(9) أنا ومدونتى...مع سهـــر

[*فجر الاسلام*]

السلام عليكم ورحمة الله وبركاته حلقة جديده من انا ومدونتى ومعانا صاحبة المدونه ميِـلاد جـدِيد !~ معانا العضوه سهـــر اولا ازى الحال ؟ الحمدلله زي الفل عامله المدونه من امتا؟ 26 - 12 - 2012 وليه اخترتى الاسم ده ؟ انا غيرت الاسم 4 مرات قبل كدا كل اسم كان بيكون ليه علاقه بفتره في حيات ايه السبب اللى خلاكى تدخلى صفحات مكشوفه وتفكرى تعملى مدونه او كان ايه هدفك ساعتها؟ كان في شخص هنا معانا هو اللي شجعني اعملها مكنتش حابه الفكره وقتها بس بعد كدا الموضوع عجبني وبالذات اني بسجل فيها لحظات خاصه بيا لما بكون زهقانه بفضل اقلب فيها واشوف انا كنت ازاي قبل كدا شايفه انك قادره توصلى افكارك وارائك عن طريقها ولا لا ؟ انا بكتب فيها اللي انا حساه واللي انا شيفاه صح ومقتنعه بيه مش بيهمني راي الناس اوي لان اصعب حاجه تقنع حد بوجهة نظرك ايه المميز فى المكاااان (المدونه) كل حاجه بنكتبها فيها بتكون ذكرى بعد كدا بتفكرنا بموقف معين قابلتك مشاكل بسببها او بسبب كتاباتك قبل كده لا مين اكتر الاعضاء اللى بيدخلوها ؟وايه اكتر مدونه بتحب تتابعيها؟ انتي وهاجر وطارق وابوعصام ومنه واحيانا انجي وكلكم منورين شايفاها مكان عادى زى اى مكان بالمنتدى ولا مختلف؟ لا طبعا مختلف مكان ملكي انا لوحدي بتجيلك تقييمات؟ كتير ^^ كل التقييمات كانت بسببها في الاقوى سمعه كنت رقم 4 قبل كدا بس لما قطعت المنتدى فتره رجعت لورا ايه اكتر تقييم عجبك ولسه فاكراه؟ مفيش حاجه معينه بس لما كانو صحابي بيدخلو قبل كدا كنت لما انزل حاجه اني معترضه عليها يدخلو ويرخمو عليا ويهزروا معايا ......لوقلتلك انى هحذف مدونتك دلوقتى هتعملى ايه وانتي هتبقي كدا عندك افكار او اقتراحات حابه تخدمى بيها القسم و المدونات؟ انا نفسي نرخم كل اسبوع على عضو ونخلي مدونته مفتوحه اي حد يدخل يكتب فيها واللي عايز يكتبله حاجه يدخل بس حاجه تكون ذكرى حلوة هههه حلوه دى شكـــــرا عفوا ي حبيبتي شكرا على استضافتي والاسئله الجميله شكرا يا قمر نورتى ربى يسعدك اتفضلى بقى هديه دمتم فى حفظ الله ورعايته

[حـيـــــآة ❤]

سهوره جميله
ومدونتها اجمل
تسلموا يابنات

[العاشق الذى لم يتب]

منورة البرنامج
سهر
وروعة اجابة
مع خفة دم
والشكر
فجر
والمجهود الرائع
والبرنامج الراقى

[morshooo]

منورة يا سهر التوبيك
وسهر يمكن قليل الى يعرفها
كانت من الاعضاء المميزة فى المنتدى
وليها بصمه مهمه فى المنتدى
اتمنالك التوفيق

فجر مجهود مميز
وتوبيك بيعرفنا الاعضاء بشكل كويس
بالتوفيق

[طارق طروق]

حوار جميل واجابات رووووعه من سهر
منوره يا سهر
ومجهود جميل يا فجر
ومنوره
كنت هنا
ومع تحياتى لسهر وفجر

[سهـــر]

تسلموا منورين ^^

[*فجر الاسلام*]

حيــــــاة ❤

تسلمى حياتو
يارب منوره كده دايما

[*فجر الاسلام*]

العاشق الذى لم يتب

الشكر ليك يا استاذ
ربنا يكرمك منور

[*فجر الاسلام*]

morshooo

مشكور يا سيد مورشو
على تواجدك الراقى
ربنا يسعدك ويوفقك يارب

[*فجر الاسلام*]

طارق طروق

شكرا ليك ياطارق
مرورك اجمل ربنا يسعدك
تحياتى ليك