استضافه 5 مع العضوه ســهــر

[واد حبيب]

السلام عليكم ورحمه الله وبركاته
كل عام وانتم بخير
وسنه سعيده علي الجميع
النهارده معانا حلقه جديده من برنامج استضافه
مع نجمه من نجوم المنتدي في الزمن الجميل
عضوه لها نشاط جميل في المنتدي
معانا المبدعه
سهر
اهلا بيكي يا سهر
منوره الا ستضافه

اهلا بيك ابو اياد
منوره بوجودك

قبل اي شي
عرفبنا علي نفسك
في سطور قليله

سهر سامي
22 سنه
في سطرين اهو

سهر كانت غايبه فتره طويله عن المنتدي ايه سبب الغياب

بص هو احنا كنا شله كدا مع بعض وقررنا كلنا نقاطع المنتدى بسبب مشاكل حصلت فيه
وبالذات اننا كنا مع بعض ع الفيس

وايه اللي اتغير بين المنتدي زمان ودلوقتي

كتير
مفيش اعضاء دلوقتي
هما 10 اعضاء اللي شغالين في المنتدى
زمان كان في تنافس بين الناس

شايفه ان المنتدي دلوقتي شغال ولا ممل

ممل جدا

مين اعز اصحابك هنا

زي ما قولت كل صحابي سابوه
بس الموجود حاليا مرام وايه حكايه

هل فعلا في صداقه علي النت

ابصم بالعشره ان صحاب النت احسن مليون مره من صحاب الواقع

كنتي مشرفه قبل كده ليه تم عزلك من الاشراف

انا طلبت اني اسيب الاشراف
لاني كنت خلاص مقرره ابطل ادخل المنتدى تاني

لو قالولك ترجعي الاشراف تاني تختاري قسم ايه

قسمي ^^ الفضفضه

سهر لقت اللي دخل قلبها ولا لسه

الحمد لله

أيه موصفات شريك حياتك

بما انه موجود وانا اختارته فانا راضيه بالوحش فيه قبل الحلو
اهم حاجه عندي انه الحمدلله بيصلي
وان دايما في تعامله معايا بيكون شايف ربنا قدامه وبيتعامل معايا بالمبدأ ده
وانه زملكاوي عشان افضل اغيظ فيه

وايه الشي اللي لزم يكون موجود في شريك حياتك

اه اطول مني
والحمد لله الفرق بينا كبير

الحياه بتمثل ليكي ايه

ايام بنعيشها ومحسوبه من عمرنا لازم نستغلها صح
في رضا ربنا علينا وبعد كدا اي حاجه تانيه
بالنسبالي السفر متعه الحياه
مستعده حياتي كلها تكون سفر على طول
مش بحب اقعد في مكان واحد

بيقولك الطربق لقلب الرجل معدته
سهر بتعرف تطبخ ولا ملهاش في الموضوع ده



بتحرجني والله
بص انا الطبيخ واللحمه والحاجات دي ماليش فيها خالص
انا ليا في الحاجات السهله بتاعت جيلنا بيتزا حواوشي مكرونات الحاجات دي

ايه اخبار المكرونه البشامله معاكي

هتاكل صوابعك وراها

ندخل علي المدونه

يلا بينا

اسم المدونه ميلاد جديد
ليه اخترتي الاسم دي

لاني بمر بفتره جديده في حياتي
والاسم انا سرقاه من حد الصراحه

هل حياتك اتغيرت للاحسن ولا للاسوء

مش عارفه
مش قادره احدد والله

امته عملتي المدونه

زي النهارده من 4 سنين
26 / 12 / 2012

وايه السر في عمل المدونه

شخص ما اقترح عليا اعملها

هل ده المكان اللي تقدري تتكلمي فيه برحتك

اه

شايفه ان ده المكان الصح اللي تقولي فيه اسرارك

مش كل الاسرار ينفع تتقال هنا
لان السر اللي بيطلع عن شخصين مابيكونش سر
والمدونه اي حد يقدر يدخلها
مش كل حاجه ينفع تتقال فيها
كل واحد وشخصيته

ايه اكتر مشكله حصلتلك في المدونه

لا محصليش مشاكل الحمدلله

شايفه ان عدم الردود علي المدونه من قبل الاعضاء حلو ولا

اه لانه مكان خاص بصاحب المدونه

مين اكتر عضو بيبعتلك تقيم وبتفرحي بيا

اكتر حد فجر وابو عصام

ومين الاعضاء اللي بيتبعولي باستمرار

فجر وابو عصام وانت ومحمود ومنه وحياه

ايه الفرق بين المدونه وقسم الفضفضه

المدونه مكان شخصي لكل صاحب مدونه بيتكلم فيه براحته
الفضفضه برده بتكلم براحتي بس بشارك الاخرين رايي

