بابا ضغطه منخفض

[سهـــر]

من يومين كنت مع بابا في مركز للأشعات وكدا
واحنا طالعين لقينا ست كبيره قاعده على السلم وبتعيط
في الاول افتكرنا انها اتسرقت ولا حاجه
بابا سألها مالك يا حاجه ؟
قالتله الدكتور طالب مني اشعه بـ 400 جنيه ومش معايا الفلوس
فبابا طبطب عليها وقالها تعالي معانا يلا عشان تعمليها
الست رفضت وقالتله لأ انت هتعملهالي وييجي واحد ابن حلال تاني يجبلي الدواء
انا الأحسن يابني اروح افتح تربتي وأجهزها
ومشيت وسابتنا
بابا عمل الأشعه واحنا مروحين
جدو اتصل عليه وطلب منه يجبله دواء مش لاقيه في البلد عنده
الدواء ده جرعه من 5 شرايط ولسا في باقي الأدويه
المهم بابا سأل عليها ولقاه الشريط بـ 106 جنيه
يعني الخمس شرايط بـ 530 جنيه
ولسا باقي الأدويه
المهم خدنا الصدمه ومشينا
وصلنا البيت قابلنا عمو ممدوح جارنا
قام قايل لبابا امبارح اشتريت اسلاك كهربه البكره بـ 400 جنيه
الكهربائي احتاج تاني رحت اجيب النهارده لقيت البكره بـ 565 جنيه
يعني في 24 ساعه البكرة زادت 165 جنيه
ودي كانت الصدمه التالته
وزي مابيقولوا التالته تابته
وضربتين على الرأس توجع
بابا اللي طول عمره ضغطه عالي
فجأه ضغطه انخفض جامد واغمى عليه و.... الخ

وبكدا الحمدلله مصر باقت آآآآآآد الدنيا
ومش هنبقا زي سوريا والعراق
كلها شويه والدنيا كلها تقول مش احسن ما نكون زي مصر

[حـيـــــآة ❤]

ايوووه بجد البلد غرقت خلاص

بجد حاله يرثي لها

كل حاجه غليت والله حسبي الله ونعم الوكيل

الادويه بتاعتي برده اسعارها زادت ×3

وف الاخر تيجي تقولي السيسي لازم يمشي

يقولي انتي ربعاويه

البلد، دي ممسكهاش حد عدل

مغضوب عليها.. وهو اللي بنعمله شويه دحنا بنسرق الناس

من حق الدول تغضب علينا

انا مش عارفه مؤيدين السيسي دول شايفين ايه

شايفين ايه حلو احنا مش شايفينه؟

[سهـــر]

بيقولو مش كفايه بيدينا تموين وزود كل واحد 3 جنيه
وقسما بالله عمتي لسا قايله الكلمه دي
الناس بتغضب عشان الغلا مش عشان الدم
مش عشان الناس اللي ماتت واللي بتموت كل يوم
وعشان كدا ربنا غضبان علينا
مفيش مؤسسه حاليا غير والجيش ليه يد فيها
احنا بقينا دوله عسكريه خلاص
اي قياده في الجيش ولا اي قاضي مرتباتهم في العالي
والناس تموت مش مشكله وتاكل في بعض
شوفي نسب الانتحار زادت ازاي الفتره الاخيره
كل حاجه خراب
وطول مالناس بترقصله هيدينا بالجزمه اكتر واكتر
كفايه التموين ايه هننهب

[morshooo]

لا بصى انا بقا بقول ايه
احنا نعمل ثورة ونشيل السيسى
وساعتها الاشعه بتاعت الست دى هتكون بـ 150ج
والعلاج الى بـ 105 هيكون 15ج
وسلك الكهرباء هيكون بـ 170ج
وضغط باباكى هيرتفع تانى زى قبل السيسى
والبت حياة العلاج بتاعها هيرخص وهيكون ببلاش بعد كدا
بس السيسي يمشى ونبدء من الاول وجديد اعتصامات
وجماعات تيجى تركب الثورة وتقولك احنا الى عملنها
ونلاقى البرادعى راجع تانى يقعد كام شهر لحد مايشوف هيحصل ايه
ونبص نلاقى الجيش نزل الشوارع وشغل حظر التجوال رجعلنا تانى
ونلاقى كل ظابط شرطه معدى نشتمه ونضربه وياسلام بقى لو الجمعات التكفيريه ظهرتلنا هنا
الى يقول مش عايز اى حاجا من دى تحصل يبقا مش مؤيد للسيسى بس لا
دا كمان استغفر الله العظيم ( بيعبدة )
^_^

بصى اسهر انتى وحياة وكام عضو هنا فى المنتدى
انتو كل الى يهمكم ايه فى البلد يعنى ايه الى عايزينه مثلا
لو كل واحدة فيكم مثلا عندها شغلها سواء موظفه او صاحبه شغل
هتعرف يعنى ايه نبدء من الاول وجديد ثورة ونشيل فلان ونشوف علان
انتى بلدك من 2011 اساسا زى الزفت ^_^
مبقتش زى الزفت من سنتين اول ما مسك السيسى انتى من
ايام مبارك كمان واحنا زفت احنا مكناش دوله اقتصادها عالمى
ودا مسكها خربها احنا طول عمرنا مديونين على فكرة .

