فضفضة حرة/ فضفضة حرة

[شاعر الحب الحزين]

في الحقيقة انا واحد من الناس معرفش افضفض

ولا اقول على أي حاجة تاعباني ومهما كان حجم الصدمة

بلتزم الصمت ودموعي صعب اخلي حد يلمحها

لما التزم الصمت هنا يبقى اكيد في حاجات اتصدمت بيها هنا

منعتني من الكلام لأني بفصل بين حياتي اللي هنا عن حياتي اللي بره

أنا مش بحب اشوف حد حزين أو تعبان ومش بحب حد يشوفني بالحالة دي

جربت إحساس إن معظم الناس اللي بتحبهم يوجعوك من غير ما يحسوا

إنهم بيوجعوك ومن غير ما يقصدوا إنهم يوجعوك مين هيكون موجوع غيرك؟

انا واحد من الناس لو هموت صعب جدا اني اقول عاللي تاعبني لأي حد

معرفش إن كان ده كبرياء أو عدم مبالاة أو لأني عارف إن لو قلت محدش هيفهمني

انا لا بحب امدح نفسي ولا احب حد يمدحني ولا احب اكون المشفوق عليه من حد

انا قد ما اخسر ف حياتي مش بهتم لكن لو اخسر حد بحبه ممكن اخسر حياتي قصاد خسارته

انا عمري ما كان هدفي ماديات أو مصالح انا هدفي الوحيد إني ارسم البسمة قد ما اقدر

فضفضتي مش للمسابقة فضفضتي دي هي الموضوع الوحيد اللي اتكلمت فيه عن نفسي

شكرا لقلوبكم الطيبة وربنا يوفقكم جميعا

[العاشق الذى لم يتب]

انت حد راقى حنون
تحمل قلب طيب ناصع البياض
احبك فى الله
واتمنالك كل الخيروالسعادة
ولك تقديرى لقلمك الجميل
وشخصك الراقى

[عاشقه الورد]

اللى باعك بيعه
واللى هان عليه تعبك والمك انساه
االايام هتعوضك
ربى يسعد قلبك اخى

[شاعر الحب الحزين]

اقتباس المشاركة الأصلية كتبت بواسطة العاشق الذى لم يتب انت حد راقى حنون تحمل قلب طيب ناصع البياض احبك فى الله واتمنالك كل الخيروالسعادة ولك تقديرى لقلمك الجميل وشخصك الراقى

وانتا غالي عندي رفعت وبحبك يا طيب

شرفني كلامك واعتز بمعرفتك ابو الروف

ربنا يوفقك ويسعدك رفعت

منور الدنيا

[شاعر الحب الحزين]

اقتباس المشاركة الأصلية كتبت بواسطة عاشقه الورد اللى باعك بيعه واللى هان عليه تعبك والمك انساه االايام هتعوضك ربى يسعد قلبك اخى

عندك حق بكلامك ونصيحتك الجميلة

تسلمي عاشقة الورد لتواجدك الطيب وردك النبيل

نورتيني واسعدتيني بحضورك الرقيق

ربنا يوفقك ويسعدك

[حازم34]

شاعرنا الراقي الجميل الطيب الراقي


انت تملك قلب جميل يقدر الحب


وانت يكفي انك محبوب من الاخرين لخلقك الطيب الجميل


ولكن في حالات صادمه لايجوز الصمت لان القلوب الطيبه تتعب من ها الصمت


فلابد ان تفضفض مع من تثق فيهم


حتي يرتاح قلبك


انت قلب جميل اخي ونري ذلك في حسك الشعري


وعلاقتك الجميله بالجميع

اسعد الله قلبك وحفظك ورعاك


اتمني لك كل جميل

[*فجر الاسلام*]

مش بنتكلم لان مش هنلاقى اللى يفهمنا
وليس غرور او اى شئ
ولان الكلام محدش بيسمعه الايام دى فبنكتم جوانا ونسكت
ربى يسعد قلبك شاعرنا
تحياتى لك

[حـيـــــآة ❤]

علفكره انا واحدة من الناس مش بقدر افضفض

غير لما بكون فعلا ف اسوء حالاتي ودايما مبعرفش افضفض لحد قدامي

يعني ساعات لما تقفل عليك الغرفه وتفضفض للجدران بيكون افضل من بني ادم
فضفضه راقيه للي يفهمها بس
والرقي من اهل الرقي

[شاعر الحب الحزين]

اقتباس المشاركة الأصلية كتبت بواسطة حازم34 شاعرنا الراقي الجميل الطيب الراقي انت تملك قلب جميل يقدر الحب وانت يكفي انك محبوب من الاخرين لخلقك الطيب الجميل ولكن في حالات صادمه لايجوز الصمت لان القلوب الطيبه تتعب من ها الصمت فلابد ان تفضفض مع من تثق فيهم حتي يرتاح قلبك انت قلب جميل اخي ونري ذلك في حسك الشعري وعلاقتك الجميله بالجميع اسعد الله قلبك وحفظك ورعاك اتمني لك كل جميل

أمير المنتدى القلب الطيب

بعتز جدا بشهادتك الجميلة يا حازم

واكن لك كل مودة وتقدير واحترام

سلمت وسلم نبض قلبك النقي أخي الحبيب

احترامي يا ابو الحزم يا غالي

[شاعر الحب الحزين]

اقتباس المشاركة الأصلية كتبت بواسطة fagr alislam مش بنتكلم لان مش هنلاقى اللى يفهمنا وليس غرور او اى شئ ولان الكلام محدش بيسمعه الايام دى فبنكتم جوانا ونسكت ربى يسعد قلبك شاعرنا تحياتى لك

عندك حق

ويسعد قلبك انتي كمان فجر

نورتيني بتفاعلك وتواجدك الطيب فجر

الله يوفقك ويسعدك