوها نمرة تليفوني وآخدت نمرته علي اساس اني هتصل بيه واطمن علي صحتها
وكدا ..وآتصلت فعلا واطمنت عليها ..وقضيت ايامي عادي خالص بس للآسف صورتها وصورة وشها وهي ف الارض وف وشها الدم مرحش من خيالي لحظة ..وبعد ما فاقت كمان وكلمتني ..صوتها مرحش من وداني دقيقة ..وبعد شهر من الموقف دا تقريباً لقيت التليفون بيرن عليا ..بقول الو ..لقيت وحدة بتقولي ..بجد انا مش عارفة اوصلك ازاي وعشان اكلمك جبت نمرتك من تليفون بابا من غير ما يعرف ..واتبادلنا الكلام ويوم عن يوم قصتنا بقت بتكبر ..لحد ما حبينا بعض ..وجيه وقت الجد اني اروح اتقدملها واليوم اللي انا رايح اتقدملها فيه جالي الخبر
انها اتوفت بسبب ان العمليه وهي بتتعمل عملتلها حالة تسمم ف الدم والتسمم دا فضل يزيد يزيد ف الشهور اللي بعد العملية لحد ما اقضي عليها ..
::
انا انهرت آوي والدنيا اسودت ف وشي
ومن ساعتها وانا متعقد من حاجة اسمها
توك بس برضه مسكتش؟
قومت فاتح مصنع توك ..اصل زباينها حلوة
وبتعيش اصراحه
/
الحاجات الصغيره بتعمل فلوس كتير
آحنا بنستورد توك بالملايين
تعالا البنك الآهلي المصري
خد قرض علي 10 سنين وآفتح مصنع توك
البنك الآهلي المصري
بنك آهل مصر

محدش يشتم ونبي هههههه

[*فجر الاسلام*]

كفايه عليا اخر جمله لانى احتمال اشتم
لان الموضوع طويل وانت كده شكلى هدعى على التوكه وعليك وعليا ههه
ا ماقرتش غير سطرين واخر كلمه كفايه كده
ربى يسعدك ويحفظك تحياتى

[ahmed 22]

هههههههههههههههههه
والله انا اتشديت يا جدع وانا بقرأ
بس حلوة

[ايمان طلعت]

مش عارفه اقول ايه الصراحه
انت مجرم

[αЛαstoOorα]

ههههههههه
دنا ههريكم قصص
هخليكو تشدو ف شعركم الآيام اللي جايه ههههه

[سهـــر]

[طبيب الهوى]

الله يسامحك يا فارس

لأني بكيت وأنا بقرأ كلامك ونسيت خالص اني في قسم الخزعبلات

حلوة يا فارس وأنتظر الرد أخي الكريم

[Sea Pearl]

هههههههه
وانا اندمجت مع القصة
وقولت اخيرا قصة حب من اللى بنسمع عنها هتمكل
مع انى عارفه انى فى الخزعبلات
بس شابوووو لأنك اقنعتنى انها حقيقة
اقصر الشر بقا وبلاش قصص تانى

[شاعرة الرومانسيه]

هههههههه كان لازم اعرف انه مقلب من اول ما اتأثرت

انت فظيع يافارس ههههههههههه

[ندوشه 2011]

اه حلومحل التوك وانا قاعده اسمع الحدوته وصدقت انا هاين عليا انط من التليفون اخنقك. ربنا يسعدك