ومبقولش انه رئيس عالمى وفلته وانه احسن واحد فى العالم
اى حد هيجى هيخربها اساسا وزيادة الاسعار دى كانت المفروض تحصل
من 4 سنين فاتو من من شهر بس .

[سهـــر]

بقولك ايه ي احمد
اعترف ان دي حكومه فاشله
انا مش بقول انه لما يمشي الاشعه هتكون ب 150 جنيه
بس مين السبب في القرف اللي احنا فيه ده
مين اللي وصلنا لكدا
ايام مرسي الدولار كان 6 جنيه الناس قعدوا يصوتوا ويالهوي ويخرابي وضيعنا
دلوقتي بـ 16 جنيه
انت تقدر تتكلم
تقدر تنزل وتقول رايك
هتاخد رصاصه في نص دماغك
وهتبقا اخوان وتستاهل ازاي ازاي تنزل وتقول لأ
لو انت الحمدلله ربنا مديك ومش محتاج
في غيرك كتير اوي محتاجين
قولي كدا راح يجيب حامله طيرات ليه
فلوسها دي راحت في ايه
ايه الفايده اللي راجعه علينا بحامله الطيران دي
ب استنى قناه السويس اللي قال كلها كام شهر وتلاقوا الملايين نازله علينا
فين الملايين ي احمد
جالك كام مليون منهم
خليك ي احمد بدماغك دي
ومش هتحس بحاجه غير لما تتقرص منهم
^_^

[morshooo]

اقتباس المشاركة الأصلية كتبت بواسطة سهـــر بقولك ايه ي احمد اعترف ان دي حكومه فاشله انا مش بقول انه لما يمشي الاشعه هتكون ب 150 جنيه بس مين السبب في القرف اللي احنا فيه ده مين اللي وصلنا لكدا ايام مرسي الدولار كان 6 جنيه الناس قعدوا يصوتوا ويالهوي ويخرابي وضيعنا دلوقتي بـ 16 جنيه انت تقدر تتكلم تقدر تنزل وتقول رايك هتاخد رصاصه في نص دماغك وهتبقا اخوان وتستاهل ازاي ازاي تنزل وتقول لأ لو انت الحمدلله ربنا مديك ومش محتاج في غيرك كتير اوي محتاجين قولي كدا راح يجيب حامله طيرات ليه فلوسها دي راحت في ايه ايه الفايده اللي راجعه علينا بحامله الطيران دي ب استنى قناه السويس اللي قال كلها كام شهر وتلاقوا الملايين نازله علينا فين الملايين ي احمد جالك كام مليون منهم خليك ي احمد بدماغك دي ومش هتحس بحاجه غير لما تتقرص منهم ^_^

على فكرة انا لا قولت احسن حكومه والا قولت احسن رئيس
انتى بتكلمى عن الدولار ايام الاخوان هو مكنش بـ 6 ج والا حاجا
بس اوك تمام تفتكرى لما يكون الدولار فى السوق السودا وصل ل 18ج
وانتى كدا كدا فى ازمه بقالك سنين طويله كان المطلوب يعمل ايه
انتى دوله مديونه اصلا بمليارات الدولارات احنا مش قوة اقتصادية عظمى
احنا طول عمرنا بنعتمد على المساعدات الخارجية احنا دوله وشعب
عايز دعم على كل حاجا عشان دوله فقيرة قناة السويس الى بتكلمى عليها
ومن صغرنا الناس بتقول هم بيودو فلوس قناه السويس فين
دا لو كل شهر رمالنا فلوس قناه السويس هنكون من اغنياء العالم
دا كلام ستى وستك لكن قناه السويس من قبل ما نتولد اساسا
ليه ظهرت دلوقتى فلوس قناه السويس ^_^
وبعدين احنا من امتى فلوس قناه السويس بنشوفها او بنعرف عنها حاجا
سواء ايام مبارك او مرسى او دلوقتى .

