نور نهايتى

[*فجر الاسلام*]

السلام عليكم ورحمة الله وبركاته



جايه تقولى كام فاضلك وانا عود اخضر لسه بضلك
الدور خلاص عليك طيب استنى لحظه هقولك

مش هشوف تانى ذنبك بس ذرة حب من قلبك
شوفيلى اى حاجه المهم افضل جمبك

وتفضل جمبى ليه مش عايزاك انا يا بيه
شق طريقك بنفسك ومش عايزه زيك شبيه

انا بقسى كده عشانك روح اطلع من حرمانك
وشوفلك حد غيرى يستاهل بجد خنانك

وانا ليا غيرك يا امى افديكى انا بدمى
وايه يعنى مش مهم لو كتر بسببك همى

حاضر خلاص هسيبك بس مسيره ينتهى عيبك
وارجع تانى عشانك ماانتى نصيبى وانا نصيبك

ولو مارجعتش اوعى تسبينى قولى ابنى وضمينى
من غربه صعبه بتكوينى ضيعت عمرى وسنينى

ايه احساسك وانا راجع متشال كده ومش سامع
شوفينى لاخر مره نور نهايتى قمر ساطع

ينور ذكرى جواكى وافتكرى انى كنت وياكى
وقولتى اطلع خلاص وماشمتش تانى هواكى

مش وقت خلاص عتاب بينى وبينك بقى تراب
بس اتمسكى باللى فيكى عشان النهايه ماتبقاش غياب


اهداء لروح شاب من بلدى
مات امبارح بغربته
فجـــر

[شاعرة الرومانسيه]

مشاعر نقيه واحساس بالألم فظيع

دائما احب حرفك فجر

الله يرحمه اللهم امين

[ايمان طلعت]

اللهم ارحمه واغفر له وصبر اهله

كلمات مؤلمه فجر
تحياتي

[واد حبيب]

ربنا يرحمه ويصبر اهله
مشاعر نبيله منك يا فجر
تسلم يدك

[دمعه حائره]

الغربة صعبه مهما كانت لو حتى فى جنة
الله يرحمه ويصبر اهله
تسلمى فجر

[*فجر الاسلام*]

شاعرة الرومانسيه

شكرا ليكى حبيبتى منورانى دايما
ربنا يحفظك
امين يارب

[راجعة لحبيبى]

الله يرحمه ويصبراهله
بحول الله من الشهداء
مشكوره فجر

[*فجر الاسلام*]

*:•. إيمان طلعت.•:*

امين يارب العالمين
تسلمى ايمى نورتى ربى يحفظك

[*فجر الاسلام*]

واد حبيب

امين يارب
ربنا يخفظك من كل شر
تسلم يا استاذ نورت ربى يسعدك

[*فجر الاسلام*]

دمعه حائره

تسلمى يامنه نورتى ربنا يرضى عنك