أستضافه 3 مع محمود الصاروخ

[واد حبيب]

السلام عليكم ورحمه الله وبركاته
النهارده معانا حلقه جدبده من حلقات استضافه
ومعانا الزملكاوي المتعصب
محمود الصاروخ
اهلا بيك يا حودي في برنامج استضافه

حبيبي والله يابواياد
منور ياغالي


عرفنا علي نفسك في سطورقليله

محمود م المنصوره
نقدر نقول 24 سنه
تمريض طواريء


محمود سجل في المنتدي امته

نقدر نقول 4 سنين
أو اقل منهم بحاجه بسيطه
بس في الحدود دي عموما


وايه كان طموحك اول ما دخلت المنتدي

في بداية تسجيلي عموما كنت شغال في مجال
المهرجانات وتسجيل الاغاني والكلام ده وكنت
بسجل في مواقع ومنتديات كتير بحكم أرفع شغلي
ويمكن فضلت فتره كبيره شغال في مجال الاغاني
ولحد ما بعدت عن المجال ده كان بداية انتشاري
في المنتدي وشدني أقسام كتير لحد ما رسيت علي
الرياضه بحكم اني متابع جيد ليها


ابه الاختلاف بين المنتدي دلوقتي وزمان

فرق كبير جدا بس اختصار للكلام
المنتدي زمان كان منتدي بمعني الكلمه
لكن حاليا صفر علي الشمال زي ماهو واضح
واللي مش شايف كده عموما يبقي حر
حاليا مفيش منتدي اصلا


ايه الفرق بين الاداره دلوقتي والاداره السابقه

في ظل وجود الاداره السابقه كانت الناس حابه المكان
وقليل جدا وجدا كمان انك تشوف حد بينتقدهم وحتي
لو كان فيه حد بينتقدهم كانو بيقبلو ده بشكل جميل
حاليا شوفنا ناس كتير سابت المكان لأسباب كتير
ومفيش مساواه بين الاعضاء ده غير حاجات
في التعيينات غير منطقيه ملناش نتكلم فيها
بس هي مجرد وجهات نظر بشكل عام

مينفعش اصلا المقارنه في الموضوع ده
زي بالظبط لو قولتلك قارن بين
صلاح الدين سعيدو وباسم مرسي
اكيد مش هتعرف ، مش كده ولا ايه ؟


كنت مشرف علي قسم الرياضه والقسم كان نشيط معاك
مش هنشوف الصاروخ مشرف تاني علي القسم

طيب الحمدلله انك واحد شوفت نشاط القسم معايا
وحتي لو فكرت مش هقبل ان اكون مشرف علي قسم
بيتحكم في الكلام اللي بيطلع حتي لو كان صحيح ومش هقبل اكون مشرف علي قسم من اهم قوانينه عدم مهاجمة
الاهلي سواء بدليل أو غير دليل ،
علي حسب المزاج يعني


ايه اللي ممكن نعملو علشان المنتدي يرجع زي الاول

لو السؤال ده كان من فتره كنت ممكن اجاوبك عليه
لكن حاليا ميهمنيش المنتدي يرجع زي الاول أو لا
انا بدخل شويه لما اكون فاضي مش أكتر لان فيه
ناس هنا تستاهل اننا نتابعهم ونتابع مجهودهم
اللي بيعملوه سواء في اقسامهم أو في المنتدي بشكل عام


محمود ايه امنياتك في الحياه

اول حاجه اخلص حاجة اختي قبل فرحها
وبعد ما الفرح يتعمل في شهر 7 ان شاء الله
أهم شيء هيتعمل السفر لإيطاليا وبأي طريقه
صبرنا كتير ولازم نلاقي طريقه


مش هنشوفك قريب تدخل قفص الزوجيه

ناس كتير كانت عارفه اني فكرت في الموضوع
وكنت علي بعد خطوات منه لكن الحقيقه مكنش فيه
الكلام ده نهائي لأسباب خاصه وقبل موضوع الزواج
لازم أكون نفسي بمعني أكون نفسي مش كام الف
واقول عاوز اتجوز ، وحل الموضوع ده في حاجتين
يا اما في مصر وتشتغل في المخدرات أو تسافر
تشتغل وتعمل فلوس وعلي الاقل هتكون احسن من هنا
وبعدين نفكر في موضوع الجواز والكلام ده


قبل كده صرحت اكتر من مره انك نفسك تسافر
شايف ان السفر هوه اللي هيحقك كل احلامك

من كام يوم قرات بوست عند واحد صحبي
بيقول ان الجنسيه المصريه مبقتش تنفع فيما معناه
وهي دي احلامي اني اخلص منها واسيب البلد
والكلام ده هيكون بعد فرح اختي ان شاء الله
قول يارب ......


