(7) أنا ومدونتى مع...طارق طروق

[*فجر الاسلام*]

ازيكم عاملين ايه النهارده معانا المدونه انا مسمياها المدونه العجيبه مدونة انا مجرد عابر سبيل فى الدنيا معانا العضو طارق طروق اولا ازى الحال الجمد لله بخير اشكرك عامل المدونه من امتا؟ من حوالى كدا 6 شهور وليه اخترت الاسم ده اخترت الاسم لأننا كلنا ضيوف فى الدنيا وانا بعتبر نفسى عابر سبيل فى الدنيا ومصيرى مهما روحت ومهما جيت ومهما بقيت مصيرى الموت ايه السبب اللى خلاك تدخل صفحات مكشوفه وتفكر تعمل مدونه او كان ايه هدفه ساعتها؟ المدونه فى نظرى عباره عن تنفيس عن النفس بكل ما يدور بخاطرى بعيد عن الحزن والهم والغم وكان الهدف اكتر من المدونه عشان اسعد الاخرين حتى لو بأبتسامه مش معقول هكتب عن احزانى او مشاكلى لأن البعض متابع مدونتى واكيد مش ناقصين حزن وهم وبالمناسبه كتير جدا بكتب حاجات خفيفه مضحكه ووقتها ببقى احيانا حزين او مضايق زى ما قولت عشان اسعد الاخرين شايف انك قادر توصل افكارك وارائك عن طريقها ولا لا ؟ هو اكيد لما اوصل افكارى وارائى فيه ناس هيوصلها ده وفيه ناس هتاخد الافكار والاراء عادى ومش هتتأثر بيها لكن غالبا اعتقد انها بتوصل لكم كبير من المتابعين وبالمناسبه بشكر الجميع قابلتك مشاكل بسببها او بسبب كتاباتك قبل كده ؟ لا ابدا مافيش مشاكل ولا حاجه عشان على اد ما بقدر بحاول اكتب فى حدود السلوك العام مين اكتر الاعضاء اللى بيدخلوها ؟ اكتر الاعضاء اللى بيدخلوها انتى طبعا وحياه وانجى وخلود ويويا والبعض بيدخلها بس بيكون مجهول الاسم والعنوان وايه اكتر مدونه بتحب تتابعها؟ بتابع كل مدوناتك انتى وحياه وانجى وخلود وبكون مجهول الاسم والعنوان لبعض المدونات على مبدأ رعينى قيراط اراعيك قراطين شايفها مكان عادى زى اى مكان بالمنتدى ولا مختلف؟ لا طبعا مختلف خالص خالص بتحسى كدا انك فى المدونه قاعده فى اوضتك وبتاخدى راحتك وبطلعى كل اللى جواكى بتنفسى عن نفسك بعدها بتحسى براحه بتجيلك تقييمات؟ ايوه بتجينى تقيمات بس مش كتير ايه اكتر تقييم عجبك ولسه فاكره؟ بصراحه كل التقيمات اللى بتجينى دمها خفيف وكلها عجبانى بس اكتر تقييم عجبنى من حد هنا هو ي ابني انت ايه موتني ضحك ع الصبح اهدي وبطل رفع ف ياقاتك ي ابو توكتوك بم ان معظم كلامك تريقه على البنات مش خايف للبنات ينقلبوا على مدونتك ^_^ هو مش تريقه بمعنى تريقه انا بكتب بأسلوب ساخر خفيف على بعض البنات مش كل البنات طبعا وكتبت على بعض الشباب وهكتب تانى على بعض الشباب عشان محدش يزعل من البنات ويفتكر انى منحاز للشباب ضد البنات وانا مش ملاك اكيد عندى اخطاء وعيوب لأنى بشر لوقلتلك انى هحذف مدونتك دلوقتى هتعمل ايه هعمل ايه؟ دا انا هقلب الدنيا وهشتكيكى لمجلس الامن والامم المتحده لو معملوش حاجه هشتكيكى لأم سيد بتاعت الخضار عايزه تضيعى سهر الليالى فى لحظه؟ عندك اقتراحات حابب تخدم بيها القسم و المدونات؟ انتى فاجئتينى بالسؤال ده وعشان كدا معنديش دلوقتى لكن ممكن افكر بعد كدا فى فكره تخدم القسم والمدونات وشكـــرا: العفو وانا اللى متشكر جدا واتمنى اكون وفقت فى اجاباتى وبشكرك وبشكر كل متابعيكى ومع السلامه بقى نورت والله ياطارق ربى يسعدك اتفضل هدية البرنامج دمتم فى حفظ الرحمن

[واد حبيب]

حلقه جميله مع طارق
انا بحب اتابع المدونه عنده علشان بيتريق علي الغفر قصدي البنات
خالي بالك يا عم دولت مش عندهم رحمه
تسلمي يا فجر علي الحلقه

[ParoOo]

منور يا طاارق ^_^
تسلم ايديكى يا فجر

[جبل عالي]

اولا المدونة دي انا معرفهاش نوهائي
ولا تابعتها من اول ما اتفتحت
ولا اعرف عن صاحبها حاجه خالص


يعني معرفش انه انسان محب للحياة
ولا كتبت عنه قبل كده ف مدونتي
ولا بعتله تحذير ...
ولا اعرف انه فعلا بيرسم البسمة
وان روحه حلوة ...لا لا لا

ملحوظة بقاااا....
كتير اوي بدخل مدونته وانا حالفه يمين
انى مش هنفعل ولا هضحك ولا هتاثر باى كلمة

ويادوب اقرا كام مشااركة الاقيني هموت من الضحك


وعشان كده انا باطالب ان مدونته تتلغي وهو ينضرب بالرصاص

لانه خطر ع النكد والهم ...وانا بحبهم الصراحه ههههههههه


ع فكرة اطارق ....اللى بيضحك كتير كده
اكيد جواه حزن والم بيحاول يداريهم
ولو التقييمات عندى متاحة كنت رديت ع كل تقييماتك والله
ربنا يحفظكم جميعا




ويلا بقا انا رغيت كتير

[Fatma eissa]

حوار طيب
مع طارق
ومجهود
مميز
يافجر
تسلم ايدك

[فصيح]

حوار جميل مع طارق
ومجهود مميز يافجر
خالص تحياتي

[حـيـــــآة ❤]

منور طارق
بحب مدونته بتضحكني
تسلمي فجر ع الاستضافه
حفظكم الله

[طارق طروق]

بشكركم جميعا على تعليقاتكم الجميله اللذيذه
وده نوركم انتم اللى منورين
وتسلمى يا فجر على مجهودك
اما انتى بقى يا جبل عالى
وقعتك مش فايته هههههههه
بقى تقولى وعشان كده انا باطالب ان مدونته تتلغي وهو ينضرب بالرصاص
ماشى يا جبل انا هرد عليكى فى مدونتى مش هنا ههههههههه

[*فجر الاسلام*]

اقتباس المشاركة الأصلية كتبت بواسطة واد حبيب حلقه جميله مع طارق انا بحب اتابع المدونه عنده علشان بيتريق علي الغفر قصدي البنات خالي بالك يا عم دولت مش عندهم رحمه تسلمي يا فجر علي الحلقه

غفر اومال انتو ايه شيخده الغفر بقى
تسلم يا ابو اياد ربىمالو يسعدك

[*فجر الاسلام*]

اقتباس المشاركة الأصلية كتبت بواسطة ParoOo منور يا طاارق ^_^ تسلم ايديكى يا فجر

تسلمى نورتينا