تايه

مش هقولكم انا مين ولا داخل ليه
ممكن داخل عشان اقرا كلامى
او اشوف ردكم على كلامى
بس فى الحالتين لازما اطلع اللى جوايا
عرفتهم هما الاتنين
كل واحده وفيها حاجه مش موجوده فى التانيه
الاولى امان مستقبل زواج
التانيه حياة راحة احاسيس
والقاسم المشترك بينهم "انهم يحبوننى بجنون"
الاولى حب محلل فهى انسه
الثانية حب محرم فهى متزوجة
تايه بين انى اختار مستقبلى وادوس ع مشاعرى
وبين انى اختار مشاعرى فادوس ع مستقبلى
ودده طبعا غير انى بختار بين الجنة والنار
عارفين انا لو عليا اتمنا انى اموت واستريح

[Dr. AnOosHo]

wallhi ay kalam 7ayeb2a malosh fayda l2nak 3aref el far2 bas me7tag kowet erada

rabina yewaf2ak ..... kol 7aga fe awelha sa3ba we b3den bet3adi we benstaghrab tsarofatna we tafkerna wa2tha

[حـيـــــآة ❤]

السلام عليكم

اولا اهلا بحضرتك ف القسم
ثانياً :
الامر واضح جدا حضرتك لايمكن تضحي بحياتك عشان إمرأه متزوجه
اسمحلي اقولك هي لو قابله بهذا فهي تعتبر خاينه
اختار صح قبل ماتندم
مشكلتك واضحه جدا وحلها سهل اوي

دوس على نفسك دلوقتي تتهني بحلول وحياه افضل باذن الله

اتمني اكون افدتك
الله يهنيك

[دمعه حائره]

انت تقريبا عارف انت عاوزة ايه لكن مش قادر تاخد القرار
لازم زى مابنعلم النفس القناعه نعلم قلوبنا كمان
وتعرف حلاوة طعم الحلال
لو مش عارف تحدد مشاعرك رايحة لمين
يبقى مابتحبش حد فيهم وبتتسلى
ولو هاتختار بعقلك يبقى تختار الانسه
لان الخيانة بتخلى طعم الحياه مر مهما كانت اسبابها
موقفك اكيد لاتحسد عليه وخصوصا ان الشيطان بيحلى الحرام ديما
ربنا يلهمك الصواب

[انجي_1]

بص المتزوجة من الاخر مش هينفع
دي ليها زوج ازاي قدرت تعمل معاك علاقة اصلا من ورى زوجها وتخون ؟؟؟؟؟؟؟؟
دي ملهاش امان اصلا وزي ما خانت زوجها معاك هتخونك وهي ف بيتك
بتحبها ؟ نصيحة مني دوس على قلبك
هتطلقها من زوجها وتجوزها ؟ هتندم عمرك كله صدقني
الي تخون زوجها دي ميتامنش ليها اصلا
دوس على قلبك
اجوز البنت الي بتحبك هي دي مستقبلك
فووووووووووق
اوعى تضيع نفسك

[مهيب الركن .]

علاقتك قايمه على الكدب والخداع مع الأتنين
ولا حضرتك عاوز تفهمنا انك معرفهم انك بتكلمهم هما الأتنين
وجايز فيه غيرهم
على العموم الأنسان اللى يكدب فى مشاعره ويسمع كل واحده الكلام اللى تحب تسمعه
لمجرد انه عاوز يعمل معاها علاقه والسلام ولو عرفها الحقيقه بمكن لا تبص فى وشه ولا تعرفه
العلاقه اللى قايمه على الكدب مصيرها النهايه
سواء دى أو دى انت كدبت عليهم
وعلى فكره
ممكن يكونوا هما كمان بيتعاملوا معاك بنفس الأسلوب وانت مش واخد بالك
كلامى ممكن تشوفه حاد بس انا بحب الصراحه والوضوح ويوم ما تفكر تعمل علاقه مع حد
الموضوع مش محتاج عمله معدنيه وتلفها وتختار ملك أو كتابه
الموضوع ان قلبك وعقلك يتفق على واحده
وطالما عملت موضوع زى ده
يبقى لا عقلك ولا قلبك متفق على حد فيهم

[ahmed 22]

عارف يا حجيج

انت مش محتاج نصيحة .. انا اللي ملاحظه من كلامك
أنك عاوز الدنيا تعلمك بالطريقة الصعبة ليس الا
اللي عندك مش اضطراب مشاعر ولا حب
اللي عندك اضطراب ايمان ومستني من حد يحلله ليك
ويسمعك كلام انت عاوز تسمعه وتصدقه ولو حتي مش صح ...
محتاج حد يريحك للغلط ليس الا ..

اقولك حاجة تريحك .. امشي مع المجوزة
واجوز المحللة ليك .. فولادك بعد كدا يتحرموا عليك .

المعادلة بسيطة
استمتع بحاضرك وانسي مستقبلك
او استغفر ربنا وانوي صح..
وتلاقي مستقبلك ..

[السفيره عزيزه]

اقول لك حاجه وما تزعل .
اصل انا مش هغشك لانك طالب المشورة
وحقك نخلص لك فى الرد .

اسمع يا سيدي

سبهم الاتنين .
ايوه زي ما سمعت كده .

البنوته فيها حاجة ناقصة والدليل انك لم تكتفي بها .
والثانية خاينة قولا واحد.

فلو اخت ال انت كنت بتكملها بحد .مش نافع
ولو اخت الخاينة هتربي العيال ازاي وطلع لك ابناء
صالحين ولا انت مش مشكله عندك النقطة دي .

يبقي ابحث عن واحده تعرف ربها .لم تعطى تلوفنها ولا صورتها
ولالالا لاى احد ما له الحق .

ما له الحق دي يعنى عقد عليها ومش خطبها لان الخاطب
ما له حق فى اي حاجة ناهيك عن ال معرفة شغل او فيس او
او او ...
وكمان عوزه اقول لك حاجه .اوعه تروح لبت عارفه ربها
الا ما تكون عارفه انت كمان اصل مش هترضا بيك ولو كنت
غنى جدا وكمان وسيم وكمان معاك شهادات الدنيا..

يلا بقا انا قلت ال انا شيفاه .

ربنا يردك للحق ويقسم لك بالخير
قول امين

[*فجر الاسلام*]

قلبك محتاج يتحط بين ادين ربنا
هو اللى هيوريه الطريق الصح

[حازم34]

بصراحه فيه ردود كفليه بك


ولكني اقول ان التي تخون لاتخون زوجها بل تخون ربها


ولا امان لها


وفيه عليك حق لزوج هذه السيده فكيف ترده اليه لانك تعديت عليه



فانت في ها الحاله


لاتحب بصدق حتي في الانسه


اعجاب بالنفس ودي مصيبه


الحب غير خالص


تعرف لو الاتنين انسات

كنت قلت الك تزوجهن الاثنتين ولا ضير في ذلك لو كنت قادرا


ربنا يهدي قلبك