الغلاء الفاحش القاتل الظالم والمميت

[Mira yousf]

اسعار كل حاجه في زياده رهيبه و من اول السنه الجديده و كل حاجه سعرها هيرتفع اكتر
السؤال بقى هنا ليه الناس كلها متعملش اضراب زي ما بيحصل عند الشعوب المتحضره!!
يعني الناس تشتري الاساسيات بس و اي حاجه تانيه نيجي على نفسنا و نأجلها ... زي مثلا الاجهزه الكهربائية ، اللبس المغالى في سعره جدا ، بعض انواع المعلبات و الاغذيه و حاجات تاني كتير ....
بجد لو كلنا وقفنا عن شراء كل ده ، اجباري بعد فتره سعره هينزل .. الغلابه مش لاقيين يأكلوا ولادهم فعلا
ما بالكم بقى الادوية و متطلبات الحياه اليوميه و كل شئ في زياده حتى الكهربا و المياه ، ناقص يبيعوا الهوا و لو طالوا يغلوه كمان
اللي موافق ع الكلام ده يعمله كوبي و نفعل هاشتاج
#الغلاء_وباء

[العاشق الذى لم يتب]

هو العيب فى السلع اللى اترفع سعرها
ولاالعيب فى اللى اصلا رفع الاسعار
وتسبب فى الغلاء
اقصد نعمل اضراب ضد السلع ولا الغلاء

[*فجر الاسلام*]

حتى الاساسيات بتغلى والله
ربنا يرحمنا برحمته

[ندوشه 2011]

كل حاجه بقت في الطالع والأسعار بتزيد

[ايمان طلعت]

الناس اصلا مبقتش قادرة علي الاساسيات
الناس خلاص نسيت حاجه اسمها كماليات ورفاهيه
الله المستعان علي العيشه دي بقي