بصى انا مقتنع بحاجا مفيش حاجا اسمها اجيب رئيس جديد
ومطلوب منه بعد سنه والا اتنين والا تلاته انه يخلينى
من اغنياء العالم واحنا دوله فقيرة اصلا انتى اكلمتى عن التموين مثلا
طيب انتى الحمد لله اسرة ربنا كارمها ومعاها وتقدر تشترى زيت وسكر
ومكرونه ........ الخ .
عاملين بطاقه تموين ليه انا مثلا لو عندى عربيه بـ 60 والا 150 والا 350 الف
مستنى دعم بنزين ليه يعنى معايا عربيه بالمبلغ دا مش هيكون معايا
انى افول عربيتى بـ 200ج مثلا .
لو انا عندى فيلا والا واخد شاليه فى قريه سياحيه عايز دعم ليه
على الكهرباء هروح اجيب فيلا والا شقه بملايين وهقول فين الدعم
بتاع الكهرباء .

هقولك تانى انا مش بقول انه صح او كويس او حكومته عالميه كلهم فشله
بس الى احنا فيه دا كان لازم يحصل سواء دلوقتى بعدين المهم انه كان هيحصل .

[حـيـــــآة ❤]

اقتباس المشاركة الأصلية كتبت بواسطة morshooo لا بصى انا بقا بقول ايه احنا نعمل ثورة ونشيل السيسى وساعتها الاشعه بتاعت الست دى هتكون بـ 150ج والعلاج الى بـ 105 هيكون 15ج وسلك الكهرباء هيكون بـ 170ج وضغط باباكى هيرتفع تانى زى قبل السيسى والبت حياة العلاج بتاعها هيرخص وهيكون ببلاش بعد كدا بس السيسي يمشى ونبدء من الاول وجديد اعتصامات وجماعات تيجى تركب الثورة وتقولك احنا الى عملنها ونلاقى البرادعى راجع تانى يقعد كام شهر لحد مايشوف هيحصل ايه ونبص نلاقى الجيش نزل الشوارع وشغل حظر التجوال رجعلنا تانى ونلاقى كل ظابط شرطه معدى نشتمه ونضربه وياسلام بقى لو الجمعات التكفيريه ظهرتلنا هنا الى يقول مش عايز اى حاجا من دى تحصل يبقا مش مؤيد للسيسى بس لا دا كمان استغفر الله العظيم ( بيعبدة ) ^_^ بصى اسهر انتى وحياة وكام عضو هنا فى المنتدى انتو كل الى يهمكم ايه فى البلد يعنى ايه الى عايزينه مثلا لو كل واحدة فيكم مثلا عندها شغلها سواء موظفه او صاحبه شغل هتعرف يعنى ايه نبدء من الاول وجديد ثورة ونشيل فلان ونشوف علان انتى بلدك من 2011 اساسا زى الزفت ^_^ مبقتش زى الزفت من سنتين اول ما مسك السيسى انتى من ايام مبارك كمان واحنا زفت احنا مكناش دوله اقتصادها عالمى ودا مسكها خربها احنا طول عمرنا مديونين على فكرة . ومبقولش انه رئيس عالمى وفلته وانه احسن واحد فى العالم اى حد هيجى هيخربها اساسا وزيادة الاسعار دى كانت المفروض تحصل من 4 سنين فاتو من من شهر بس .

علفكره انا بؤيدك ف حاجه وهي ان البلد زي الزفت بعد ثورة 2011

ودا حقيقي
وانا قلت حاجه ان البلد دي محدش عدل مسكها

[سهـــر]

كان لازم يحصل ماشي
الاسعار اللي بتزيد دي بتزيد على القضاه بس والشله بتاعته
مش زايده عليك وعليا وعلى ناس محتاجين اكتر مننا
هما مرتباتهم عماله في العالي
اقولك حاجه ابويا بعد 22 سنه تدريس بياخد 2200 جنيه
وماما زيه
يعني احنا 5 افراد عايشين بـ 4400 في الشهر
وعلى فكره مابيدوش دروس
سيبك من دول
في رئيس محترم يطلع يقول سيبوا الفكه لمصر
طيب هنسيب الفكره
راحت فين الفكه دي
ليه برده هو والشله والقضاه
وعلى فكره قناه السويس دي انا مجبتش الكلام عنها من ستي
هو اللي طلع وقال كدا مش ستي ^_^
وخليه ي احمد 30 سنه مش 2 ولا 3
خليه بيدينا بالجزمه وانت راضي ومبسوط وبتقول كان لازم يحصل ^^

[morshooo]

اقتباس المشاركة الأصلية كتبت بواسطة حيــــــاة ❤ علفكره انا بؤيدك ف حاجه وهي ان البلد زي الزفت بعد ثورة 2011 ودا حقيقي وانا قلت حاجه ان البلد دي محدش عدل مسكها

ودا الى عايز اقوله
البلد اصلا خربانه
فبلاش نحمل حد خرابها
وكلنا سبب الخراب دا

[سهـــر]

وعلى فكره انا ابويا تعبان من يوم ماهو مسكها
من يوم مالناس ماتت في رابعه
فاكرهم ي احمد صح
ولو هتقوولي كانوا بيقتلوا نفسهم فبلاش تتكلم احسن