(محمود الصاروخ )اسئله جريئه اجابتها من القلب

[محمود الصاروخ]

برايك من هو الفريق المصري الذي يستحق لقب الافضل افريقيا ؟

قصدك علي السنين اللي فاتت ولا حاليا ؟
لو علي السنين اللي فاتت بشكل عام يبقي الارقام بتفرض علينا ان الاهلي يكون
الافضل في السنين اللي فاتت زي ما نفس الارقام بتفرض علي الكل ان الزمالك
هو الافضل في افريقيا طول القرن الماضي بلا منازع بس كـ زملكاوي مش المفروض
أعترف ان الاهلي الافضل لسبب بسيط جدا معروف للكل ان وقت ما الاهلي اخد
لقب القرن الاهلاويه اقتنعو بيه مع ان الزمالك كان الاكتر في عدد البطولات
فـ مش مطلوب مني اعترف بكده لمجرد ان الاهلي الاكتر في البطولات
بنفس منطق كل ماهو اهلاوي


لكن لو قصدك حاليا
صن داونز هو بطل افريقيا لوصوله للنهائي وتتويجه بالبطوله بالرغم مش انه الفريق البطل لكن توج بالبطوله والواقع يقول بانه الافضل في افريقيا وعلي المستوي المصري
الزمالك افضل الانديه المصريه في افريقيا حاليا لوصوله لنهائي الاميره الافريقيه
وخروج الاهلي من دور المجموعات كـ مركز تالت أكبر دليل علي كده
بنفس منطق الاهلاويه في الحكم علي كل شيء

[عهود~]

اه انا اقصد الان

طيب والاهلي الان هو بطل الدوري والمفروض هو الافضل

لو لك راي تاني

[محمود الصاروخ]

اه انا اقصد الان

الزمالك حاليا هو افضل الانديه مصريه
والدليل وصوله لنهائي البطوله الافريقيه هذا العام
وخروج الاهلي كـ ثالث مجموعه في دور المجموعات


طيب والاهلي الان هو بطل الدوري والمفروض هو الافضل
لو لك راي تاني

علي الورق وبالارقام متفق معاكي تماما في النقطه دي
الاهلي هو بطل الدوري الموسم الماضي شئنا أم ابينا لكن حابب أخدك دقيقه
لدوري 2015 اللي فاز بيها الزمالك ولو بصينا علي مباريات الزمالك من اول
مباراه لأخر مباراه هنلاقي ان الزمالك ممكن يكون استفاد واتضر من التحكيم
والدليل مباراة انبي والاهلي والمقاصه وهنا يدل علي ان التحكيم مكنش له إيد
في ان يتقال علي الزمالك بطل الدوري لانه استفاد من حاجات كتير واتضر

لكن بطولة الموسم الماضي اللي الاهلي توج بيها
نبدأ اولا بالتحكيم وزي ما قولنا ان الخطأ التحكيمي وارد علي الكل وكل فريق
بيستفاد وبيتضر من التحكيم والزمالك استفاد واتضر كتير جدا من التحكيم واكبر دليل
ان الزمالك فضل 5 شهور كاملين مابيتحسبش له ضربات جزاء وبتكون صحيحه
مليون في الميه يعني كان بيتضر أكتر ما بيستفاد أما الاهلي الموسم الماضي
استفاد لكن لو جبتي لي مباراه كان فيها خطأ ضد الاهلي حتي لو بغلطه تحكيميه
هعترف بكلامك ده بس مقصدش أي خطأ انا اقصد الاخطاء المؤثره
معني كلامي ان الزمالك استفاد بسيط واتضر كتير لكن الاهلي استفاد بس
ولا هنا يكون الخطأ التحكيمي وارد علي الكل ماعدا الاهلي ؟
الحكام بيكونو ملايكه في ماتشات الاهلي بس ؟

ولما يخرج رئيس اتحاد الكره قبل مباراة القمه يقول اتمني ان يحسم الاهلي
الدوري قبل مباراة القمه ده ميدلش علي حاجه ؟
حاجات كتير في الدوري اللي الاهلي اخده عهود
لكن علي الورق وبالارقام الاهلي هو بطل الدوري وليس الافضل
لأسباب هقولك عليها

الاهلي أخد البطوله مش لإنه الافضل لا بالحاجات اللي قولتلك عليها والدليل
ان الاهلي لو الافضل كان هيكمل في بطولة افريقيا وكان هياخد كاس مصر
لكن لما اتغير التحكيم واتغيرت عوامل كتير الاهلي بان علي حقيقته

الدوري اللي قبله الزمالك كان الافضل في مصر ليه ؟
الدوري والكاس و وصول لنصف نهائي الكونفدراليه

فهمتي قصدي ؟

[عهود~]

فهمت قصدك واتفق معاك ان الزمالك هو الافضل حاليا

والافريقية يعوضها يارب

[محمود الصاروخ]

فهمت قصدك واتفق معاك ان الزمالك هو الافضل حاليا
والافريقية يعوضها يارب

الزمالك في تاريخه معروف عنه مدرسة الفن والهندسه ودايما بيكون فيه
لاعيبه عاليه ويمكن افضل لاعيبه في مصر لكن بحس انهم بيكونو محتاجين
يسحو بالمسئوليه شويه عشان يقدرو يكملو أي بطوله ودي حقيقه
ينقص الزمالك حاليا كمان الاستقرار الاداري بعد الاستقرار المادي
لان الاتنين طول حاليا كنا بنعاني منهم وقت مجلس عباس

وتأكدي ان شخصية البطل عمرها ما بتدوم وأكبر دليل ان أبطال القرن الماضي
أخدوا وقتهم وطلع انديه تانيه سيطرت زي الاهلي وغيره ومن الوارد اننا
نشوف الاهلي بعيد عن البطولات الافريقيه لسنين كتير بحكم
ان شخصية البطل عمرها ما بتدوم لحد

[محمود الصاروخ]

لان الاتنين طول السنين اللي فاتت كنا بنعاني منهم وقت مجلس عباس

[ايمان طلعت]

انت لسه قاعد هنا هههه
اطول استضافه في تاريخ الاستضافات
منور محمود

[محمود الصاروخ]

انت لسه قاعد هنا هههه
اطول استضافه في تاريخ الاستضافات
منور محمود

المفروض بقي يكون ليا مشاركات او نجوم هديه هههه
بس لسه هكون هنا طول ما فيه حد بيسأل اكيد
تسلمي أ/ايمان
النور نورك والله