بعد ما سفرت قبل كده واتعرض للموت مغيرتش رايك

منا كده كده ميت بس الفرق ان هناك هموت بسرعه
وفي مصر بموت بالبطيء وكل اللي حوالينا
بيقول الكلام ده ومفيش حد ينكره


نتدخل علي الزمالك

اتفضل يامعلم


شايف الفريق ازاي مع محمد حلمي

نفس الفريق اللي كان مع مؤمن في البدايه
نفس الفريق اللي كان مع صلاح في البدايه
سيناريو متكرر كام ماتش حلوين في البدايه ومع
الماتشات الصعبه هتلاقي حلمي وقع بالفريق
وجود حلمي في الزمالك أكبر خطأ من مجلس الاداره
الزمالك محتاج مدرب أجنبي يشتغل صح والمفروض
يجي في فترة التوقف عشان يقدر يعرف اللاعيبه
والكلام ده هيبان مع الوقت ان حلمي هيقع


وايه الفرق بين محمد حلمي ومحمد صلاح ومؤمن سلمان

محمد حلمي زي محمد صلاح زي مؤمن سليمان
مدربين مصريين والمدرب المصري بيفضل ماشي حلو
ووقت ما يفكر يشغل دماغه لازم يغرق الفريق بالكامل
ولك في كل مدرب مصري مسك الزمالك أكبر دليل
التلاته زي بعض وأخرهم معروف مع الزمالك


شايف الزمالك هتقدر تنافس علي الدوري السنادي

الاستقرار وشعور اللاعيبه بالمسئوليه ممكن
لازم يكون فيه منافسه بين الاهلي والزمالك بس معلش
احنا مش هنجيب لاعيبه بالشكل ده عشان تقولي انافس
انا جايب لاعيبه بملايين عشان اجيب بطوله مش عشان اقع
بس للأسف مرتضي جاب لاعيبه مميزه بس مش عارف
يجيب طباخ حلو يظبط الأكله عشان يقدر ينافس
عموما لو الاهلي وقع أكتر من كده شايف ان الزمالك
هيقدر يعوض وينافس علي البطوله وممكن ياخدها


مين المدرب اللي نفسك يمسك الزمالك

في الوقت الحالي باتشيكو
بس للأسف مرتضي مش هيسيب أي مدرب في حاله
وعشان السبب ده هو بيجيب مدربين مصريين


انت مع عوده كهربه في الانتقالات الشتويه الحاليه

مش هتفرق انه يرجع او لا
موجود اللي يسد مكانه والحمدلله
مجرد وجهة نظر


مين اللعب المصري اللي تتمني يلعب في الزمالك

صالح جمعه بعيد عن اللي بيعمله عموما والسهر
والكلام ده بتمني انه يلعب في الزمالك وهو اصلا مكانه
الزمالك لان اللاعيبه المهاريه اللي من نوعية صالح لو
متواجده في الزمالك هتلعب بشكل مستمر وهتفيد نفسها
لاعب ينقصه القليل ويكون اللاعب رقم 1 في مصر
شخصيا بتمتع بلعب صالح جمعه بعيد عن انه بيلعب
للمنافس بس بتمتع بصالح جمعه لاعب كرة القدم


الزمالك فيها كوكبه من النجوم بس الاداء ضعيف شايف مين السبب في كده

الاستقرار من طرف مجلس الاداره
شعور اللاعيبه بالمسئوليه
وجود مدرب اجنبي
دول لو موجودين اقدر اقولك ان الزمالك هياخد أي بطوله
يلعب فيها وهو مرتاح وللعلم الزمالك مش كوكبه من
النجوم بس علي الورق الزمالك فيه افضل لاعيبه
في الدوري كله وأي حد فاهم كوره هيقول كده


