اتعودت على ضحكتك

[شاعر الحب الحزين]

اتعودت على ضحكتك

حتى ف عز تعبك

ما غابت يوم ضحكتك

مالك إيه جرالك

فين حنانك فين رقتك

لو هما طبعهم كده

دي غلطتهم مش غلطتك

متشغليش بالك بيهم

وعيشي دي حياتك ودنيتك

كل جرح وله دوا

متخليش جرح الهوى يعرف سكتك

كلهم قادرين يتغيروا

متستغربيش قسوتهم لو زادت حنيتك

هما بطبعهم يغدروا

ومن غير ما يفكروا قرروا يكسروا لعبتك

اللعبة لسه هتبدأ

العبيها صح المرة دي وفوقي من صدمتك

إنتي كده فهمتيهم

احفظي أطباعهم جايز يتكرروا ف رحلتك

يا تكوني قوية يا تبعدي

لو هتستسلمي هتبقى القوة بس ف كلمتك

لسه الأمل موجود

خدي بالأسباب وخليكي دايما راضية بقسمتك

دلوقت بقولك اضحكي

مفيش حاجة تستاهل زعلك ده ودمعتك

متداريش أي ألم جواكي

أنا قلبي معاكي واخاف انا على صحتك

ما تزعليش ما تفكريش

ده كل الحزن يهون قصاد جمال ضحكتك



شــــــــــــــــــــــــــــــــــــــــــــ . حـــــــــــــــــــــــــــــــــــــــــــ

[عاشقه الورد]

كلمات جميله
سلم قلمك
لك تقديرى

[شاعر الحب الحزين]

اقتباس المشاركة الأصلية كتبت بواسطة عاشقه الورد كلمات جميله سلم قلمك لك تقديرى

سلمتي وسلم نبضك الرقيق

الأجمل تواجدك الرقيق

أسعدتيني حضورا وقولا عاشقة الورد

كل التقدير لك

[ندوشه 2011]

تصدق كلامك جه فى وقته انا نفسي أبقى زيه

[ندوشه 2011]

عارف يا والدى طريقه كلامك تشبه طريقه كلام المحترم بس انت مش هو هههههههاي سلامات يا والدي

[*فجر الاسلام*]

مفيش حاجة تستاهل زعلك ده ودمعتك

كلامك جميل شاعرنا
ياربتنا نقدر ننسى ومانزعلش على اللى طلعوا من حياتنا
ربى يسعدك تحياتى

[شاعر الحب الحزين]

اقتباس المشاركة الأصلية كتبت بواسطة ندوشه 2011 عارف يا والدى طريقه كلامك تشبه طريقه كلام المحترم بس انت مش هو هههههههاي سلامات يا والدي

افندم !!

الله يسلمك ندوشه

نورتي

[شاعر الحب الحزين]

اقتباس المشاركة الأصلية كتبت بواسطة fagr alislam مفيش حاجة تستاهل زعلك ده ودمعتك كلامك جميل شاعرنا ياربتنا نقدر ننسى ومانزعلش على اللى طلعوا من حياتنا ربى يسعدك تحياتى

الأيام بتنسي يا فجر

تسلمي الاجمل حضورك وتفاعلك اكيد

نورتيني يا طيبة واسعدني ردك وتواجدك

ربي يوفقك ويسعدك