اشمعنى انتي

[شاعر الحب الحزين]

اشمعنى انتي اللي بعيش معاكي بطبيعتي

وليه بتغيب عني الحياة لو يوم عني غبتي

بستغرب من هدوئي قصادك

اللي بيقلب غضب ف بعادك

انا ليه بشتاقلك ليه بحتاجلك وليه تايه ف حيرتي

ثقتي فيكي اهتمامي بيكي حبي وحناني وغيرتي

لقيت الجواب ف عنيكي عشان انتي وبس حبيبتي



قابل اخسر كل شيء ولا إني يوم اخسرك

ده انا لقيت حياتي يوم ما لقيتك

حبي كل يوم بيكبر من قلبي بحبك وبقدرك

ما عشت ولا كنت لو يوم نسيتك



تخصيني تهميني زي روحي واكتر

وقد ما احبك عارف ان حبك ليا اكبر

الله يديمك نعمة ف حياتي

ياللي معايا ف كل حالاتي

ف كل الحالات بحبك وع غيابك مش بقدر

اه يا أيام لو مرك اتغمس بجمال زي السكر

كنتي تقولي اشمعنى هي اللي حلتني

زيك كنت مش قادر اعيش وهي خلتني

اعيش ليها ومعاها والم كيان وشعور كان متبعثر

انتي كتير عليا بس عايزك ليا من غير حتى ما افكر

[العاشق الذى لم يتب]

مدام بتحبك وانت ليها حابب
سيبك من العتاب
واقفل على اى مشاكل الباب
خلود الراقى الاصيل
مااروع الهمس
باقات النرجس
تحياتى

[يحيى الفضلي السودان]

جميل ما اتيت به

لكم الثناء

[توحد ارواح]

رائع ما خطه قلمك الرائع
شاعرنا اسعد الله ايامك
تقديرى

[Doaa Hammam]

رائع كما عهدناك دائما

دام هذا القلب النقي المخلص

وأسعدك بكل ما تتمنى

تحياتي

[ندوشه 2011]

ماتزعلش مني شكلك بتحب تعيش في الأحلام أو الأوهام سميها زي ما انت عايش انت بتتفرج على افلام زمان عشان كدا مآثره عليك والكلام اللي انت كاتبه دا واللي على طول بتكتب مثله مش بيأكل عيش ولا في حد بيصدقه. سمعت دي. .هو انت مين بيصدقك علشان عايزني أصدقك وارجع واسامحك من جديد من تاني وارجع. .عايز ايه ما كفايه قلبي كدبت عليه حبك وكنت بتخدع في. دي مجرد اغنيه وسيبك انت من كلام الحب دا. لا بيودي ولا بيجيب وفوتك بعافيه. قال شاعر الحب الحزين قال. وكل حب وانت طيب يا راجل يا طيب

[*فجر الاسلام*]

تسلم ايدك شاعرنا
ربى يسعدك
تحياتى

[شاعر الحب الحزين]

اقتباس المشاركة الأصلية كتبت بواسطة العاشق الذى لم يتب مدام بتحبك وانت ليها حابب سيبك من العتاب واقفل على اى مشاكل الباب خلود الراقى الاصيل مااروع الهمس باقات النرجس تحياتى

حبيب قلبي ابو الروف مفيش اي عتاب

تسلملي ويسلملي نبض قلبك يا طيب

نورتني واسعدتني بجمال حضورك رفعت الغالي

الله يوفقك ويسعدك

[شاعر الحب الحزين]

اقتباس المشاركة الأصلية كتبت بواسطة يحيى الفضلي السودان جميل ما اتيت به لكم الثناء

انت الاجمل ابن السودان الحبيب

اسعدتني يا جميل بطيب حضورك

ربي يوفقك ويسعدك

[شاعر الحب الحزين]

اقتباس المشاركة الأصلية كتبت بواسطة توحد ارواح رائع ما خطه قلمك الرائع شاعرنا اسعد الله ايامك تقديرى

سلمتي أستاذه ندى

الأروع نقاء تواجدك وطيب ردك هنا

أسعدتيني حضورا وقولا أستاذه ندى

ربي يوفقك ويسعدك