بيبي العجوز

[ايمان طلعت]

بيبي العجوز عجوز ومتصابي والعشق له غاوي يعوج على راسه العِمه ويحلف بالف ذمه انه عاشقها و ولهان و هو في الصبايا هيمان عايزها تقوله يا بيبي وسنانه واقعه يا عيني يقول بفطر باتيه ودود المش في ايديه لابس باروكة وحاطت چل وقال ايه ده شعره سايح وهو حاله يا ناس يعل بيشرب الميه في صفايح مفكر نفسه ياعيني شاروخان و محصلش حتى البتنجان هتقول بتنجان ده ايه هقولك مهو كله جنان يا بيه وعجبي على الشعر الابيض الهيبه لما يتجن و يتحول لخيبه

[توحد ارواح]

فعلا عجوز متصابى
تسلم ايدك
يدوم الابداع

[مهيب الركن .]

عصفور وشاب ريشة وجناحه كان مكسور ..
لمح عصفوره حلوه بينه وبينها سور ..
صوصو بصوت مبحوح ولبس هدوم نحنوح
وحب يعيش الدور ..
وقال إسمعينى يا حلوه دنا لسه نُغه صغار ..
ردت وقالت الحلوه ليلك مش طلعله نهار ..
رد وقال انا قلبى خالى وعاوزك تكونى حلالى
ردت عليه الحلوه وقالت يا جدو يحنن ..
هو اللى طارت سنانه لسه جي يسنن ..

؛؛؛ مهيب ؛؛؛

الأخت الفاضلة أيمان طلعت أجدتى وصف حاله يرثى لها وهى حاله العجوز المتصابى
الذى افنى عمره فى أرتكاب الحماقات ويفعل أفعال يخجل أحفاده عن أرتكابها
وللأسف من يخدع فأنما يخدع نفسه لأن أى ضحيه مهما خدعها بأقنعة الشباب مجرد
من ان يسقط عنه قناعه وتجد امامها رجل بلغ من الكبر عتيا فصدمتها ستجعلها اما تنتحر
او
تنفد بجلدها من راجل فى سن جدها
تقبلى تحياتى أختى الفاضلة

[بحر القمر]

كل ما نفعله تجاه غيرنا مكتوب اما لنا او اما علينا
ليتنا فقط نعي ذلك
الله يهدينا جميعا
بارك الله لك

[*فجر الاسلام*]

تسلمى حلوه اوى

[شاعرة الرومانسيه]

ههههههههههههه اه يا سلام على الشايب المتصابى

وربنا خاطره فى الجوووون يا ايمى

طول عمرك صاحبة قلم رائع

تسلم ايديكى

[شاعر الإحساس]

واالله حلووووه وجميله...
اضحكتنا حروفك سيدتي ...
وماله خليه يعيش دوره ووقته ...
وخليها تقوله يا بيبي :d

جميله وخفيفه وراقيه رائعتك هذه
دام نبض حرفك وقلمك...
ودُمتِ بخير وسعاده


تحياااتي وتقديري واحترامي


شاعر الإحساس