نعمة الستر

[Mira yousf]

-كنت راكبه مواصلات مره والسواق نزل اتخانق وانا كنت قاعده جمب الشباك والسواق والراجل بيتخانقو جامد الراجل اللي جمبي قالي بدلي معايا المكان ياانسه مجرد ماقومت وبدلت مكاني الراجل راح خبط الشباك بحديده والحديده جات في دراع الراجل كنت قاعده مضايقه جدا وكل الناس اللي كانوا في العربيه قالولي ربنا عمل الصالح دراعك مكنش هيستحمل خبطه زي دي..
-كنت رايحه عند واحده صاحبتي وجيت اطلع العماره اللي ساكنه فيها لقيت الجو ضلمه جدا وخوفت اطلع ووافقه مش عارفه اعمل ايه لقيت راجل داخل العماره وبيقولي اتفضلي ياانسه طيب افتحلك الكشاف واطلعي انا اصلا طالع شقتي.. برغم اني شخصيه جريئه الا اني رفضت بشده مكنتش فاهمه سببها ووقفت تحت البلكونه ونديت علي صحبتي لما طلعت وحكتلها قالتلي الحمد الله انك مطلعتيش معاه ده راجل مش كويس..
-كنت نازله الجامعه وواقفه علشان اركب فضلت واقفه اكتر من ساعه مش لاقيه مواصلات ومن كتر الزهق روحت البيت وقولت اقعد شويه وانزل كمان نص يكون الطريق بقي رايق والقي مواصلات نزلت من البيت وركبت التجمع وطلعت علي الدائري لقيت العربيه والراجل اللي كنت بركب معاه كل يوم عامل حادثه..
-كنت ماشيه بتكلم في الموبيل وحد جاي ورايا راكب علي موتسكل حاول يشده مني انا افتكرت حد من اصحابي بيهزر فكنت ماسه الموب جامد علي غير العاده والموبيل كان عليه صوري بشعري وصوري وانا قاعده في البيت مش متخيله لو الصور دي كان حد شافها كنت هعمل ايه...
-لما اكون شايفه ناس انهم كويسين ومحترمين بلاقي ربنا ظهر حقيقتهم قدامي من غير ماادور وراهم وكل مااقول اكيد ظلمتهم او مكنش قصدهم الاقي ربنا ظهرلي حاجه تاني...
#الستر .. من النعم اللي المفروض نحمد ربنا عليهم طول الوقت ..
مكنتش بفهم لما الاقي ماما تدعي بالستر او جدتي او اي حد مكنتش بستوعب معني الكلمه...
دايما قبل مااقع في المشكله الاقي ربنا بعدني عنها 😍
يارب خليك دايما معايا 💙
ادعو دايما بالستر ياخونا❤
#تخاريف قبل النوم
#دعوات ماما

[حـيـــــآة ❤]

ربنا يسترها معاكي ومعانا دايماً حبيبتي
تسلمي ياجميله
في حفظ الله

[ايمان طلعت]

اجمل دعوة هي دعوة الستر
رب استرني فوق الارض وتحت الازض ويوم العرض عليك

[دمعه حائره]

يارب سترك وعفوك ورضاك
جميله المواقف وربنا يسترها معاكى ديما

[يحيى الفضلي السودان]

ميرا يوسف همستي على وترحساس يعزف احن صوت هو دعاء مامتك لك

سعدنا بزيارتك وتقبلي مزورنا لكم