اول حوار مع العروسه ( شاعرة الرومانسية )

[morshooo]

بسم الله الرحمن الرحيم

مزاج الخير عليكم

النهاردة معايا مفأجاة من العيار الثقيل جدا

اول حوار مع احدث عروسين فى المنتدى

والعالم العربى انهم يا سادة

عشاق من نوع خاص

عضوين محدش يقدر يوافيهم حبهم ومحدش يقدر يكتب

ما بداخلهم على الورق

والا اشعار العالم هتديهم حقهم انهم يا سادة

شاعرة الرومانسية

و

فيلسوف ( الرومانسية )



قصه حبهم سوف يشهد عليه التاريخ

سوف يشهد منتدى بنات مصر عنهم

حتى اسألو اقسام المنتدى

القسم العام يشهد

قسم الخواطر يشهد

قسم الابداعات يشهد

قسم ادم وحواء يشهدون

حتى قسم الالعاب يشهد

يا اللاهى ماهذا ماهذا



ودلوقتى احبابى مع اول حوار

ياترى هنقدر نوصلكم هذة المشاعر والا مش هنقدر

^_^

فى البدايه مبروك ( حنين ) اعلان الخطوبة

الله يبارك فيك مورشو وعقبال جميع الاعضاء

عايز اعرف منك ازاى دا حصل بينكم

والله يا احمد من اول ( like ) حسيت احساس غريب
حسيت ان حياتى اتغيرت شوفت المنتدى بشكل تانى
عارف انت لما تكون مستنى ( like ) ويجيلك فجاه
احساس فظيع يا احمد



فاكرة اليوم دا لحد دلوقتى

طبعا انا منمتش يومها يا احمد
الى حصل كنت ساعتها تعبانه شويه فقولت ادخل المنتدى
اغير جو اول لما دخلت لقيت فى التنبيهات ( 165 like )
اول ما فتحتهم عينى جت على الاعجاب رقم ( 35 ) وهنا
حسيت انى دوخت وكان هيغمى عليه عشان حسيت ان الاعجاب دا
وراة حاجا انا حسيتها ويومها منمتش يا احمد والله مانمت .



ربنا يخليكم لبعض اول مقابله بينكم كانت فين وحصل ايه

ههههههههه
سؤال محرج بس هرد عليه خلاص مفيش حاجا هخبيها
اول مقابله كانت فى قسم ( الخواطر ) قاعدة لوحدة
لقيت فى التنبيهات ( تقييم ) استغربت مبقتش مصدقه نفسى
وبقيت بسأل نفسى ياترى مين الى دخل القسم واهتم
ياترى مين فكر انه يدخل خاطرة ليه ويبعتلى كمان ( تقييم )
وفجاة لقيت ( تقييم ) منه يا احمد يالاهوى على الاحساس
حاجا كدا ماتتوصفش وجاتلى دوخه كدا غريبه .



اول حوار بينكم كان فين وحصل ايه .

اول حوار يا احمد كانت ( رساله خاصه ) بعنوان
( بدون عنوان )
ماخبيش عليكم انا فرحت جدا وحسيت ان الرساله دى فيها حاجا
هتسعدنى وفعلا اول ما فتحتها يا احمد لقيته بيقولى فيها
( ازيك حنين )

وطبعا كالعادة جاتلك دوخه

لالالا مسكت نفسى يا احمد مانا مش كل حاجا يحصلى كدا لازم
ادارى شويه يعنى ههههههه
المهم الرساله كانت كبيرة وفيها كلام جميل جدا يا احمد
واعترافات جميله وعلى فكرة دا كان احساسى من وانا
بفتح الرساله عارف انت لما فى ( ثانيه ) شريط حياتك يعدى عليك
اهو دا حصلى يا احمد



جميل طيب ممكن نعرف الرساله كان فيها ايه

بلاش يا احمد معلش هتكسف والله

انتو خلاص اعلنتو دا هتكسفى من ايه الله ههههههههه

هكسف اقولك ان بعد كل تخيلاتى دى طلعت الرساله
فاضيه مفسهاش الا ( ازيك حنين )




بصراحه حاجا نكسف جدا
كتير عارف ان فى ايطاليا ياترى ازاى وافقتى تحبى فيلسوف
وهتعيشو فين .

