انا مواطن

[a7med -3del]

انا مواطن
عايش لكن
بياض قلبي
سواد داكن
في كل معاركي تلاقاني
بحارب بس بلساني
وبردد هتاف وكلام
يعاكس دنيا كارهاني
انا القصة
وانا التفاصيل
سمار لوني
بيشبه نيل
بيشبه حاجة عارفاني
انا الخانة اللي خانقانا
روتين ورتوش
انا الحلم اللي فات جمبي
وملحقتوش
انا الماضي اللي مش راجع
انا الاحباط وانا الدافع
انا صوت الزحمة اللي بتعاكس
مرور شارع
انا المترو اللي شايل ناس
في كل محطة بتنازع
انا المظلوم
وانا الجاني
وجمب الحيط ده عنواني
وماشي سليم
ورامي تكالي علي ربي
اللي اسمه كريم


انا مواطن
بموت لكن
.......


Ahmed adel
24-11-2016

[توحد ارواح]

رغم كل الضغوطات والاحباطات
ربنا كريم وفرجه قريب
سلمت والنبض

[أميرة محمود]

كلمات منطقية أعجبنى واقعيتها
فحقا الإنسان منه الخير ومنه الشر
وهذه الكلمات الأكثر واقعية:
انا الاحباط وانا الدافع
انا المظلوم وانا الجاني

[Lamees]

وادينا عايشين
طالع عينا لكن ساكتين

تسلم ايديك احمد

[*فجر الاسلام*]

ربنا يصلح الحال
عجبتنى اوى تسلم ايدك
ربى يسعدك