كل عام

[a7med -3del]

كل عام ليا اماني
كل عام
بحلم بحلم
حد نفسي اشوفه تاني
والغياب ده اشد ظلم
واودع قصص
واستني حكابات
عام جديد
اتمني يبقي
اجمل من اللي فات
عام جديد بيمحي قبله
كل فكرة.. وتبقي ذكري
تعيشها تلقي الف وهم
وتنسي حلم...

كل عام
ومفيش جديد شايفه بعينايا
ناس تغيب وناس تقرب
يمكن تكون لازم نجرب
اللي حبو واللي دابو
حتي اللي فارقو واللي غابو
شكل الحكاية هيا هيا

من سنة فاتت كنت بقول
انا متفائل جدا بيها
عدي يدوبك كده كام يوم
ولاقتني بلعن فيها
ولو الف عام هيمرو بينا
القصة مش حب واحلام
السنين يدوب بتمشي
واللي بيتغير ارقام
احنا اللي بنحدد مصيرنا
واحنا اللي بنختار
اصلا محدش ابدا هيقدر
يرمي حد في نار
خلي اختيارك صاحب قرارك
وارمي بايديك اي وهم
عدي ودوس علي اي خوف
يلا فرح ويلا حلم

كل عام
Ahmed adel
2-1-2017
كل سنة وانتم طيبين

[توحد ارواح]

تمام وكلها ايام بتعدى من العمر
ونتمنى يكون عام افضل باذن الله
وكل عام وحضرتك بخير
دام ابداعك

[ندوشه 2011]

طب كل سنه وانت طيب بقى .كل يوم بيعدي أصعب والفراق أصعب واصعب. بس كلامك صح انا مش خسرانه حاجه هو اللي خسرني ومش هيلاقي حد يحبه قدي انا كنت بوهم نفسي. ياريتني ما عرفته. وطظ في كل حاجه واديني بتعلم. وانت معلم واحنا منك نتعلم. المنتدى من غيره احلى مايكون هو في.

[شاعر الحب الحزين]

الله عليك بجد يا ابو عادل

قلت كلام ف قلوب ناس كتير

ووصلت احساسك صح بجد الله ينور

كل سنة وانتا طيب وبألف خير

وان شاء الله ايامك كلها خير وسعادة

ربي يوفقك ويسعدك

[يحيى الفضلي السودان]

تمر ايام وايام وليالي

جميل السرد

[دمعه حائره]

مفيش فى ايدينا غير التفاؤل
وندعى ربنا يصلح حالنا وحالك
تسلم اخى وكل عام وانت بخير

[حـيـــــآة ❤]

كل عام وانت بخير
سلمت روحك