فضفضه ايمانيه ..6..مع دمعه حائره

[*فجر الاسلام*]

وقلوبنا دي مليانه بالحب والإيمان

ع الفطره احنا اتخلقنا بنعشق الرحمن

ودينا ده علمنا الرحمه والإحسان

الحب اللي بقلوبنا مايوصفوش إنسان

هتفضفض ارواحنا علي طريق كله امان

طريق للخالق يقربنا ومش هيبعدنا الشيطان

#فضفضه_إيمانيه



السلام عليكم ورحمة الله وبركاته
عوده مع برنامج فضفضه ايمانيه
والنهارده معانا شاعرتنا الكبيره
الجميله دمعه حائره تعالوا نشوف اجابتها على الاسئله

فضفضى باللي بقلبك وكلمينا عن ربنا
ربنا كبير وكريم جدا اوقات كتير بحس انه جمبى
وده بحسه لما ينقذنى من مشكله
حتى لو فيه حاجة اتمنتها ومحصلتش
بعرف بعدها انه من كرم ربنا عليا انها ماحصلتش
بحس كمان بالتقصيروان لازم اجتهد اكتر فى العبادة
واحاول اطيعه وادعى كتير انه يديم نعمه عليا
ويحفظلى عليتى كلها وكل حبايبى

لما بتقرأى القرآن بتحسى بإيه؟

اكيد بحس بالراحة والسكينة

ولو فيه اى ضيق او زعل بيروح على طول

......

قولينا اكتر قصه في القرآن بتحبيها واللي إتعلمتيها منها؟

كل القصص جميله وفيها عبره

اتذكر حاليا قصه السيدة مريم

وقصية سيدنا يوسف

قد ايه القصتين بيأثروا فيا

وتتعلمى منهم حاجات مهمه خصوصا

فى العلاقات الاسرية وتقوى الله والثقه فى انه بيقف جمب العبد المؤمن

.......

اوصفيلنا الصلاه بالنسبالك ونصيحه للي مش بيصلي؟

الصلاة ميعادنا للقاء ربنا للعبادة والدعوات

صله جميله لازم نحافظ عليهامن الصغر

لانها بتقى المؤمن وتحافظ عليه

وتباركله فى كل عمل يقوم بيه

.....

حبيبنا وشفيعنا سيدنا محمد اكتر صفه

بتحبيه فيه ونفسك تبقي منتشره في المجتمع؟

صل الله عليه وسلم

كل صفاته جميله ونادر تتجمع فى انسان

صفه التسامح والاخلاص وقبلهم الصدق

دول صفات قادره انها تخلى اى مجتمع ناجح

.......

لو هو قدامك دلوقتي تقوليلوا إيه؟

حبيبى يارسول الله سامحنا على التقصير واغيثنا من صعاب الحياه

......

كلمينا عن الصبر وهل انتى انسان صبور؟

الى حد ما صبورة

الصبر جميل واللى بيصبر بينول

زى مابنسمع واتمنى اكون عندى الصبر الكافى

عشان اتحمل الدنيا واللى فيها

.....

لما بتدعي وربنا بيستجاب بسرعه بيبقي إحساسك إيه؟

بسجد لربنا بمنتهى السعادة

وبحس قد ايه انه راضى عنى

واحاول بكل جهدى اطيعه اكتر

.......

طيب لو الإستجابه إتأخرت بيبقي إيه شعورك؟

ربنا يؤجل الامانى لكنه لاينسيها

وعلى قدر الاخلاص فى العمل والدعاء

بتكون الاستجابه

.........

كلنا مقصرين في حق ربنا

لمابتبعدى عنه وبترجعيلوت بتحسى بإيه

وقوليلنا نصيحه ازاي نتقرب لربنا اكتر؟

اكيد مقصرين

والعبادة محتاجة اخلاص وصبر واصرار

الاستمرار بالدعاء والذكر بيخلى الانسان

ديما قريب من ربنا ولو بعد شويه

بيرجعله بسرعه

محتاجين نخلى مسافه كبيره بينا وبين

متع الدنيا ومنخليهاش اول اهتمامنا

ونخلى قلوبنا عامره بالايمان وحب الله ورسوله

......

ما احساسك لما بتسمع الايه دى

﴿أَلاَ بِذِكْرِ اللهِ تَطْمَئِنُّ الْقُلُوبُ﴾

الراحة والاطمئنان وان الدعاء والذكر

هما اقرب الطرق للامان والسكينة

ربنا يرضى عنك ويرضيكى
شكرا لتواجدك الجميل نورتى ربى يسعدك

الساده الاعضاء

الكلام مش بيخلص عن دينا

قدامه بيعجز لسانا

مهما قولنا وقولنا

لسه في كلام في قلوبنا

اسفين علي الإطاله نتمنالكم السعاده

والموضوع ينال إعجابكم وانتظروا فضفضه إيمانيه جديده

[يحيى الفضلي السودان]

منتورة فجر

والضيف خيف الظل

بالتوفيق

[توحد ارواح]

ربنا يرزقنا الصبر الجميل
دمعه منورة باجاباتها الجميله
تسلمى ع مجهودك المميز فجر

[طبيب الهوى]

أختي العزيزة مِنَة

أدعو الله أن يُحافظ علىَ نقاء الطفلة داخلك

ويزيد قلبك نوراً بتلاوة القُرآن الكريم آمين

أبنتي فجر

موضوع قيم جداً ومفيد لنا جميعاً

أُحييكِ وأشكرك عليه

تحياتي وودي وورودي

أبو عصام

[شاعر الحب الحزين]

الله يزيدكم تقى وعفاف ونقاء ويثبت قلوبكم على طاعته

منة وفجر قدمتولنا نموذج جميل عن الأخلاق وجمال الإيمان

كل الشكر للضيفة والمستضيفة وكلنا ضيوف ع الدنيا دي

ربي يوفقكم ويسعدكم

[Doaa Hammam]

فضفضة ايمانية جميلة

بارك الله لكما وجزاكما كل خير

ما أجمل الصحبة الصالحة .. ونعم الصحبة انتم

[واد حبيب]

فضفضه جميله مع دمعه
ربنا يهدينا جمبعا
تسلمي فجر علي الحلقه

[دمعه حائره]

شكرا فجر حبيبتى على الاستضافه
ويدوم النشاط والتواجد الجميل

[دمعه حائره]

اشكرك اخى يحيى نورتنا

[دمعه حائره]

ندى حبيبتى ميرسي منحرمش منك