"الرز البرياني"

[انجي_1]

طريقة "الرز البرياني" وده من أشهر الأكلات الهندية اللي كلنا بنعملها.. ريحته مميزة عشان بنحطله بهارات مختلفة.. ودايما بنعمله بالفراخ او اللحمة. لكن النهاردة هانعمله بالخضار والبروتين النباتي زي العدس والقرنبيط. وهو يعتبر وجبة متكاملة مليانة فيتامينات وبيدفي في الشتا لأن فيه بهارات وشطة.
..تعالو نشوف طريقة "الرز البرياني" إزاي بخطوات سريعة وسهلة جداً.
هانشوح بصلة كبيرة متقطعة في شوية زيت معاها فصين توم.. وواحدة جزر شرايح.. ومعلقة صغيرة بهارات هندي "جاراماسالا" ..وكزبرة.. ونعناع.. وكركم.. نقلبهم عالنار 5دقايق.. بعدها نحط كبايتين قرنبيط.. وكبايتين شوربة او ميّه.. وكباية رز.. ونقلب وبعدها نزود كباية عدس بني.. وورق لاورا.. وكباية بسلة..وحمص مسلوق.. رشة شطة حسب الرغبة..وممكن نحط اي نوع مكسرات عندنا لو عايزين زي اللوز او الزبيب ونغطيه ونهدّي النار لحد مايقرب يستوي ويتشرّب.. ساعتها نحط شوية بقدونس او كزبرة خضرا عالوش. وخلاااص!
نعصر عليه لمون ساعة الأكل.. وناكله مع سلطة زبادي.
جربوه هايل وبيشبع.
.
.
.
.

[سارة بنت مصر]

يسلمووووووووو على الوصفه الجميله