ايه اللي اتغير في قسم الصفحات وفجر الاسلام مشرفه عليه

فجر بتحاول بكل جهودها تنشط القسم
بس للاسف المنتدى كله ميت

قولي ايه المدونه اللي عجبك اسمها وكنتي تتمني الاسم ده

لا مفيش حاجه معينه
بس بحب حائره على جسر من الذهب

وايه اكتر مدونه اسمها مستفز

احراج تاني

من وجهه نظرك شايفه فسم قاعه الصفحات شعال ولا عوز شعل تاني

زي ما قولت انتو كمشرفين بتحاولوا بس المنتدى كله ميت

في اليومين اللي فاتو دخلتي في نقاش مع الصاروخ عن الكوره
شايفه نفسك بتعرفي في الكوره ولا مجرد متابعه بس

محمود اخويا وانا بحب ارخم على اي حد زملكاوي
بس مش موضوع اعرف ولا معرفش
الموضوع اني مش بحب حد يقلل من انجازات الاهلي وينسبها للتحكيم
يعني كل اللي الاهلي عمله ده بالتحكيم مش للدرجه دي

مين فريقك المفضل بعد الاهلي

كتير
ريال مدريد طبعا
وبايرن ميونخ
وروما بس مش عشان صلاح لا انا بحبه عشان توتي
وارسنال بس مش عشان النيني انا بحبه من ايام فابريجاس وفامبيرسي

عوز منك تقيم لمشرفين القسم

انتو الاتنين 9 / 10

ايه اللي نقدر نعملو علشان ننشط القسم

انا شايفه انكم عاملين اللي عليكم
محتاجين نجيب اعضاء في المنتدى

لو المشرف حزف مشاركه ليكي وهيه مش مخالفه هتعملي ايه

هنزلها تاني

ايه رايك في الصفحات حالا

في صفحات كتيره كويسه وتستحق المتابعه

كلمه منك لمشرفين القسم ولاعضاء القسم

المشرفين انتو عاملين اللي عليكم في القسم ماتزعلوش المشكله في الاعضاء

الاعضاء ادخلوا ي حبايبي ونشطوا القسم بيحاولو يعملوا اللي عليهم بس انتوا نايمين


شكرا ابو اياد على استضافتي

[توحد ارواح]

وعليكم السلام ورحمة الله
سهر جميله باجاباتها الصريحه التلقائيه
شكرا أ / محمد ع الاستضافه المميزة
يدوم النشاط

[*فجر الاسلام*]

اهلا سهورتى منوره ياقمر ربنا يسعد قلبك يارب
شكرا لكلامك عن امشرفين ربنا يجبر بخاطرك
ويصلح الحال
تسلم ابو اياد

[حـيـــــآة ❤]

منوره سهورتي
تسلم اخي العزيز
منورين

[العاشق الذى لم يتب]

منور ابو اياد
سهر اخت غالية وعزيزة
وجدطيب
وشخصية محبوبة لدى الجميع
وهى من اول حد عرفته عند تسجيلى
فرجت بعودتها
الف مبروك الخطوبة
ولااتجوزتوا
ربنايسعدكم

[سهـــر]

اقتباس المشاركة الأصلية كتبت بواسطة توحد ارواح وعليكم السلام ورحمة الله سهر جميله باجاباتها الصريحه التلقائيه شكرا أ / محمد ع الاستضافه المميزة يدوم النشاط

تسلمي حبيبتي
منوره

[سهـــر]

اقتباس المشاركة الأصلية كتبت بواسطة fagr alislam اهلا سهورتى منوره ياقمر ربنا يسعد قلبك يارب شكرا لكلامك عن امشرفين ربنا يجبر بخاطرك ويصلح الحال تسلم ابو اياد

حبيبتي فجر انتو فعلا مش مقصرين
منوره

[سهـــر]

اقتباس المشاركة الأصلية كتبت بواسطة حيــــــاة ❤ منوره سهورتي تسلم اخي العزيز منورين

منوره حياه

[سهـــر]

اقتباس المشاركة الأصلية كتبت بواسطة العاشق الذى لم يتب منور ابو اياد سهر اخت غالية وعزيزة وجدطيب وشخصية محبوبة لدى الجميع وهى من اول حد عرفته عند تسجيلى فرجت بعودتها الف مبروك الخطوبة ولااتجوزتوا ربنايسعدكم

تسلم استاذ رفعت ^^
ربنا يسهل ان شاء الله وتحصل خطوبه قريب
اتفائلت بالمباركه بتاعتك
منور

[الأميرة رودي]

حمدالله على السلامه ياسوسو
وحشتيني والله يارب اسمع عنك اخبار حلوه قريب.
صفحتك فعلا من أحلى الصفحات وكنت بحب اتابعك جدا
استضافه مميزه ي محمد ومجهود محترم منك ومن فجر ف القسم
و زي ماقالت سهر انتو عاملين اللي عليكو ومش مقصرين بس التفاعل
بشكل عام ضعيف..
ربنا يصلح الحال
تسلمو ع اللقاء الجميل