ايه رايك في موضوع الاستبدال في الدوري

ضد الكلام ده طبعا
ومكنش هيتعمل عموما بس لو هيتعمل طبعا هيتعمل
لعيون الاهلي مش أكتر لانه فشل في ضم لاعيبه مميزه
يعني مساعده من جميع النواحي بدأت من تأجيل السوبر
اللي المفروض يتلعب بعد الكاس مباشرة ودلوقتي
بالكلام ده وعشان الاهلي يعلب السوبر مرتاح
اي حد اعمي يفهمها ياغالي ومش محتاجه
كلام كتير ، مش كده ولا ايه ؟


اخبار مشكله جنش ودودار واسلام جمال ايه

مش مهتم بالموضوع ده ولا تابعته من الاساس
بس المفروض اللاعب لاعب والمدرب مدرب
ورئيس النادي رئيس نادي ومينفعش ان مدرب يقولك
مش هتلعب وترفع عينك فيه لانه في الاخر بيشيل الليله
حتي وان كنت انت متألق ، مش كده ولا ايه ؟


وسبب ان متابعتش الموضوع ده
ان الزمالك حاليا مبيقفش علي لاعب واللي عاوز يمشي
مع الف سلامه سواء جنش او اسلام او غيره


ندخل علي المدونه

اتفضل يامعلم


امته عملت المدونه

المدونه الحاليه من 3 شهور بس كان عندي
مدونه قبلها وكنت شغال فيها بس طلبت من الاداره
حذفها وعملت دي من جديد وماشيه


وايه الغرد منها

زي ما قولتلك فوق ان اتقال ليا مواضيعك الرياضيه
تدعو للتعصب وكان هدفها في البدايه توصيل وجهات
نظري الرياضيه والفضفضه فيها بشكل عام

والدفاع عن الزمالك هنا في المنتدي
والحديث عن موضوع لقب القرن اللي سرق من الزمالك
وأهم سبب ان ممكن من خلال كلامي فيها
وتوضيح الحقايق بعض الاشخاص يعرفو مين هو الزمالك


ليه اخترت الاسم دي

انت متابعني علي الفيس عموما
ومن خلال متابعتك هتعرف ليه اختارت الاسم ده
مينفعش عموما تكون غير بالاسم ده تحديدا
في الوقت الحالي وحتي بعد حذف المدونه القديمه


كل كلامك فيها عن الكوره مش هنشوف تغير وكلام رومانسي فيها

والله ياغالي من وقت ما بعدت عن مجال المهرجانات
وانا مليش غير في الكوره يعني الحاجتين دول
اللي ليا فيهم ، مليش في الرومانسي أد كده
وبعدين رومانسي ايه ياعم ؟
هناخد منه ايه يعني ؟


كتبت قبل كده في المدونه ان فجر الاسلام حياه انشط مشرفين ايه السبب

السبب المفروض انك تكون عارفه ياغالي
ناس مش مقصره في اقسامهم وعاملين نشاط عالي
وبوجودهم صندوق الابداعات شغال دايما ونشيط
ولما غابو يومين تقريبا الصندوق فضل فاضي
مش لازم نديلهم حقهم ؟ ولا ايه ؟
هما انشط اتنين هنا عموما قبلك كمان


ايه المشاكل اللي قبلتها في المدونه

كتير جدا بس الكلام ده من فتره
مكانتش مشاكل عموما كانت مضايقات
لانها لو مشاكل قادر أرد والحمدلله


شايف ان ده المكان اللي تقدر تتكلم فيه برحتك

أيوه
بتكلم براحتي في ظل وجود مشرفين محترمين
شغالين بمبدأ من دماغهم مش حد ممشيهم


مين من الاعضاء بتحب تتابع صفحتهم باستمرار

حياه
فجر
سهر
واد حبيب
مورشو


ايه اكتر مدونه عجبك الكلام اللي فيها

سهر وحياه
بحسهم بيتكلمو بواقعيه وعلي المكشوف
مش من النوع اللي في المدونه كلام وبيعملو عكسه
ويمكن سهر كلامها بيعجبني شويه لانها بتتكلم عن
كل حاجه بتشوفها غلط


اكتر اسم مدونه عجباك

مدونتي القديمه وكانت بعنوان
طلقة نار تسكن في الصدر


تعمل ايه لو انا حزفت مشاركه ليك وقولت مخالفه وهيه عاديه

ولا هعمل حاجه
انت مشرف القسم وشايف كده يبقي كده
في الاخر مكان وهمي وفي الفاضي كله عموما
بس لو اتحذفت لغرض في دماغك مثلا او كده
ساعتها يكون في كلام تاني


