لسه بتوحشيني

[شاعر الحب الحزين]

مع إننا افترقنا وكل واحد عاش في حب تاني

مع إن حبنا انتهى ودبلت فيه الورود والأماني

مع إن اللي حبيتها من بعدك بحنانها مغرقاني

لكن معرفش ليه لسه بتبقي كتير واحشاني

وليه بحنلك ليه وإنتي بعيدة عني وناسياني

حاولت أنساكي لقيت حبك محتل كياني

انا قلت يمكن أنسى لما أعيش ف حب تاني

حبيتها وحبيتني تعبت وعملت حاجات كتير عشاني

عوضتني عن غيابك ما خلتنيش في يوم أعاني

بقت تغيب هي وافتقدك انتي ولما ترجع الفرح يملاني

كنت بشوفك فيها حتى لما بضمها بحسك انتي بين أحضاني

كانت حاسه إني مخبي حاجة ف قلبي ولما سألتني سكت لساني

معرفتش أرد وم اقدرش اكدب سبت دموعي تتكلم قالت واحشاني

كان حبها أكبر من حبك ليا وكانت اكتر منك مهتمة فيا وفاهماني

ثقتها الزايدة خلتني أحنلك كتر اهتمامها خلا قلبي عليها جاني

وبرده لسه بتوحشيني مع إني مش عايزك ترجعي من تاني

نفسي ابطل احبك ونفسها اني احبها قد الحب ده ولو ثواني

م اقدرش ابعدك عنه م اقدرش ابعد عنها م اقدرش انسى الحب الأولاني

اخترتك وهي اختارتني حبيتك وهي حبيتني حبيتها وسبتله مكاني

كان لازم أحبها مكنش ينفع اغلط نفس غلطتك عشان انا مش زيك أناني

يمكن افضل فاكرك يمكن تفضلي واحشاني بس مش هعيش ف الوهم تاني



شــــــــــــــــــــــــــــــــــــــــــــ . حـــــــــــــــــــــــــــــــــــــــــــــ

[ندوشه 2011]

ودا من ايه. لا ألف سلامه عليك

[*فجر الاسلام*]

فى الاخر جبت الاخر
مش هعيش فى الوهم تانى
هو فعلا وهم ولازم يتنسى
تسلم شاعرنا ربنا يسعدك
تحياتى

[العاشق الذى لم يتب]

اكيد الشوق موجود
طالما كان فى الاصل صادق الحب
كلمات ولااروع
من مشاعر نقية
باقات السوسن
وتحياتى وودى

[Fatma eissa]

كل واحد بيكون فيه حياته
الحب لأول
ونظرة لأولي للحب
ف يفتكر مهما كان سيستمر
بس لأسف ينتهي
ويأتي الحب التاني
ويخليك يفتكر أن قبله
كان سراب
بس مهما كان بيضل يحن
عشان خد من ايام حياته
كلمات جميله
وفيها حنيه ايام
زمان

[شاعر الحب الحزين]

اقتباس المشاركة الأصلية كتبت بواسطة ندوشه 2011 ودا من ايه. لا ألف سلامه عليك

الله يسلمك ندى

تسلمي نورتيني

الله يوفقك ويسعدك

[شاعر الحب الحزين]

اقتباس المشاركة الأصلية كتبت بواسطة fagr alislam فى الاخر جبت الاخر مش هعيش فى الوهم تانى هو فعلا وهم ولازم يتنسى تسلم شاعرنا ربنا يسعدك تحياتى

محد بيتعب قد اللي بيحب من قلبه

مهما يضحي بيلاقي الجفا من حبايبه

تسلمي فجر لتواجدك الطيب

اسعدتيني بكلامك وحضورك

ربنا يوفقك ويسعدك

[شاعر الحب الحزين]

اقتباس المشاركة الأصلية كتبت بواسطة العاشق الذى لم يتب اكيد الشوق موجود طالما كان فى الاصل صادق الحب كلمات ولااروع من مشاعر نقية باقات السوسن وتحياتى وودى

تسلملي رفعت الغالي الأروع تواجدك

نورتني واسعدتني بتواجدك وكلامك الطيب

الله يوفقك ويسعدك

[شاعر الحب الحزين]

اقتباس المشاركة الأصلية كتبت بواسطة fatma eissa كل واحد بيكون فيه حياته الحب لأول ونظرة لأولي للحب ف يفتكر مهما كان سيستمر بس لأسف ينتهي ويأتي الحب التاني ويخليك يفتكر أن قبله كان سراب بس مهما كان بيضل يحن عشان خد من ايام حياته كلمات جميله وفيها حنيه ايام زمان

عندك حق خصوصا إن احنا اتعودنا

على وجودهم ف حياتنا

دايما في القلب حنين للماضي الجميل


تسلمي فاطمة لتواجدك وتفاعلك الجميل

نورتيني واسعدتيني بروعة حضورك وصدق احساسك

الله يوفقك ويسعدك

[دمعه حائره]

حيرة مشاعر ماينفعش تستمر كتير
لان الخساره هاتكون كبيرة
كعادتك مبدع وتكتب كل جديد وراقى