(11) أنا ومدونتى...مع دمعه حائره

[*فجر الاسلام*]

اعضاء بنات مصر اتمنى تكونوا بخير
عوده جديده لبرنامجكم انا ومدونتى معانا النهارده مدونه رائعه
وهى حائره..على جسر من الذهب
لصاخبتها العضوه الجميله دمعه حائره

اولا ازى الحال ؟

الحمد لله على كل حال

عامله المدونه من امتا؟

من 2012

وليه اخترتى الاسم ده ؟

الاسم ده جاى من الحيرة وهى حاله

دايما بمر بيها وحبيت من خلال الاسم ده

اوضح ان الحيرة ممكن تدخل حياتك مهما كانت ظروفك حتى ولو ماشية على الدهب

ههههه زى اسم الفيلم

بتاع حافيه على جسر من الدهب

بس هو فين الدهب يافجر دلوقتى

ايه السبب اللى خلاكى تدخلى صفحات مكشوفه وتفكرى تعملى مدونه

او كان ايه هدفك ساعتها؟

قسم صفحات مكشوفه كان الفتره دى

بدأ فى نشاطة وجذب الاعضاء

وانا فى السنة دى كنت

مرشحة نفسي لانتخابات الاداره

وحبيت اتابع الاعضاء ومشاكلهم

حبيت القسم واستمريت فيه

وخصوصا الصفحة كنت بكتب فيها

خواطر صغيره

مش مستاهله تنزل توبيك

شايفه انك قادره توصلى افكارك وارائك عن طريقها ولا لا ؟

كنت زمان مهتمه اكتر بكل حاجه احس بيها

اروح اكتبها فى صفحات او لو حابه اعبر

عن وجهة نظر او رأى لكن

كان فيه فتره حصلت فيها مشاكل كتير

فى قسم صفحات وخصوصا آراء سياسيه

خلتنى ابعد شويه عنها

ايه المميز فى المكاااان (المدونه) ؟

هى فكرتها قريبه للفيس شويه

كمدونة ليكى بتحطى فيها خواطرك وآراءك ووجهات نظرك بعيدا عن اى اقسام

زمان مكنتش فيها خاصيه الليكات وبعد ماانضافت نشطت المدونات اكتر

بتحسي فيها ان فيه ناس متبعاكى

حتى لو بصمت

قابلتك مشاكل بسببها او بسبب كتاباتك قبل كده ؟

لاخالص محصلش مشاكل الحمد لله

مين اكتر الاعضاء اللى بيدخلوها ؟وايه اكتر مدونه بتحب تتابعيها؟

اعضاء كتير بصراحة متابعين

ودى حاجه انا اعتز بيها

وكنت زمان متابعه اكتر من كده

حاليا مش مركزة مع مدونة معينه

لكن لما بدخل بشوف كل المدونات

فى الصفحة الاولى لانى حريصه

اعرف اخبار الاعضاء كل مااتواجد

شايفاها مكان عادى زى اى مكان بالمنتدى ولا مختلف؟

هو مختلف وفيه خصوصيه اكتر

بتكتب من غير مقاطعه ولا ردود

باستثناء التعليق فى التقيمات

بتكون للى حابب اوى يقول رايه

بتجيلك تقييمات؟

هههه زمان كان كتير حتى كنت رقم 2 فى الاحصائيات

التقيمات قليل اوى كمان لانى مش بكتب كتير والحجات اللى بكتبها

يمكن مش بتستحق التعليق

ايه اكتر تقييم عجبك ولسه فاكراه؟

كتير اوى ده فيه تقيمات ممكن تقلب لحوار

......لوقلتلك انى هحذف مدونتك دلوقتى هتعملى ايه

ههههه ليه الافترا ده ياشيخه

هايسيبك تحذفيها واروح اشتكي

يشيلوكى من الاشراف يلا بقى

عندك افكار او اقتراحات حابه تخدمى بيها القسم و المدونات؟

هو قسم صفحات مفروض يكون بعيد عن الانشطه لانه متنفس هادى للاعضاء

يعنى كفايه المتابعه من المشرف

وانه مايكونش فيها مخالفات

تعكر صفو العلاقات بين الاعضاء

اما النشاط ممكن يكون فى القاعه

زى سهرات واستضافات

مسابقات كتير كانت بتتعمل قبل كده

اقتباسات من المدونات وتسألى

تبع اى مدونة او مسابقات تخص

اسامى المدونات وتحليل شخصيتهم

وشكـــــرا

شكرا ليكى فجر على الاستضافه

نورتى حبيبتى ربنا يسعدك ويرضى عنك
اتفضلى هدية البرنامج

دمتم فى حفظ الرحمن

[حـيـــــآة ❤]

منوره ياقلبي انتي

تسلمي ياقمر على الضيفه الكميله ذي

[سهـــر]

منه ^^
انا بحب الانسانه دي جدا
لانها بجد من احسن الشخصيات اللي عرفتها هنا
حد كدا محترم بجد
وكمان طنطاويه وجيران وكدا
تسلمي ي فجر ع المجهود

[Aya 7ekaya]

منه مهما اتكلمت بقا مش هيكفى الكلام
منورة منون ومدونتك من احلى المدونات اللى شوفتها
تسلمى فجر متابعه مميزة

[morshooo]

هالوووووووووووو
طبعا منه اسم كبير فى المنتدى
ولو حد جاب سيرة المنتدى واعضائه
اكيد لازم يتقال اسم دمعه حائرة


توبيك مميز فجر وماشاء الله جايب كل الاعضاء
فى انتظار الضيف القادم .

[الأميرة رودي]

مدونته منه جميله وبتجذب اﻻعضاء لمتابعتها
حريصة على التنويع مابين خواطر ومشاركات فكاهية وحزين وسعاده وتدوينات يوميه عن حياتها .. مش مرتبطه بلون كتابي معين وده اللى بيميزها.
نورتى منون وكنت سعيده بيكى جدا وقت فتحتى مدونتك
منوره القسم على طول أن شاالله.
مجهود راقي فجر واستضافة مميزه واسئلتك جميله.
بالتوفيق دايما وف انتظار كل ضيوفك
تقديري لكي وللضيفه

[دمعه حائره]

شكرا فجر استمتعت جدا بالاجابه على الاسئله
ورجعتينى للذكريات الجميله
تسلمى ياقمر ويدوم النشاط

[دمعه حائره]

هاجر ده نورك انتى حبيبتى
منتحرمش منك

[دمعه حائره]

سهوره انا بحبك اكتر يابنت بلدى
ودايما يارب منوره المنتدى

[دمعه حائره]

ايووش القمر ميرسي ياحبيبتى
نورتينى ومنتحرمش منك ابدا