الدور عليك

[شاعر الحب الحزين]

الدور عليك إنتا هدفها ولعبتها الجاية

وهتلعب بيك زي ما لعبت بيهم وبيا

صعب تحبها قد ما كنت بحبها

صعب تقدرك صعب تتعامل بقلبها

ياريتك كنت جيت قبل ما ييجي الدور عليا

كنت هتنقذني من جرحي ودموع عنيا

تبان رقيقة وطيبة ف البداية

وتقلب عليك ف نص الحكاية

وف النهاية هتقول عنها اجمل قدر وهدية

قادرة وهتخليك دايما تعشق دور الضحية

هتمثل عليك بكلام حلو وهتصدقها

وبرقة كدابة هتخليك تحبها وتعشقها

جمالها يشد غرورها يهد مجرد وحدة عادية

هتشوفها ملاك هتعيش معاك بمشاعر وهمية

بس متعرفش جايز تتغير علشانك

جايز تهز قلبها بقوة حبك وحنانك

ما اقدرش احكم عليها أصلها عايشة بكذا شخصية

وجايز تصدق معاك وتعيشلك بشخصية حقيقية

أنا من زمان نسيتها من قبل ما تعرفك

انا مش عزول انا بس قلت اقول واعرفك

طمن قلبك وانسى الماضي خلي ثقتك ف حبك قوية

متصدقنيش صدق إحساسك

ده كلام من غيرتي قلته عشان إدتك دور كنت اتمناه يبقى ليا



الفكرة واقعية وفيه بنات من النوعية دي بس رسالتي

متصدقش أي كلام ممكن يهز ثقتك ف حد بتحبه

خلي حبك يزيد وما تسمحش إن حد يقولك أي كلمة عن حبيبك

دايما لما تبقى الحاجة بين إيديك كتير غيرك يتمناها

صدق احساسك وعيش بالحب وابعد عن العوازل عشان تفضل مع اللي بتحبه



شــــــــــــــــــــــــــــــــــــــــــ . حـــــــــــــــــــــــــــــــــــــــــــ

[عاشقه الورد]

إمكن ما يكون هو الضحيه
الور جه عليها عشان تبقى الضحيه
إانتظر حكم رب العباد
وإيه اللى عرفك إمكن تدوق
من اللى عملته فيك وف غيرك
اترك امرها لخالقها
فكما تدين تدان

ربى يسعد قلبك اخى
كلمات جميلهتقبل مرورى

[فصيح]

صدقت شاعرنا وأخوي الحبيب
الراقي شاعر الحب خالد كثير من يعادي أي حب
ربما لغيرة أو حسد أو اسباب حقيقية
لكن لابد من وجود ايمان بهذا الحب ثانيا ثقة في من نحب
ثالثا ليس كل من قال يسمع له ،
لكن إذا كان الشخص مقرب لدرجة الثقة فيه وفي كلامة
هنا لابد لفلترة والتأكد ، ربما هو صادق وربما هو متعمد للوقيعة أو فهم ما رمي إليه خطأ

أنت نموذج للواقعية الشعرية تكتب بمشاعر الموجود في قلب الحدث
وهذا تميز ، اتمني لك السعادة والتوفيق

أخي الحبيب لك مني خالص التقدير
وخالص التحية

[راجعة لحبيبى]

من كانت استطاعت التمثيل اول مره
راح تمثل لباقى العمر
كلماتك حلوه
تسلم
لروحك السعاده

[SaMa.]

فيه ناس كدة بيكرهو يشوفو قصص الحب
حلوةة اوي ثانكس خالد

[حـيـــــآة ❤]

بتقلب ف الشباب زي مابتقلب كتابها

عادي ف زماننا دا

تسلم اخي خالد

دايماً راقي وجاد ف كلماتك

[دمعه حائره]

خاطره رائعه كما تعودنا منك كل مميز وهادف
وراقنى جدا التوضيح الاخير
تسلم اخى

[*فجر الاسلام*]

ربنا يسعدك
تسلم يارب
تحياتى لجميل ماكتبت