والله يا مورشو الموضوع صعب جدا ومش عارفه هنفهم بعض ازاى
انا مشيت من مصر والدولار 8.85 فى البنك دلوقتى اتعوم واصبح
ب 15 و 16 ج بجد حاجا صعبه جدا ومش عارفه ازاى هتعامل بالجنيه المصرى بعد
ماكنت بتعامل بالدولار واليورو بس كله يهون عشان خاطر محمود وهنا انا بقول
نصيحه لكل اتنين بيحبو بعض ياريت تتنازلو شويه عشان الامور تمشى ما بينكم
انا اهو فى ايطاليا وكلامى ايطالى وروحى ايطاليه وبتنفس ايطالى ولبسى ايطالى
وطريقتى ايطالى بس فعلا الحب اعمى حبيت مصرى وروحه مصرى وابوه واخوة
مصريين وبيتعامل بالجنيه المصرى الى اتعوم هل يا سادة هذا مش حب
طاهر وحب محدش يقدر يكلم عنه .
ودلوقتى حالا جت فى بالى اغنيه المطرب العالمى
( عمرو دياب )
ولا اى كلمه حب اتقالت فى يوم ما بين اتنين
تسوى حلاوة كلمه منك قولتهالى
وشكرا يا احمد كفايه كدا بجد مش قادرة



وبكدا ادينا عرفنا جزء من القصه

انتظرو الحوار القادم مع

( الفيلسوف )

ولسه المفأجات جايه

^_^

ملحوظة : الحوار مش حقيقى ولكن مجرد توبيك كوميدى

[حـيـــــآة ❤]

ههههههههههههه انت مسخرتها يابني حرام عليك

لا بس جاامد الحوار

تستاهلي ياحنين هههه

منتظره محمود بقي

[ايمان طلعت]

حب من اول لايك
محمود دة جامد بقي هههههه

يخربيت دي دماغ
حوار من الاخر هههههههه
في انتظار العريس بقي

[أميرة محمود]

هههههه حرام عليك يا مروشو سيب العروسة والعريس في حالهم
لو يعرفوا أنك هتتريق كدا كانوا هيفضوا مخبين مشاعرهم بسببك
بس انت فظيع بتجيب الكلام دا منين
عايزة أشوف حنين هتعمل فيك ايه لما تشوف التوبيك دا
ومنتظرة توبيك محمود بقا
هههههههه بس أكتر جزء ضحكني دا
طبعا انا منمتش يومها يا احمد
الى حصل كنت ساعتها تعبانه شويه فقولت ادخل المنتدى
اغير جو اول لما دخلت لقيت فى التنبيهات ( 165 like )
اول ما فتحتهم عينى جت على الاعجاب رقم ( 35 ) وهنا
حسيت انى دوخت وكان هيغمى عليه عشان حسيت ان الاعجاب دا
وراة حاجا انا حسيتها ويومها منمتش يا احمد والله مانمت .

[Fatma eissa]

هههههههه
تصدق صدقة
وكنت لسه اسال
امتي
ولغاية مشفة
الموضوع
نازل فيه اي
قسم كنت هقول
فعلا
بس انت جامد بصراحه

[جبل عالي]

ايوووووة على يدى

شاعرة قاعدة هنا
وفيلسوف قاعد هناااك


ومورشدي على كلمة واحدة

وافقي ياحنين وافقي ياحنين

ده فيلسوف ولايكاته بالملايين


ههههههههه خربيت دماغك اعم انت

مبروك ليهم وعقبال عندكم كلكم بقاااا

[شاعرة الرومانسيه]

الله يخرب عقلك يا احمد وربنا وقعت قلبى

انا لسه بفتح لاقيت الحوار هاااااار اثوووووووود

انا عملت الحوار ده امته ههههههههههههه

بس حلوه الدوخه الى مسكانى من اول لايك

وربنا موتنى من الضحك

خزعبلايه فى الجون مفيش فايده فيك

مش هاتموت موته طبيعيه والله

[جبل عالي]

حد يعدل الكلام ياخواننا وربنا ماعندي زر التعديل

[morshooo]

اقتباس المشاركة الأصلية كتبت بواسطة حيــــــاة ❤ ههههههههههههه انت مسخرتها يابني حرام عليك لا بس جاامد الحوار تستاهلي ياحنين هههه منتظره محمود بقي

الله يمسخرك انتى كمان
ههههههههههه
كويس ان الحوار عاجبك
عقبال مانفرح بيكى قولى
ياااااااااارب

[شاعرة الرومانسيه]

ههههههههههههه انت مسخرتها يابني حرام عليك

لا بس جاامد الحوار

تستاهلي ياحنين هههه

منتظره محمود بقي

فرحانه اوى فى اختك ماشى يا هاجر
وانا الى بقول هاتاخدى حقى من مرشو
هههههههههه حق الولايا مش بيروح ابتى
يلا المسامح كريم احمد غالى عندى بقن