الدنيا فيلم

[شاعر الحب الحزين]

الدنيا فيلم من أول مشهد بانت نهايته

فيلم وبنمثل فيه من غير ما نعرف حكايته

العمر فيه حبة أيام وسنين

أبطاله بيتغيروا مش ثابتين

أدواره بتتغير كبير وصغير بيكتب بإيديه روايته

ناس عدلوا وظلمهم دورهم

وناس لسه مجاش دورهم

اللي شاف حبايبه حواليه واللي م شفش حد ف مرايته

أدوار للي مش بيستحقها

ومدفوع لهم سلف حقها

عايشين ف لخبطه الناس محبطة واليأس خلاص دقت ساعته

صوت الحق واطي وعالي صوت الباطل

اللي معهوش بيدي واللي معاه بيماطل

واللي عايش وخلاص واللي فإيديه رصاص على اخوه ضرب رصاصته

لسه بنستنى مشهد حلو ينسينا باقي مشاهده

لسه عايشين على أمل وأملنا كبير ف ربنا وحده

ياللي مقصر ارجع ياللي على الحق اثبت وادعي ربنا يقويك على طاعته

دي الدنيا فيلم أقصر من حلم متغركش كتر اجزائه ده كل جزء بيقرب نهايته

احنا ف زمن مليان معاصي وفتن لو هتخسر رضا ربك يبقى ايه اللي كسبته !



شــــــــــــــــــــــــــــــــــــــ . حـــــــــــــــــــــــــــــــــــ

[العاشق الذى لم يتب]

وكل الحياة ماهى إلا مسرح كبير
كل له دور يأديه
وقد أفلح من تزكى
سلمت
مبدعنا
خالد
باقات النرجس

[جبل عالي]

احنا ف زمن مليان معاصي وفتن لو هتخسر رضا ربك يبقى ايه اللي كسبته !




اجمل قفلة ياخالد فعلا

تسلم ايدك لروعة المعنى وجمال الحروف
تقبل تحيتي واحترامي

[يحيى الفضلي السودان]

ايام يا مازل هههههههههههههه دنيا حننينة

[شاعر الحب الحزين]

اقتباس المشاركة الأصلية كتبت بواسطة العاشق الذى لم يتب وكل الحياة ماهى إلا مسرح كبير كل له دور يأديه وقد أفلح من تزكى سلمت مبدعنا خالد باقات النرجس

صدقت وأجدت الرد باختصار رفعت الغالي

سلمت وسلم نبض قلبك الطيب

أسعدتني ابو الروف الغالي بطيب حضورك

ودي ومحبتي لك رفعت

ربي يوفقك ويسعدك

[شاعر الحب الحزين]

اقتباس المشاركة الأصلية كتبت بواسطة جبل عالي احنا ف زمن مليان معاصي وفتن لو هتخسر رضا ربك يبقى ايه اللي كسبته ! اجمل قفلة ياخالد فعلا تسلم ايدك لروعة المعنى وجمال الحروف تقبل تحيتي واحترامي

كل الإحترام والشكر والتقدير لك جبل

سلمتي وسلم نبض قلبك الطيب

أشكرك لأنك هنا فهذا يضفي الفرح لي

الاجمل امضائك هنا بتواجدك القدير جبل

ربي يوفقك ويسعدك

[شاعر الحب الحزين]

اقتباس المشاركة الأصلية كتبت بواسطة يحيى الفضلي السودان ايام يا مازل هههههههههههههه دنيا حننينة

سلمت ابن السودان الحبيب

أسعدتني بتواجدك هنا يحيى

وادام الله ضحكتك وجميل حضورك

ربي يوفقك ويسعدك

[ندوشه 2011]

طب الفيلم اسمه ايه وهيجي على قناه ايه والساعة كام انا مش بحب الافلام هات كرتون وكوكي يا كوكي كل الأطفال بيحبوكي ايه يا اطفال مالكم في ايه عايزين كوكي يا سعاده البيه. .ولا هات العنكبوت النونو خطفت قلبه عنكبوته من يومها جن جنونه وعقله اتلخبط لخبطوطه أبو العناكيب الحبيب قال بيحب قال يا حلاوته يا صغنونه غنوله يا عيال. هههههههه

[Doaa Hammam]

دي الدنيا فيلم أقصر من حلم متغركش كتر اجزائه ده كل جزء بيقرب نهايته
....

صدقت .. الدنيا قصيرة وما هي الا ممر نعبر منه للحياة الأبدية الخالدة

أسأل الله تعالى ان يرزقنا حسن الخاتمة

من أجمل ما قرأت لك

رائع كعادتك .. الله يديم عليك هذا الاحساس الراقي

[شاعر الحب الحزين]

اقتباس المشاركة الأصلية كتبت بواسطة ندوشه 2011 طب الفيلم اسمه ايه وهيجي على قناه ايه والساعة كام انا مش بحب الافلام هات كرتون وكوكي يا كوكي كل الأطفال بيحبوكي ايه يا اطفال مالكم في ايه عايزين كوكي يا سعاده البيه. .ولا هات العنكبوت النونو خطفت قلبه عنكبوته من يومها جن جنونه وعقله اتلخبط لخبطوطه أبو العناكيب الحبيب قال بيحب قال يا حلاوته يا صغنونه غنوله يا عيال. هههههههه

هههههههههههههههاي

عليه العوض ومنه العوض

نورتي يا ندوشه

هههههههههههاي