ايـهـ الـسـر ..!؟ مع ( طارق طروق )

[Eng Esraa]

مساء الخير ع الجميع بقا

معانا انهاردة توبيك جديد من ..

ايـهـ الـسـر ..!؟


و هيكون معانا ضيف جديد ..
ف البرنامج و ف المنتدي عموما
بس مش اوي .. علشان كده اخترت انه يكون معانا
الحلقة دي .. علشان نعرفه اكتر ..
و اللي حابب يوجه ليه اي سؤال ف اي حاجة .. هيتفضل


و زي ما معروف .. من حق الضيف/ة يعتذر عن سؤال مش قادر يجاوب عنه ..
تمام .. اسيبكوا معاه بقا ..

[طارق طروق]

اولا شكرا يا اسراء على اختيارك لى
انا عارف انك نفسك تشتهرى والعالم كله يكتب عنك
ويعملوا بقى معاكى مقابلات تلفزيونيه على القنوات الدوليه وكدا يعنى
عشان كدا انتى اخترتينى
وانا مستعد لأى سؤال مهما كان
وبشكرك مره تانيه يا اسراء
وبشكر مقدما كل من يتابع هذا التوبيك
ومنتظر اسئلتكم بعون الله
وتحياتى لكم جميعا
اتفضلو اسألوا بقى

[شاعر الحب الحزين]

تسلمي اسراء اختيار جميل لشخص أجمل

طارق من الشخصيات الجميلة شبابي وروحه حلوة

معنديش أي اسئلة بس حبيت أرحب بالضيف الجميل طارق

ربي يعطيكي العافية اسراء

[Fatma eissa]

اهلا بيك
ياطارق
منور البرنامج
قلي
ايه الي جذبك
للمنتدي
ولقيت ميزه
عن المنتديات التنيه

وبرنامج جميل ياسراء
تسلمي ايدك

[YOo YA]

حلوة الفكرة ا سوسو
وبالنسبه ليك ا عمو طارق جاي رافعلنا الياقه كدا
وناوي تشهر البنت
م تشهرني انا كمان 😁
قولي ا سيدي لقيت طنط تبع التوكتوك ولا لسه😂😉

[حازم34]

هلا ومرحبا بالقلم الجميل الراقي


طارق منور البرنامج


والله واختيار موفق لشخصيه راقيه


سؤالي سياسي شوي


الي اي التيارات السياسيه تنتمي


ومارايك في ها التيارات

مشكور

[danamohamed]

مشروب يستهويك دائما؟

[طارق طروق]

اقتباس المشاركة الأصلية كتبت بواسطة شاعر الحب الحزين تسلمي اسراء اختيار جميل لشخص أجمل طارق من الشخصيات الجميلة شبابي وروحه حلوة معنديش أي اسئلة بس حبيت أرحب بالضيف الجميل طارق ربي يعطيكي العافية اسراء

عزيزى شاعر الحب الحزين
بشكرك جدا جدا على كلماتك الجميله الرائعه النبيله
كلماتك التى بمثابه وسام على صدرى
والاجمل هو وجودك يا غالى وشرفت ونورت
ومع تحياتى لشخصكم الكريم

[طارق طروق]

اقتباس المشاركة الأصلية كتبت بواسطة Fatma eissa اهلا بيك ياطارق منور البرنامج قلي ايه الي جذبك للمنتدي ولقيت ميزه عن المنتديات التنيه وبرنامج جميل ياسراء تسلمي ايدك

اهلا وسهلا بيكى يا فاطمه منوره
اللى جذبنى للمنتدى ادب وذوق
وخفه دم الناس اللى فيه طبعا مش كل الناس
عشان انا متعاملتش مع الكل وكمان المنتدى دا هادى
لدرجه انك سعات تحسى كدا انك داخله صحراء وماشيه فى الهو

[طارق طروق]

اقتباس المشاركة الأصلية كتبت بواسطة YOo YA حلوة الفكرة ا سوسو وبالنسبه ليك ا عمو طارق جاي رافعلنا الياقه كدا وناوي تشهر البنت م تشهرني انا كمان 😁 قولي ا سيدي لقيت طنط تبع التوكتوك ولا لسه😂😉

عمو طارق؟ دا انتى فى سن جدتى يا تيته يويا
وانا لسه صغنون عندى حوالى كدا بتاع 100 سنه
ال عمو ال عيب عليكى
اما بخصوص التوكتوك ايوه لقيت طنط ام سيد بتاع الخضار
منوره يا يويا