يا سلام علي محشي المصريه --- تسلم الايادي

[حازم34]

تحيه طيبه للجميع


الاكل فعلا عادات وكل بلد لها سلوها في اكلها


قبل سنوات اشتهيت الملوخيه

وطلبتها من اخت حمويه


وانتظرت الملوخيه علي نار

اصلي بحبها

وجائت الملوخيه

غير خالص كانها زي ما هيه

طبعا ما اكلت وزعلت شويه

اتاري دا اكلهم وهنيه لهم


وامس قالي صديق ايه رايك

تاكل المحشي من ايد زوجتي الخليجيه


وانا فعلا بحب المحاشي وقلت

يااااااه هات يا عمنا انا بحبه بزياده شويه

وخصوصا لما يكون مع البتلوا لحمه ومشويه


اليوم جه لحد البيت وجاب كم من صنيه

بصيت لقيت محشي عايم في الشوربه

وطعمه غير شويه

اكلت منه حبتين

وقلت تسلم ايديها المصريه


يا سلام علي المحشي الجميل

صغير وملفوف وكانه عامل ريجيم

وطعمه يجنن تاكل منه في الشتويه


اتاري الاكل علي حسب كل بلد

وحتي الارز بالفرن يختلف من المنصوره للشرقيه


ربنا يهني الجميل وكل بلد لها سلو

وعاده وربنا يسلم كل الايادي

من المغربيه للسعويه

والتونسيه والسودانيه

ويا سلام علي الحلويات الشاميه

وتسلم والله المصريه

[ندوشه 2011]

ياسلام على محشي المصرية ألذ ألذ هههههاي انا عن نفسي كمصريه وبنت مصري مابعرفش اعمل المحشي دا تدوءه كدا يع حاجه تخلي الواحد يغم عليه. كانت حماتي لما كنت قاعده معاه كانت تعمل المحشي كدا كان بيبقى يوم ماطلعتلوش شمس عليه تقعد تتريق وتلوي بوزها شبرين وتقعد تجيبه شمال ويمين وانا كنت بلعب صابع يطلع حلو والتاني امه داعيه عليه. ولما رجعت بيت أهلي امي علمتني ازاي اعمل صابع عشره لا مش هتقول حاجه. يلعن أبو الجواز. احنا ممكن نعمله نحط الورقه صحيحه وعليها شويه رز وهكذا يع. تشرب حشيش هههههه الكيف بعيد عنك.

[Fatma eissa]

اه فعلا كل بلد
ليها
عميلها
الخاصه
تحضير لأكلها
يعني الملوخية ومحشي
لكل واحد ليه عبقرية
في عمل
وخصوصا المحشي
ماما سعات بتعملها
صنيه
عشان تضمن انه هياكل
وسعات صوابع
عشان يستمتع
وفعلا مفيش احلي من
عمايل الست
المصريه
وتلاقي ناس جيه
من آخر البلد
عشان تذوق الأكل
وتعرف مقدارها
وأكبر تحيه للستات
المصري يه

[Doaa Hammam]

والله شهيتني آكل محشي

من زمان ما عملت محشي وخصوصا بقه لما يكون محشي كوسة وفلفل وباذنجان

امممممممممممممممم حرام عليك والله جوعتني :d

الف هنا وشفا وصحتين على قلبك

[ايمان طلعت]

كل بلد وليها اللي بيميزها
حتي في البلد الواحد تلاقي فيه اختلاف بسيط من مدينه لاخري
وفي الاخر كل واحد وعلى ما اتعود

[سيناا]

ياويلي ع المحشي

والله وزمان يا محشي زمان

ههههههههههه


شهيتني ياها خلص بكرا الكل معزوم عنا ع بيتزا

ههههههههههههه

[نجاة حسام]

حازم حازم

ههههه طيب هتعزمنى على الغدا امتى بقى