عوز تقيم منك لمشرفي القسم بس بضمير

فجر ممكن أديلها 9/10
وانت ممكن أديلك 8/10
والله اعلم ممكن يكون تقييمي صح وممكن يكون غلط
بس في النهايه القسم شغال الله ينور وانتو الاتنين
مش مقصيرين وعاملين مجهود عالي جدا


ايه النصايح اللي تقدر تقولها للصفحات وللمشرفين

حاليا معنديش نصايح
بس أفكر في وقت تاني


عوز منك كلمه لقسم الصفحات معاك المكرفون بس اوعي تعلي صوتك هه

اعملي اللي عليكي يافجر
ورجعي ابو اياد مشرف سابق تاني
كنا متفقين اننا ع الحلوه والمره مع بعض
وفي الاخر رجع الاشراف من تاني
عاوزه لون اسود
:d

اسيب الاشراف يا غالي لو ده يرضيك
نورت يا حوده
سعيدبوجودك في البرنامج
تقبل تحياتي

[*فجر الاسلام*]

وعليكم السلام

منور استاذمحمود والله
دايما رافع من معنوياتى
شكرا لكلامك ربنا يسعدك يارب

بخصوص اشراف ابو اياد اهو تغيير للون
لكن مسير الكل يبقى اسود فى يوم

شكرا لتقييمك دعواتك
ومنور الصفحات دايما
بغض النظر عن الكوره الللى انا مش بحبها

[ندوشه 2011]

ربنا يكتب لك الخير يا محمود تسلم يا رمضان ربنا يكتب للجميع الخير

[يحيى الفضلي السودان]

غالينا حودا عجبتني ردودك الفرايحية والصراحة المطلقة وتقمص الاخرين دور غير دورهم

[حـيـــــآة ❤]

وعليكم السلام ورحمة اللّه وبركاته

اول حاجه منور الاستضافه اخي محمود
واشكرك مره اخري على كلامك في حقنا
ولو انه حاليا شايفه نفسي مش شغاله ودا بسبب الامتحانات
ولكن انا لا الوم الناس اللي مش شغاله لسبب او لأخر
انا بقيت بضيف الموضوع بيدخله 4اعضاء بس
طب ليه..
يارب يكون الكلام اللي بيتقال ان دي فترة دراسه وهتعدي
والمنتدي يرجع زي الاول
مع ان المرادي معتقدش
ربنا يسعدك ف حياتك ويرزقك بالبيت والزوجه الصالحان


تسلم ابو اياد ع الاستضافه القيمه
دمتوا ف حفظ الله

[سهـــر]

استضافه جميله
منور ي محود
وانت من الناس اللي بفرح لما الاقي اللايك بتاعه
وانه مهتم وبيتابعني
كلامك ده شهاده اعتز بيها والله
بالنسبه لموضوع السفر فربنا يحققلك اللي بتتمناه
بس خد بالك من نفسك وافتكر اختك اللي هتجوز قريب دي بلاش توجع قلبها عليك
يعني اصبر على موضوع السفر لحد ماربنا يكرمك بسفريه تكون بطريقه شرعيه بلاش الحاجات الخطيره
ربنا يحفظك

تسلم ابو اياد ع المجهود

[Fatma eissa]

حوار طيب
مع
محمود
منوره
البرنامج
وتسلم يامحمد
علي برنامج الجميل

[محمود الصاروخ]

اسئله كانت جميله جدا أبو اياد
تسلم ايدك ياغالي وشرف ليا ان اكون معاك

[محمود الصاروخ]

اقتباس وعليكم السلام منور استاذمحمود والله دايما رافع من معنوياتى شكرا لكلامك ربنا يسعدك يارب بخصوص اشراف ابو اياد اهو تغيير للون لكن مسير الكل يبقى اسود فى يوم شكرا لتقييمك دعواتك ومنور الصفحات دايما بغض النظر عن الكوره الللى انا مش بحبها

مجهودك يستاهل أكتر من كده فجر
ومن غير استاذ كلنا اخوات يعني هنا
الاجمل هو مرورك والله
تسلمي

[محمود الصاروخ]

اقتباس [color=#]ربنا يكتب لك الخير يا محمود تسلم يا رمضان ربنا يكتب للجميع الخير [/color]

ربنا يخليكي ندي
تسلمي علي مرورك الجميل